عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

[poem=font="Arial,5,,normal,normal" bkcolor="" bkimage="" border="solid,1," type=1 line=0 align=center use=ex num="0,"]
نويت آاسج بابياتي الى خارج حدود المنع=مللْنا احذر ,تركد,انتبه لا تدخل المحظور
سياسه والسياسه من دخلها راح لقمة سبع=لزمنا الصمت والعالم يزلزل خلف ذاك السور
جريمه بحق امتنا وحنا مالنا بالطبع =سوى نشجب ونستنكر وذي ماتجبر المكسور
كُتبنا بآآآآآخر الجمله بموقع لايجوز الرفع=ولو تبنى الى المجهول ,نبنا مالنا من شور
رضينا الهون لا متنا ,تدولنّا وزاد الصدع=سحرنا الغرب بامواله وجا للإشتراكي دور
هذه نهجه ديمقراطي وذاشعبه يعاني القمع=وفي كلتيهما بعدٌ عن القران والمأثور
منول شرعنا الاسلام مانرضى بغيره شرع=يطبقه الرجال اللي شجاعتهم تزيل الجور
بصرخه تنهض الأمه بعصر المعتصم لادمع=تقدم يحمل الرايه بنفسه مانزوى بقصور
وهالحين الدموع اكثر سلاح ملائمٍ للوضع=تخلى الليث عن عرشه وسلم تاجه العصفور
ولكن للامل باقي مادام إنّا ندلّ النبع=نبي ناردْه باذن الله ونرجع مركزٍ للنور[/poem]

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

آمين والامل بالله كبير
صح لسانك اخوي مشارك
جزاك الله خير

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

نويت آاسـج بابياتـي الـى خـارج حـدود المنـع
مللْنـا احـذر ,تركد,انتبـه لا تـدخـل المحـظـور

بيت قمة

القصيدة ولا شك جميلة

و لكن البيت الأول أكثر جمالا ً

و في باقي القصيدة كأنك تكلفت الكتابة تكلف

تقبل رأيي بكل رحابة صدر

أخوك

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

صح لساتك شاعرنا "مشارك جديد"

قصيدة انتظرناها ولم تخيب الامال

وإن كنت أظن "الرقيب الذاتي" شاف شغله كويس ههههه

هلا يا قاف متلهف لفــانا من كريم الطبع
يعبــر عن معاناة الشعوب ويكشــف المستــور

وراعي الحق له صوت ٍ يصل حتى ثقيل السمع
وانا أجــاريه في معنــاه رغم إنـي من الجمهور

ترى عـود العشـر يا ربعنــا ما هو سـواة النبع
وكثـر العــد في الليمــون.. لاكـنّ اخـره معصــور


ومع الأسف هذا حال الأمة


تحياتي أيها الرائع

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

السلام عليكم ورحمة الله وبركاته

أخوي الشاعر الكبير مشارك جديد ..
هناك قصائد فيها نغم أعني تلك التي تحمل معنى قويا وفكرة غير مسبوقة ..
هكذا فعلت أنت ...حفظك الله .
وصح لسانك ولاهنت ..
والأمل في الله والنور يطلع لو طال الظلام ..

ولـكـن لـلامـل بـاقـي مــادام إنّــا نــدلّ الـنـبـع
نبـي نـاردْه بــاذن الله ونـرجـع مـركـزٍ للـنـور

صدقت .....

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

صح لسانك أخوي / مشارك جديد


قصيده معبره عن كثير من مشاعرنا


يمكن بعض الأبيات كانت تقريريه أكثر من أنها شاعريه


لكن أشوف أن هذا الشيء قدم خدمه جيّده للفكرة


دمت أخوي


عشر أبيات وافيه من وافي

رد: عشرة ابيات فقط لاغير!!!!!!!!!!!!!!!!!!!!!!!!!!!!!!!!
 

حيا الله الشاعر فواز:

صح بدنك ,ولاهنت على المرور