::{ مجالس قبيلة هذيل }:: موقع يهتم بتراث القبيلة ومفاخرها

- مجلس النثر والخواطر (https://hothle.com/vb/forumdisplay.php?f=59)

- - قصة وقصيدة (https://hothle.com/vb/showthread.php?t=13618)

قصة وقصيدة

السلام عليكم ورحمة الله

حياكم الله اعضاء ومرتادي قبيله هذيل ...

هذا المتصفح نريدة لايراد قصة وقصيدة هنا نعرف القصيدة وقائلها وقصتها

اتمنى ان يروق لكم وارجو التفاعل لاثراءها بما لديكم .
.
ابدأ بهذه القصيدة وقصتها وهي منقولة ..

القصة حدثت بداية توحيد المملكة .. بعد ان انتهت الحروب والمغازي بين القبائل ..

واصبح الشرع هو الفيصل بكل القضايا.

ومن المفارقات ان الشخص من ابن القبائل حينما يواجه اهانة من الوضعاء الرديئين

لا يستطيع الرد المناسب عليه ..

يعني اللاش صار شيخ ماتقدر تقولوه شي ان لمستوه طبق عليك الشرع سواء حد قتل او سرقه ؟

وكان فيه واحد عتيبي قادما من نجد لديار الشمال لحاله على ذلوله .. المهم وهو يطب على "الدويد"

وهذي هجره بالشمال عند رفحاء وكانوا نازلين عليه الصلبه ولهم شيخ يقال له "منيف"؟

ومنيف هذا من رجال الشنيفي ، أمير لينه من هالزمان..

المهم ان العتيبي كان تعبان من الطريق وبكرته له مده ماشربت يوم اقبل على منيف وهو يطرده ؟

لاهو اللي اكرمه ولاهو اللي خلى بكرته ترد مع النياق!

زعل العتيبي ومشى وهو يطب على "عذفا" وهذي ديرة عند سكاكا واهله هم الشمروخ

يامار هذا نزل الشمروخ من الزميل من سنجاره من شمر وشيخهم "الجبيلي"

يقولون يوم وصلت الذلول على بيت الجبيلي وهي تدخل عليهم بالرفة من شدة العطش والتعب

وراعيه عليه، حاول راعيه يطلعه ، ويحلف عليه الجبيلي ان يتركه كما هي .

وقم يالجبيلي ويجر الراويه عنده بالرفة ، ويشق جنب الراويه علشان تشرب وهي باركة بالرفة.

وهم يكرمونه ويقدرونه..

المهم ان العتيبي يوم مشى قال هالهجينيه وهي من الهجينيات المشهورات

بالشمال وعند شمر خاصه..

يقول :-

يابكرتي وان جفاك "منيـف"
ترديـن عذفـا علـى ليـلـه

وجهـك علـى مكرميـن الضيـف
شمـر الـيـا قـلّـت الحيـلـه

عند "الجبيلي" يطيب الكيـف
وانـتـي تريحـيـن ياشعـيـلـه

عدك على بركـة(ن) بالصيـف
من مزنة(ن) زايد(ن) سيلـه

لو ندي شيخ الصلـب مايخيـف
وراه ســطــه وتـرزيـلــه

مار البلا اللي حكم بالسيف
عقبـان نـجـد تـراعـي لــه

اتمنى يناال رضااكم

رد: قصة وقصيدة

العضوة الموقرة بنت مكة

السلام عليكم

وهكذا الأصول العريقة، وبيوت الكرم، تخلد في سجلات المروءة والشهامة أفعالها، وهذه عادات القبائل الأصيلة، والأسر النبيلة.
وقد وثقت هذه القصيدة الحدث، وصارت الأجيال تتناقله جيلاً بعد جيل، وكذا فِعل البخلاء يبقى وصمة عار عليهم وعلى ذرياتهم.
اللهم أرزقنا مكارم الأخلاق واجعلها خالصة لوجهك الكريم، لا ليقالعن الشخص جواد كريم.

تقبلي مروري وتقديري،،،

رد: قصة وقصيدة

مشـكورة

تقبلي مروري

رد: قصة وقصيدة

مشكورة يا أختنا بنت مكة

قصة وقصيدة من جميل التراث

الله يوفقك

رد: قصة وقصيدة

تراث حسن الله يوفقك

رد: قصة وقصيدة

اهنيك على هل النقل البديع والى لامام وسلمت يمينك
تقبلي مروري وتحياتي
اختكي
هامة العرررررررررب

رد: قصة وقصيدة

يعطيك الف عافيه على القصه والقصيده المؤثره

تدل على كرم القبائل وعلى شهامتهم

تقبلي مروري

رد: قصة وقصيدة

يعطيك العافيه يااختي .. على هالقصه والقصيده ..

بالنسبه لي مااحب اقرا قصيده الا معها قصتهاا لأن بعض الاحيان الأبيات تكون مو واضحه ..

امتعتينا بالقصيده .. و ننتظر جديدك ..

أختك العيطمــوس..

رد: قصة وقصيدة

كل الشكر تواجدكم وردودكم الجميله

ولكن انا طلبت اذا اعجبتكم الفكره انه كل واحد يضع قصه وقصيده

اتمنى ارى تفااعلكم

رد: قصة وقصيدة

تسلمي بنت مكه

وهذي عوايد الباديه والعرب وكل ديره فيها من رجالها