(( قاضي .. عدل ))
 

السلام عليكم ورحمة الله وبركاته


أتمنى أن تلاقي أستحسانكم

.
.
.


[poem=font="Arabic Transparent,4,#008000,bold,normal" bkcolor="" bkimage="" border="none,1," type=2 line=0 align=center use=ex num="0,"]
إن كان لك حقٍ معي لا تخليه = وإن كان لي حقٍ معك لا تجي به
أنا تعبت من العتب والمشاريه = والصحبه اللي بين شكٍ وريبه
يا صاحبي كلٍ تسوقه هقاويه = على الفجوج الواسعات الرحيبه
والذيب من يحسب حساب لخطاويه = قدام لا ياقع ويكثر قنيبه
ولا قليل العرف تالي تواليه = يقوم من نكبه يطيح بمصيبه
ماني شبيهٍ له ولاني مجاريه = خله يزلزل كل الأرض بنحيبه
خليه حتى يفهم العلم خليه = ذنبه على جنبه وهذا نصيبه
من جاب لك علمٍ مع الناس موحيه = لابد ياخذ منك علمٍ يجي به
واللي معه دعوى يقرّب دعاويه = أمّا أقنعه بالحق ولا أرتضي به
ما هو يصد وتنتفخ لي علابيه = الصد في بعض المواقف معيبه
يا صاحبي هذا كتابي وما فيه = واضح ولكن خل عينك قريبه
وأعطيني أذنك وأسمع العلم يا هيه = إن كان لك قلبٍ وروحٍ لبيبه
قصيدتي معْدال والهرج ما أبيه = وأختر لنا قاضي عدل ترتضي به
وإن قال لك حقٍ معي لا تخليه = وإن قال لي حقٍ معك لا تجي به[/poem]



وسلامتكم

رد: (( قاضي .. عدل ))
 

رد: (( قاضي .. عدل ))
 

اربعة عشر بيت

استنفذت جميع حجج الخصم
وايضا
تدل على انك قدمت نية الخير مع خصمك قبل الشر وهذا من حلمك
خليه حتـى يفهـم العلـم خليـه
ذنبه على جنبـه وهـذا نصيبـه
عموما ليس مستغرب هذا المعنى المحكم منك ياهشام وصح لسانك

رد: (( قاضي .. عدل ))
 

الله الله الله

قصيدتي معْدال والهرج مـا أبيـه



قصيــدة والله أقل ما يقال عنها أنها جزلــة

صح لسانك يا أيو سعــود


وعندي طلب الله لا يهينك

نبغى قصائد غزلية طالبينك يا هشام



تحياتي وشكري وتقديري

رد: (( قاضي .. عدل ))
 

صح لسانك وكلام مليان


ذكرتني بالمقووله .. اعذب الشعر اكذبه

رد: (( قاضي .. عدل ))
 

الله الله ياهشام

جزالة حد الثمالة

قصيدة جميلة وتنال الاستحسان من غير شك

كلّ البيوت تدعوك للوقوف عندها

وأخص بالذكر هذا

واللي معه دعوى يقرب دعاويه .... أما أقنعه بالحق وإلا ارتضيبه

صحّ لسانك ولا نوصيك تطربنا بامثال هالتحفة

تحياتي

..

رد: (( قاضي .. عدل ))
 

عز الله جزله وأقول أنها جزله بالفم المليان
قصيدة حملت في طياتها عدة أمور :
شهامه
تسامح
عتب
صراحه
نصح
حكم

صح الله لسانك يابو سعود
ياصاحب الجزلات دائماً أعتقد أن صديقك الذي تخاطبه
بهذه القصيدة قد أخذ حقه كاملاً واتحدى يبقى في نفسه شي
لأنك لم تترك له شيء .ليس امامه إلا أن يصفح ويصفي النية .

دائماً تمتعنا بارك الله فيك لاتطول علينا بجزلة جديدة

رد: (( قاضي .. عدل ))
 

رد: (( قاضي .. عدل ))
 

صح لسانك ياأبو سعود

أنا أشهد بالله إنك تحفه

والله لو إنها موجهة لي .........لأكتفيت بها معدال وحق

رد: (( قاضي .. عدل ))
 

رد: (( قاضي .. عدل ))
 

سالم وغااانم

وإرق سنووود يا هشااام ارق سنوود

قصيده رائعه بكل ما تحمل الكلمه

وتسامح في منتهى الروعه

لله درك

رد: (( قاضي .. عدل ))
 

صح لسـانك هشـــــــــــــــام الهــذلي

قصيدة جميلـة

وأنت مبـدع

لاهنت

وتقبل

مروري

وإعجآبي

رد: (( قاضي .. عدل ))
 

رد: (( قاضي .. عدل ))
 

وعليكم السلام ورحمة الله وبركاته

سبقني الكثير من أساتذة الشعر وجهابذة الأدب .....لم أسبقهم في مديح للقصيدة فهم أجدر مني بفهم المغزى وسبك الأبيات ولكني تميزت بأني كنت ألأسعد بهذه القصيدة فمنذ زمن لم ارى مشاركات للأستاذ هشام وكنت أحدث نفسي بذلك قبل ايام .....فجاءت هذه الفاتنة ..
ومثلك ياهشام راعي العلوم غانمة ولاهنت بيض الله وجهك ..

يا صاحبي هذا كتابـي ومـا فيـه
واضح ولكن خـل عينـك قريبـه
وأعطيني أذنك وأسمع العلم يا هيه
إن كان لـك قلـبٍ وروحٍ لبيبـه
قصيدتي معْدال والهرج مـا أبيـه
وأختر لنا قاضي عدل ترتضي بـه
وإن قال لك حقٍ معـي لا تخليـه
وإن قال لي حقٍ معك لا تجي بـه

صح لسانك مليون ...

رد: (( قاضي .. عدل ))
 

(إن كان لك حقٍ معـي لا تخليـه
وإن كان لي حقٍ معك لا تجي بـه)

انشهد لله بس وين الي يا خذون بهذه الابيات الحكم

ناس الزمن هذا مقفين الله لا يبلانا ...................

صح السانك ابو سعود وكله على شانك

فالك البيرق


تقبل مروري بود ,,,,,,