الأوله غنّا الهذيلي ولالا
 

السلام عليكم ورحمة الله وبركاته

أضع بين أيديكم أحد قصائد الشاعر / عطالله عوض السعيدي الهذلي

وهي أحد القصائد التي تعدّ من الذكريات القديمه وهي عباره عن أبيات

غزليه فكاهيه أتمنى أن تنال إعجابكم وإستحسانكم .

يقول أبو سلطان : ــــ

الأوله غنّــا الهــذيلي ولالا
من هاجسٍ ما فيه ميل وعدالا
يصرف كما صرف الذهب والريالا
لا ضاق محرافه ولا غرّ معنــاه

والثانيه غنّيت من فكر مــا حار
ومشّيت أنا يا ناس في كل الاقطار
دارٍ بهـا المجــمول يـا عـز من دار
لا واهني اللي سكنها هنيّـــاه

دارٍ بها مجمول عيني نزلها
ياليتنا جيران من حول أهلها
عسى المطر يمطر ويسقي جبلها
حتى نحيل وعالي الضلع نرقاه

كله على شأن العيون المراهيف
والخد والمبسم وخشمٍ كما السيف
اللي بها كل الحلا والتواصيف
أنا أشهد إن الروح لَجله معنّـــاه

أريتها يا ليتني كان ما ريت
قلت أطلعي بالله وهيّا على البيت
قالت معاك ونيت ما نركب ونيت
وارد عراوي ما نبا غير فرقاه

ما نركب الاّ جمس يقطع مسافات
والاّ شفــر فوقه ثلاثه علامات
والاّ بــيوكٍ ما يقف للأشارات
وإليا مشانا يسعد الروح ممشاه

قلت إبشروا واللي تبونه نجيبه
وشروطــكم يا بنت ما هي صعيبه
يصعب عَلَي إفراقك أكبر مصيبه
أنت المنا اللي فالحياة أتمناه

قالت نبا نرضيك علمٍ وكادي
أنته من الحضران والاّ البوادي
قلت إبدوي من هاذيك البلادي
واللي تودّه ياريش العين تلقاه

قالت نبـا عنـوان منزلك بالله
بعد أبتليــت بحبّنا يا عطالله
قلت أبشروبه والبواقي على الله
واللي نودّه مثلكم نتبع إرضاه

رد: الأوله غنّا الهذيلي ولالا
 

يعطيك العافيه

رد: الأوله غنّا الهذيلي ولالا
 

يعطيكم العااااااااااااااافيه

رد: الأوله غنّا الهذيلي ولالا
 

رد: الأوله غنّا الهذيلي ولالا
 

صح لسان قايلها

الله يعطيك العافية


قلت إبشروا واللي تبونه نجيبه
وشروطــكم يا بنت ما هي صعيبه
يصعب عَلَي إفراقك أكبر مصيبه
أنت المنا اللي فالحياة أتمناه

رد: الأوله غنّا الهذيلي ولالا
 

صح لسان قايلها ولا تحرمنا من المجالسيات النادرة

رد: الأوله غنّا الهذيلي ولالا
 

وعليكم السلام ورحمة الله وبركاته

أهلا وسهلا بالأخ والشاعر عابد الهذلي ..
كأنك تغيبت عن مجالسنا ومثلك يفتقد ..

نقل موفق أخي عابد .
وصح لسان الشاعر عطا الله السعيدي ..
فعلا قصيدة فكاهية .........الله يعين .
أخيرا بعد كل هالشروط ...الله يسعد ايامك أخوي عابد ..
قالت نبا نرضيك علمٍ وكادي
أنته من الحضران والاّ البوادي
قلت إبدوي من هاذيك البلادي
واللي تودّه ياريش العين تلقاه


ولا تنسانا بالجديد ..

الله يوفقك ياشيخ ..

رد: الأوله غنّا الهذيلي ولالا
 

أسلوب كوميدي رائع


صح لسان الشاعر / عطالله عوض السعيدي الهذلي


الأوله غنّــا الهــذيلي ولالا
من هاجسٍ ما فيه ميل وعدالا
يصرف كما صرف الذهب والريالا
لا ضاق محرافه ولا غرّ معنــاه


أعجبني هذا المقطع


يعطيك العافيه أخوي عابد الهذلي


ولا تقصر لو حصلت شيء جديد

رد: الأوله غنّا الهذيلي ولالا
 

سلمت يدك

وصح لسان الشاعر / عطا الله السعيدي


تحياتي

رد: الأوله غنّا الهذيلي ولالا
 

صح لسان القائل

وسلمت يدين الناقل

نقل موفق ومميز

بيض الله وجهك أخوي عابد

تحياتي

رد: الأوله غنّا الهذيلي ولالا
 

ليه ما عطاها الرقم <<<< واحد ملقوف مسوي فاهم

صح لسان الشاعر

وسلمت اخي ابو عابد على النقل الرائع

رد: الأوله غنّا الهذيلي ولالا
 

الله يعافيك يا شقران

ومشكور على المرور يالغالي

رد: الأوله غنّا الهذيلي ولالا
 

الله يعافيك يالعجلان

رد: الأوله غنّا الهذيلي ولالا
 

صح بدنك يا ماجد

والله يسلمك يالغالي

ومشكور على مرورك الأجمل

رد: الأوله غنّا الهذيلي ولالا
 

صح بدنك ولا هنت يا عيسى


والله يعافيك يالغالي

يعطيك العافيه على مرورك العذب