::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   مجلس المحاورات ( القلطة) (https://hothle.com/vb/forumdisplay.php?f=63)
-   -   محاورة حبيب العازمي وفيصل الرياحي (نادرة ) (https://hothle.com/vb/showthread.php?t=13841)

عطر القصيد 02-22-2008 04:55 AM

محاورة حبيب العازمي وفيصل الرياحي (نادرة )
 
السلام عليكم ورحمة الله وبركاته

هذي المحاورة بين حبيب العازمي وفيصل الرياحي على فكرة غير


موجودة على قوقل ان شاء الله تعجبكم ومنتظر الردود



حبيب

في الصالة المغلقة يوم اختبار الدروس = كل ٍ يجيب الاجابة صح والا خطا


والشاعر اللي يبيها مثل حرب البسوس = لابد يحسب حسابه صح والا خطا

فيصل

عطنا نتيجة درجاتك ورقم الجلوس = حتى نبشر عتابه صح والا خطا

كثر اختلاف الهبايب واختلاف النفوس = الا الاسامي تشابه صح والا خطا

حبيب

تقدير ممتاز واضحك بالخبول التيوس = اللي تعكس الكتابة صح والا خطا

ياراس ياللي تصادم روس والروس روس = تبى الخطر لاتهابه صح والا خطا

فيصل

شهادة الوزر وفتها اليمين الغموس = لكن مابه غرابة صح والا خطا

الروس يابن دغيم فوقها حد موس = يازين عزف الربابة صح والا خطا

حبيب

شهادة الزور تبطل في النهار العبوس = والسيف عزه نصابه صح والا خطا

احد ٍ يحفظ الدبش واحد ٍ يحفظ الفلوس = واحد ٍ يشقق ثيابه صح والا خطا

فيصل

يارجل مافيك قصرة مير حظك نحوس = تلبس جلود الذيابة صح والا خطا

الحب واجد لكن اثره دخل فيه سوس = تصرفوا ياشبابة صح والا خطا

حبيب

انت معوكس وحظك كل ليل امعكوس = وان قلت فيك انقلابة صح والا خطا

اصحابنا ياخنادف حبكم في الكدوس = مخزون كل ٍ درابه صح والا خطا

فيصل

يا ما اكثر اللي على البيداء وتحت الرموس =والحي فوقه رقابه صح والا خطا

المهر غالي ولا كل ٍ يحصل عروس = يا اهل الهوى والصبابة صح والا خطا

حبيب

رجلك تنوش الابنص ولانت قادر تدوس = تخاف بطش العصابة صح والا خطا

ان كان جاكم مطر يبى يجيكم عسوس = ماعاد فيها طلابة صح والا خطا

فيصل

لقيت خمسة من العمال يبنون قوس = على طريق اللهابة صح والا خطا

اخذوا مشاعيب ياشيوخ العوازم وفوس = ان عودت للحرابة صح والا خطا

حبيب

واثنين يم تربة ويحفرون الطعوس = واثنين راحوا نهابة صح والا خطا

ما ناخذ الا السيوف وكاسرات الضروس = ان عودت للحرابة صح والا خطا

فيصل

اهل تربة يلبسون من المراجل لبوس = والصدق يامرحبابه صح والا خطا

جماعة ابن تويلي هوجسوا بالهجوس = والقدع ينفض جرابه صح والا خطا

انتهت .....

عابد الهذلي 02-22-2008 10:47 AM

رد: محاورة حبيب العازمي وفيصل الرياحي (نادرة )
 
محاوره جميله ولا شك بين علمين غنيين عن التعريف


يعطيك العافيه يا عطر القصيد على الاختيار الموفق والنقل المميز


تقبل مروري يالغالي

سلطان الندوي 02-22-2008 11:10 AM

رد: محاورة حبيب العازمي وفيصل الرياحي (نادرة )
 
قاف ناري

مشكور على النقل المميز والأختيار الموفق

نتطلع للمزيد أخوي عطر القصيد

تحياتي

عطر القصيد 02-22-2008 11:59 PM

رد: محاورة حبيب العازمي وفيصل الرياحي (نادرة )
 
عابد الهذلي الله يبيض وجهك على المرور وشكرا لك

سلطان الندوي يشرفني مرورك وابشر بالجديد

مطرفي الدلم 02-23-2008 09:45 PM

رد: محاورة حبيب العازمي وفيصل الرياحي (نادرة )
 
محاوره جميله وفيصل لايستهان به بيض الله وجه أبو بدر .

شكرا لك على النقل المميز .

تحياتي .

ماجد 02-24-2008 07:05 AM

رد: محاورة حبيب العازمي وفيصل الرياحي (نادرة )
 
يعطيك العافيه

يا عطر القصيد

يبيض الله وجهك

فواز السعيدي 03-08-2008 10:16 PM

رد: محاورة حبيب العازمي وفيصل الرياحي (نادرة )
 
الف شكررر على اهتماامي باشرطة فيصل وحبيب


الا ان هذه المحاورة اول مره تمر علي


الف الف شكر اخووووووووي عطر القصيد

جبل طويق 08-01-2008 11:30 PM

رد: محاورة حبيب العازمي وفيصل الرياحي (نادرة )
 
عطر القصيد أشهد انك سنافي وأشهد أن أبوبدر ملك المحاورة.


الساعة الآن 12:16 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل