::{ مجالس قبيلة هذيل }:: موقع يهتم بتراث القبيلة ومفاخرها

- مجلس الألوان الشعبـيــــــة (https://hothle.com/vb/forumdisplay.php?f=30)

- - مجالسي (اليوم الآخر والجنة والنار) (https://hothle.com/vb/showthread.php?t=14167)

مجالسي (اليوم الآخر والجنة والنار)

[الإخوة الفضلاء في مجالس قبيلة هذيل .. سلام عليكم من الله ورحمته وبركاته،،،
فإن من أسمى أغراض الشعر الدعوة إلى الله، والتذكير باليوم الآخر، والجنة والنار، ومن هذا المنطلق يسرني أن أرفق لكم هذه (المجالسية) الجزلة، للشاعر الكبير: ناجي الهذلي.

[poem=font="Arial,5,#ff0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
الأوله يا الله يا خالق الناس=يا مزيّن الإنسان بالعين والراس
ولساني أنطق به على كل هوجاس=وانا أتفكّر في اختلاف المعاني
فكّرت في الدنيا ولا ها قليلة=وأمورها ما غير لعبٍ وحيله
تقفي وتقبل مثل نوّ المخيلة=والباقي الخلاّق والخلقْ فاني
ميّزت في نفسي وقمت أتفكّر=اللي يقول العبد في اللوح يُسْطر
لو كان قيس الذر بالوزن وأصغر=ياتي بها سيّات و لاّ حِساني
يا جاهل أبا أوصيك بالقبض للدين=و لا تغرّك صحّة العظم واللين
ما زاد فرعون الطغى والملايين=عذاب في الدنيا وعذاب ثاني
خلك على دينك كثير الوثاقة=واطلب حبال العلم طَلْب العِشاقة
ما فادك أموالك وكُثْر الرفاقة=نهار كل اللي كتمته يباني
وأذكر نهار اِتحطّ بين النصايب=ويجيك خصمين بعلوم وطلايب
يقلون عيّنت الفرح والعجايب=وعلومك اللي قلتها باللساني
غير الكفن في القبر حطّوا معك لون؟=ارجع لنفسك في رضا الله وتهون
خسران لو عندك ثمانين مليون=يكون ما مدّيت مد اليماني
ويجيك من بعد القبر بعث ونشور=قالوا فلان سعيد وفلان مثبور
وأحمدك يا رب الظلْمات والنور=يقضي لهم بالحق عدل الوزاني
الملك ما غيّر محاسن سليمان=والفقر ما كرّه لعيسى في الإيمان
ويوسف لبث في السجن ما قال جيعان=والضرّ مس أيوب ما قال واني
سوّى السماء والأرض في ستّة أيّام=يسمع دبيب النمل في ليل الأظلام
ويعدّهم نهار صفوا بالأقدام=ويا ويل من كذّب بهاك المكاني
حِشْروا ضحى في وقتهم والله أعلم=وخَشْعت الأصوات محدٍ تكلّم
يكود من يأذن له الله وعلمْ=وليا رضي شيئٍّ من الأمر كاني
الشمس قدّ الميل وادْنَت جهنم=ولها شناكيرٍ عليهم تِزَلّم
تأخذ عدو الله وهوه مبلّم=ترميه ما بين الدَرَك والزباني
على الصراط أدقّ حده من الموس=والجنة تبا لا شيّ والنار بفلوس
وحدٍ عن الآيات رايح عمى طوس=تفكّروا يا فاسرين المعاني
وليا كثر مزقول في نار تشتبْ=هذا جزاء عصيانكم للربّ
واليوم ذوقوا مَسّ نارٍ تَلَهبْ=عدّت لمن يشرك وكافر وزاني
وليا هل الجنّة عليهم حريرا=ما مسّهم شمسٍ ولا زمهريرا
فيها نعايم من فواكه كثيرا=وظلالها دايم على الخلق داني
هذا بلاغ لمن يريد السلامة=ويخاف يومٍ فيه يقرا كلامه
وصلّوا على شفيعنا في القيامة=في كل وقت وكل حين وأواني[/poem]

[size=5]متمنياً للجميع المتعة والفائدة في عاجل أمرهم وآجله.[/size]