((ياكثر ماغشّتني أحلامي)). للتواصل معكم !!!!!
 

[poem=font="Simplified Arabic,5,#0000ff,bold,normal" bkcolor="" bkimage="" border="groove,1," type=2 line=0 align=center use=ex num="0,"]
طبع المحب يشب سامحني على كثر العتـاب=لو ادري ان الصدق كذبه ما بحثـت اسبابهـا
لو علموني قبل لا يرمون في صدري حـراب=يمدينـي آخـذ للمعـارك سيفهـا وحرابهـا
خرجت من حلمي وعلمي توّه ألبسنـي ثيـاب=عزالله إني لآدفـن أحلامـي وأهيـل ترابهـا
ياكثر ماغشتني أحلامي وضّيعـت الحسـاب=ما تنكشف بـدري وتتركنـي وتقفـل بابهـا
هاك إعترافاتـي وسجلهـا وضمّنهـا كتـاب=وأرسم معاناتـي بعدعـاش الظـلام وجابهـا
ماني غبي حتى أعطي الما طالبه واظما سراب=ولانـي نبـيّ أمـه ينزّلـه وحـيْ بكتابهـا
شاعر سأله الهم عن ماتم وأعطـاه الجـواب=وأحتاج يخرج من غباْ الرحله ولا يشقى بهـا
والعمر ميدان التجارب والخطا غيرالصـواب=والروح عيّـت لا تناسبهـا فنـون أحبابهـا
ياقلب صبرك معجزه لو فالصخر ما فيك ذاب=أنا أشهد إنـك مـا تليـن وللسنيـن حسابهـا
يفداك كل اللي مضى يا قلب من حب وعذاب=وتفداك كـل التضحيـات وخيلهـا وركابهـا
ويفداك من يقفل ويفتح للفرح والحـزن بـاب=ويفداك من بكّى العيون اللـي تبـل أهدابهـا
والشعر سيفك والقصايـد لاتـذل ولا تهـاب=إضرب على روس الهموم اللي طوال رقابهـا
بكره يطيب الجرح (وتعلّه مراويح السحـاب)=وتموت كل الذكريات اللـي يحـوم غرابهـا [/poem]

رد: ((ياكثر ماغشّتني أحلامي)). للتواصل معكم !!!!!
 

رد: ((ياكثر ماغشّتني أحلامي)). للتواصل معكم !!!!!
 

والعمر ميدان التجارب والخطا غيرالصـواب
والروح عيّـت لا تناسبهـا فنـون أحبابهـا

صح لسانك

بفارغ الصبر ننتظر جديدك

بيض الله وجهك

ولا تحرمنا من اطلالتك المميزة

تحياتي

رد: ((ياكثر ماغشّتني أحلامي)). للتواصل معكم !!!!!
 

السلام عليكم ورحمة الله وبركاته

الشاعر الكبير الحاضر بشموخه وشعره ...الذي يحتمل عتبنا في غيابه دوما ..ولازلنا والعتب بقدر المحبة لاشك ..

قصيدة تداوي جراحات الزمن وتضع ضماد من الصدق والمصارحة لتحدد ماتريد ..


والعمر ميدان التجارب والخطا غيرالصـواب
والروح عيّـت لا تناسبهـا فنـون أحبابهـا

صح لسانك والله أخوي الشاعر عبيد الله ..
ولاهنت ..