::{ مجالس قبيلة هذيل }:: موقع يهتم بتراث القبيلة ومفاخرها

- مجلس المنقولات (https://hothle.com/vb/forumdisplay.php?f=65)

- - تذكره للغافلين وانا اولهم !! (https://hothle.com/vb/showthread.php?t=14795)

تذكره للغافلين وانا اولهم !!

ياابن ادم امك .. ثم امك .. ثم امك

حمدان ياحمدان امك توصيك

قصيده كتبتها عجوز بعد ان اودعها ابنها في دار (المسنين) وطالت المدة لثلاث سنوات بدون ان يزورها !!

بالرغم من هذا قالت قصيده مليئه بالرحمه وحنان وعطف الأم

اترككم مع القصيدة

وين انت ياحمدان امك تناديك
وراك ماتسمع شكايا وندايا

يامسندي قلبي على الدوم يطريك
ماغبت عن عيني وطيفك سمايا

هذي ثلاث سنين والعين تبكيك
ماشفت زولك زايراً ياضنايا

تذكر حياتي يوم اشيلك واداريك
والاعبك ديام وتمشي ورايا

ترقد على صوتي وحضني يدفيك
ماغيرك احد(ن) ساكنن في حشايا

واليا مرضت اسهر بقربك واداريك
مااذوق طعم النوم صبح ومسايا

ياما عطيتك من حناني وبعطيك
تكبر ... وتكبر بالامل يامنايا

لكن خسارة (بعتني) اليوم وشفيك
واخلصت للزوجه وانا لي شقايا

انا ادري انها قاسيه ماتخليك
قالت عجوزك ماابيها معايا

خليتني بوسط المصحة وانا ارجيك
هذا جزا المعروف وهذا جزايا

ياليتني خدامة بين اياديك
من شان اشوفك كل يوم برضايا

مشكور ياوليدي وتشكر مساعيك
وبدعي لك الله دايم(ن) بالهدايا

حمدان ياحمدان امك توصيك
اخاف ماتلحق تشوف الوصايا

اوصيت دكتور المصحة بيعطيك
رسالتي هذي وحروفها من بكايا

وان مت لاتبخل علي بدعاويك
واطلب لي الغفران وهذا رجايا

وامطر تراب القبر بدموع عينيك
يوم ماعاد ينفعك الندم والنعايا

على الله تكون هالقصيده درس لكثير من الابناء ،، ودرس لزوجات الابناء اللي يحرضون ابنائهم على عقوق امهاتهم

ولاتنســـو دايم ان الدنيا (دوووواره)

منقووول

تحياتي