::{ مجالس قبيلة هذيل }:: موقع يهتم بتراث القبيلة ومفاخرها

- مجلس الشعر الشعبي (https://hothle.com/vb/forumdisplay.php?f=15)

- - قصيدة تناقش علاوة الخمسة بالمئه (https://hothle.com/vb/showthread.php?t=15005)

قصيدة تناقش علاوة الخمسة بالمئه

نظراً لغلاء المعيشه وبعد العلاوه الخمسه بالمئه تطرقت بالقصيده التاليه الى هذا الموضوع
ياسيـــــــــــــــــــدة

[poem=font="Arabic Transparent,5,#ff0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
استاذنك لحظه ولاني بناسيك=بقرا على راس الطويل الجريده
يمكن تجي بسطورها فكرتي فيك=ورجع واسوي في جنابك قصيده
يوم ابتدى حلم الفقير بمعاليك=لاتطعنه وطعون قلبه فريده
اسمع لصوته يوم بالصوت يدعيك=والحزن في قلبه يغطي وريده
أبوه دمه سال من فوق اراضيك=وجده رفع بيديه رمز العقيده
وابنك نهار اليوم بالدم يفديك=شهيد برضك مابكته الشهيده
تبقين عز ونجمتينك ترقيك=والا عسى مافيه منا شريده
حنا عيالك نرفعك مانوطيك=وحنا فدالك بالليال الشديده
وحنا عيالك بالمعزه نقهويك=وحنا فدالك في نهار الوقيده
وحنا عيالك بالمعارك نغطيك=بجسامنا حتى عدوك نبيده
وحنا جبال وروسنا فوق تحميك=وحنا سيوفك تبتر اللي تريده
الشعب كله خاصم اللي يعاديك=كله فدا لدموع عين المجيده
ياسيده خيرك سواده بواديك=ياسيده والله يكافي عبيده
ياسيده روفي عيالك مهاليك=ياسيده شعبك يعزي رصيده
ياسيده بابه جفته الشبابيك=ياسيده طالت عليه المكيده
ياسيده كثرت عليه الشرابيك=ياسيده خاف الحياه العنيده
ياسيده ليه الغلا يدبل الكيك=ياسيده ليه العلاوه زهيده
ياسيده طفلك من الجوع يبكيك=ياسيده وجدار حبك يعيده
ياسيده والله من المال مغنيك=وشعبك من الحاجه يبيع الحديده
يعرف بلاه من البطانه صعاليك=تصعلكو وعيال بطنك بعيده
ياسيده صرح وزيرك الراجيك=الرز غالي عوضوه بعصيده
لن كان هذى ياثرى الارض يرضك=صبري على صوم الشهر يوم عيده
الليل بدد ضلمته حاجتن فيك=طيبة هلك مبدى بدين وعقيده
حنا لنا هقوه بحضرت معاليك=قبل الجمل يطوى على الرجل قيده
وملوكنا دايم تحيي مساعيك=حكامنا فيها المساعي حميده
سريتبك يادار محلى مساريك=وكتبت من نزف المشاعر قصيده[/poem]
[/poem]
الشاعر : حمد عباد السناح المطيري