|
باريس
--------------------------------------------------------------------------------
السلام عليكم والله اني مدري وشلون ابدأ موضوعي لأنه فيه موضوعين في قصيده وحده وبينها تضارب بعيد عشان كذا وعشان اطلع من نقد الشعار لازم اوضح الصوره!!! والقصه انه في بداية الشهر هذا فيه واحد من اعز اصدقائي توفت امه الله يرحمها وهو صح انه من نفس القبيله لكن ماهو من قرايبنا او من فخذنا وكانت امه الله يرحمها اذا عرفت اني سيرت عليهم لازم تجي لين تسلم علي وماتعتبرني الامن عيالها وتناديني ياولدي ياولدي والشخص هذا قلبه قوي وماعمري شفته يبكي او تذرف له دمعه!!! المهم رحنا نعزيه وبعد مادخلنا عليهم في المجلس طبعـــــــآ انا واخوياي جايين سوا وكنت انا متأخر شوي يعني قدامي تقريبآ ثلاثه او اربعه ووراي ثنين المهم سلم على اللي قبلي وبعد ماجأء الدور علي وشافني الا يوم ظمني وقام يبكي وفيه ناس قدامنا في المجلس من اخوانه وقرايبه يحلفون بالله ان اليوم طبعـــآ آخر العزاء يعني اليوم الثالث المهم انهم يحلفون انه الوحيد فيهم اللي ما بكى الايوم شافني!!! المهم بصراحه انا بكيت منه وعليها الله يرحمها !! طبعــــــــآ وامي الله يرحمها ميته من عام 1415 هجري وكنت صغير بوقتها وذكرت المشاكل اللي مريت عليها طبعآ يتيم وصغير وجلست افكر عقب مامشينا من عندهم !!! جلست افكر والحزن واضح على وجهي ورجعنا للأستراحه المهم العيال الباقين نسوا الموضوع وقالوا خلونا نلعب ورقه قلت انا والله مالي نفس اسمحوا لي!! المهم قال لي واحد ياأخوي لاتعقد نفسك وتعقدنا معك حاول تساعدنا نغير الجو!! قلت خلاص خذوا لكم طقه وانا اللعبه اللي بعدها بلعب معكم المهم جلست اقول لي ابيات واخذ من نفسي وارد عليها وكان المسباح بيدي وكنت اسبح به وانا اصلح قصيدتي وكنت غافل اثاريهم انتبهوا لي وقالوا لهذا اللي كان يقول لي حاول تساعدنا على تغيير الجو قالوا له تكفى اطلبه يهل القصيده علينا لأنه يعزك ويستحي منك ماراح يرد لك طلب!!! المهم طلبني قلت طيب وقلت ثلاث اواربع ابيات...........الخ) المهم قال لي اقول يافلان انا بروح لفرنسا الشهر الجاي وش رايك تخاويني؟؟ ومعي فلان وفلان وكلهم والله غالين قلت خلص لعبك وبعدين نتفاهم!! المهم غيرت اتجاه القصيده للسفر طبعآ فكره وجات وماراح اضيعها والحين اترككم مع القصيده!! طيب اقول:/ اول ايام العمــــر غـــــــادي ٍ حظـي تعيس عايش في حســــــــــــرة ماني ابمـختارها وخلقني الله يتــــــــــــــيم وانا توي فطيس عام الخمسة عشر يــــــــــالعنبو أذكارها حتى صرت ماأميــــــز سبتها والاالخميس والسحايب عيـــــــوني والدموع امطارها شارد فكري لهـــــــــا ولااقدر له استريس أمي اللي راحت والـــــــشوق مني زارها اجحد العله وادوّر على الفــــــــج الونيس وهيه يابعض العـــــــــــرب ودنا بأخبارها ولا ياجماعه كــــــــان رحتوا على باريس توخـّـــروا كود عـــــــيني إتنـــشّ اعبارها أتنهـّــــــــد وأتـــــــعبّر وغادي لي ضريس من هموم ٍ خالط اكـــــــــــبارها لصغارها لاتحركون الخــــــــــــاطر ترى مابه نفيس زوع قلبي زوعة اللــــــي يزوع اعيارها وقلي قلبي قليــــــــــة ٍ غادي منها حميس وفوح صدري فوحة اللـــي يفوح ابهارها أتصبر واصبر وانــــــا في قلبي وساويس زود ٍ على اللي بكـــــــــــــبدي توقد نارها وأتعبر واتـــــــــــــوجد وانا حبـلي مسيس على خوة من نـــــــــــوى يبعد ابمطيارها ماحداني عنكم كـــــــــرهـ ولامن قل كيس ولاحداني كرهي للــــــــــديرهـ ومسيارها ياكم وياكم ويااااااااااااكم وردنا مراويس فوق اللي على ذنــــــــــبها يخط اشعارها وياكم مرة رحـــــــــــنا وفالرجعة مفاليس وياكم بنت شيخ ٍ بــــــــــــها نزل مقدارها ذاك حلّـك يالطفــــــــــر ذاك حل الكوابيس وانااليوم بروضـــــــــــة ٍ تستفيظ انهارها ودي اركد واستخـــــــير واتعوذ من بليس ونيتي باسلـّي النـــــــــــفس وسط اديارها وسلامتكم بقلــــــــــــــــــــــ ـــــــــــمي وتحيات اخووووووووووكم واحد من الناس |
رد: باريس
قصة جميلة ومؤثرة وتدل على كرم أخلاقك، وأصالة معدنك، وطهارة قلبك.
لك من أخيك خالص الدعاء بعمرٍ مديد وعمل صالح مقبول. |
رد: باريس
اقتباس:
أخي "واحد من الناس" صح لسانك شاعر رائع |
رد: باريس
صح لساااااااااااانك واحد من الناس
والله ياني اعجبت بشعرررك بلا حدود تقبل مروري 0000 أخي الكريم:40: |
رد: باريس
صح لسااااانك
قصيدة مؤثرة ومناااسبتهاا مؤثرة ايضاا |
رد: باريس
اخوي واحد من الناس
صح لسانك قصيده رائعه بروعه قايلها تقبل موري |
رد: باريس
اقتباس:
تقبل تحياتي واحد من الناس |
رد: باريس
اقتباس:
تقبل تحياتي واحد من الناس |
رد: باريس
اقتباس:
تقبلي تحياتي واحد من الناس |
رد: باريس
اقتباس:
تقبل تحياتي واحد من الناس |
رد: باريس
اقتباس:
تقبل تحياتي واحد من الناس |
رد: باريس
ودي اركد واستخـــــــير واتعوذ من بليس
ونيتي باسلـّي النـــــــــــفس وسط اديارها ايه بالفعل خيــره من السفر الله يرحمهم ويجمعنا بامواتنا بالجنه ياواحد وابيات تقف لها المشاعر احتراما يعطيك العافيه |
رد: باريس
حيا الله( الزيادي) ؟لاهنت المتابع لكتابتك يتأكد أنك شاعر متمكن ومن بيت شعر
الله يزيدك قوة ومن حسن الى أحسن بيض الله وجهك .ونعم بال زياد كلهم . |
رد: باريس
شاعر جزل وقصيده مدهشة
تقبل مروري |
رد: باريس
اقتباس:
تقبلي تحياتي واحد من الناس |
| الساعة الآن 01:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل