::{ مجالس قبيلة هذيل }:: موقع يهتم بتراث القبيلة ومفاخرها

[align=center]علمته يشيل السيف ويسله في وجيه اغراب ..
واول ما قوى شيله رفع سيفه وتحداني
علمته الرمايه زين ولا يتعب ولا يرتاب ..
واول ما قوت يمناه صوبني ورماني
علمته نظم الشعر ولا يركض وراء الالقاب ..
واول ما كتب بيتين كتب عني وهجاني
علمته يعاف الغدر ويوفي بوعده الاحباب ..
واول ما فهم قصدي راح بعيد وخلاني
تعبت اوفي مع الخاين تعبت اصدق مع الكذاب ..
تعبت ارجيه والجي له وهو ما يوم قد جاني
تعبت ابني صروح الحلم على شانه شقى واتعاب ..
ولا مره شعر فيني ولا حس باحزاني
غريبه كيف يجرأ يسوي ما رفضه اجناب ..
هو اقرب من النظره لعيني منها اجفاني
انا اللي عشت له ديرة عزيزة مالفاها اغراب ..
وهو كان الوطن اللي نساني واوطاني
سهرت الليل لعيونه رغم نومي على غلاب ..
مع هذا صبرت وقلت من شانه انا اعاني
عيوني تنثر الدمعه وظني للاسف قد خاب ..
وقلبي مات في سجنه يوم الحب سجاني
تموت افراح هالدنيا وانا كلي بقايا سراب ..
من هموم تعل القلب تشمت فيني عدواني
هناهم لا رأوا عيني تسهر في رجا الاقراب ..
وبكايا عندهم يعني بقايا عزف الحاني
سبب حالي خوي الدرب شمت فيني الاجناب ..
تركني بوحدتي اشقى بصده لي وهجراني
زمن ما يعترف بالذنب ولا يستغفر التواب ..
زمن لاجارت ظروفه تغربل كل اكواني
انا عمري غدا تاريه تضمه دفتين كتاب ..
على صدره كتب اسمي وكان الحزن عنواني
اشرح فيه تجربتي عبرة يا اولي الالباب ..
نهايتها ضياع العمر في تدريس صبياني
هذي قصتي باقسى مشاهد عشتها في عذاب ..
بطلها شخص علمته بعدها راح وخلاني [/align]