::{ مجالس قبيلة هذيل }:: موقع يهتم بتراث القبيلة ومفاخرها

بداية القصه
سلطان بن رباح ومحمد بن عقيل صدقين وحبيبين واكثرمن اخوة يحبون القنص واطلعات وما يطلع واحد الا معة الثاني المهم سلطان يوم جالة ولد سماة محمد على اسم خوية من زود ما يغلية
وفي يوم من الايام كانو الاثنين طالعين يقنصون محمد يسوي الغداء
وسلطان ينضف السلاح وكان فية رصاصة في مخزنة السلاح من دون ما يدري سلطان ضغط الزنادوثارت البندق ومات محمد شال خوية وسلم نفسة وبداء المشاكل ورفضو يتنازلون اهل محمد ( هو قتل خطأ بس ماعندة دليل ) ووصلت الدية10مليون ورفضو الا راس براس صدر الحكم علي سلطان بالقصاص لكن الصدفة في الموضوع ان قبورهم جنب بعض وصارو احباب فوق الارض وجيران تحت الارض والشاعر جزء يصف لنا القصة في قصيدة مبكية واكثر شي يحزن وصايا سلطان لولدة محمد
والقصيدة تقول :

يافلاح الهـم خيـم فـوق قلبـي يافـلاح
كيف تبغاني اسولف وانت خابرنـي عليـل
ويش قولك في عليل في حياتة مااستـراح
تنتثر دمعة عيونة لا ضلـم اليـل الطويـل
حالتة لا ماتباعـد حـال سلطـان الربـاح
بالخطأ راحت حياتة والخطأ مالـة مثيـل
كان ويا صاحبة ثنيـن فـي ارض بـراح
يطردون الصيد دايم من صبح لين المقيـل
جمعتهم صحبة الدنيا علـى جـد ومـزاح
ما يهابون اليالـي والحمـول الـي تميـل
ماقتل عامد ولكـن ثـور ابليـس السـلاح
بالخطأ ثار السـلاح ويـن يلاقيلـة دليـل
وانعقد سجنة وربعة تنتضر فـك السـراح
والاكيد انة سجين وما رضو ربـع القتيـل
هل دمعة يوم صلى ركعتين فـي الصبـاح
في نهار الجمعة الي من ثقيل فـي ثقيـل
هلل وكبر ونفسة تذكـر الـي راح وراح
كان في ربعة عزيز وذلة الوقـت الذليـل
لا محمد لا تهاني لا سعـود ولا صـلاح
كلهم كانو على بالـة وهمـة فـي هديـل
طفلة ما كملـت عاميـن صايبهـا كسـاح
وانتثر دمعة وحالـة مـن سبايبهـا نحيـل
حان تنفيذ القصاص وغطو الرأس بوشـاح
وجاك سيافة يشيل السيف ابو حد صقيـل
ارتخا رأسة وزاد الموقف الحامي صيـاح
بين نوح وبين دمع وبين صيحات وعويـل
وارتفع صوت الحشود وزادة محمد وصاح
يايبة تكفا دخيلـك تستمـع قـول الدخيـل
يايبة وشلون نصبر كيف نهجـع بارتيـاح
وانت من دنيا عيالك مأخدك مـر الرحيـل
يامحمد هاك علمي واحفضة قبل المـراح
انتبة لاخوانـك وبالـك عليهـم لا تعيـل
والله الله في الصلاة وفي الصيام والصلاح
والله الله في امكم والله لكـم بعـدي كفيـل
غمض عيونة ونفسة تطلـب الله السمـاح
رافـع سبابتـة مضـلـوم والله الوكـيـل
وسل سياف الصفاء سيفة وطقة ثـم طـاح
راس سلطان المراجل وانتثر دمـة يسيـل
غسلوة وكفنوة وفاح طيـب السـدر فـاح
وبالمصادف صار قبرة جنب قبر ابن العقيل
يافلاح الكارثـة ماهـي سوالـف يافـلاح
خلني ساكت ودور غير هل القصة بديـل
صح لسان الشاعر جزاء البقمي

بصرااحه القصه والقصيده ابكتني