|
شاني وكتكات
عــزاهـ ياوقتن مضى عله يعود<<>>يومه ربيع ووقت عطله وكشتات
يوم اللــقا مافيه عيــب ومنقود<<>>فيه الهوا طاهر ونابع من الذات نقعد وقهوتنا بها الضــو موقـود<<>>وريح الحطب ينثر على الجو نفحات وخلي يحاكيني واحاكيه بحدود<<>>نحكي كلام العين للعين بسكات نشرح كلام البعد ونجدد عهــود<<>>ونرسل شكاوي الحب بقصيد وابيات ويقول وين فلان؟واقول موجود!<<>>وكنه يقول الحب واقول مامات متعود يطرش مع حمود وسعود<<>>رساله,, وكندر,,وشاني,,وكتكات وانا اطرشله من عيوني السود<<>>أجمل معاني الشوق والبعد خطوات وابكي زمان فات ياعله يعـــــود<<>>يومه ربيع ووقت عطله وكشتات @وســـــلامـــتــــكــــم@ |
رد: شاني وكتكات
صح لسانك يالصقر ....وأنا أشهد إنك اسم على مسمى
موهبة شعرية جديدة انضمت لنا مؤخراً .....لتكمل عقد الكبار بس القصيد له مجلس يتشرف بقصيدتك هذه ...اسمح لي بنقله لمجلس الشعر النبطي |
رد: شاني وكتكات
اقتباس:
تحياتي اخي وصح لسانك ولاهنت |
رد: شاني وكتكات
صــح لســانك يأصــقر هذيــل
لاهنت لاهنت جميلة يوم اللــقا مافيه عيــب ومنقود<<>>فيه الهوا طاهر ونابع من الذات الله الله سعيدين بأنضمآك ياصقر تحياتي |
رد: شاني وكتكات
معقووووووووووووول القصيده لك؟؟؟
لالا ماني مصدق عيوني يا ولد انت شاعر وانا ماعندي علم؟؟؟؟ قلي بس هي لك او لا؟؟ انتظرك ..... |
| الساعة الآن 12:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل