عبد الله حميّد السالمي
 

بسم الله الرحمن الرحيم
.................................................. .................................................. ..

هذه القصيدة قديمة جداً كتبت بتاريخ 19 \5\1422

اهداء للصديق الغالي عبد الله حميّد السالمي
وقد سبق له أن سمع الأبيات من لساني العام الماضي .

.................................................. .................................................. .
.................................................. .................................................. .
.................................................. .................................................. ..

عبد الله احميّد أصيل وطيّب وشهم وبطل

راعي الكرم والطيب والعادات مانلقى كماه

محبوب مخلص للرفيق يميّزه طبع الخجل

جيته وقابلته ولاأنسى فزعته طول الحياه

صحبته زينة وافية مثل السمن فوق العسل

المهزلة ماله بها والفخر يمشي من وراه

اللي وصل في جلسته ماجاه لو لحظة ملل

جلسته فيها الخير كله سعْد من يمشي معاه

وان كانها وصلت يا أبو ريما ليا حدّ الزعل

تبشر بحق ٍ نحكمه يحضره كلّ اللي نباه

أرجوك تنسى مامضى في دنيتك واللي حصل

العلم عدّى وانتهى مضمون ماتبغى وصاه

الآدمي في دنيته دايم معرّض للزلل

مير الذكي والفاهم اللي يعرف يصلح خطاه

والا الغشيم اليا غلط غلطته تحسب له دبل

تحسب دبل بين العرب تحسب بضيقه أو رضاه

تمّت ولو زوّدت في التوصيف ما يوجد محل

ماني منافق أو مجامل والسبب يوصل مداه

والخاتمة ياجعل ربي يحفظه طول الأجل

ويوّفقه في الدين والدنيا ولا يشقر عصاه

,,,,,,,,,, ,,,,,,,,,,,,,,, ,,,,,,,,,,,,,,, ,,,,,,,,,,,,,,,,,,

رد: عبد الله حميّد السالمي
 

اذا هذي مزاياه وخصاله يستاهل ماهو أكثر من الشعر

قصيده جميله

صح لسانك ولاهنت اخوووي

وعسى صداقتكم دووووم

رد: عبد الله حميّد السالمي
 

يعطيك العافية اخوي مزحي ثقيل
ويستاهل عبد الله
ولكن الا ترى معي وجود مثل هذا البيت

محبوب مخلص للرفيق يميّزه طبع الخجل

جيته وقابلته ولاأنسى فزعته طول الحياه


اثر على روعة القصيد ومن قيلت فيه
مجرد راي من متذوق شعر وليس بشاعر تقبل مروري

رد: عبد الله حميّد السالمي
 

لاهنت صح لسانك


تحايتي

رد: عبد الله حميّد السالمي
 

أنعم وأكرم بعبد الله السالمي والصرااااحة يستحق أكثر من كذا بكثير

ولو كتبت فيه ألفية قليلة كمان.

مزحي ثقيل مصافحة رائعة وقصيدة أروع ننتظر الجديد .

وعساك على القوة .

رد: عبد الله حميّد السالمي
 

الشامخة صح بدنك ويشرفني مرورك وعبد الله بلاشك صحبته شرف ونوماس

وان شاء الله الصداقة دوم بارك الله فيك .

رد: عبد الله حميّد السالمي
 

سعود الهذلي ملاحظتك ممتازة لكن مناسبة القصيدة سبق وان اقترضت من
الصديق الغالي عبد الله السالمي مبلغ من المال أثناء عمله في كبينة الاتصالات
في نفس تاريخ الابيات فأشرت اليه في البيت ولا أنسى فزعته طول الحياه
ولكن عندما تأخرت في سداد المبلغ أشرت اليها في البيت وصلت ليا حد الزعل
وعندما انحلت المشكلة أشرت اليها في البيت تبشر بحق ٍ نحكمه
أعتقد أن هذا مبرر واضح لذكر البيت اللذي ذكرته
سعود الهذلي بارك الله ويشرفني مرورك .

رد: عبد الله حميّد السالمي
 

عماد العبيدي صح بدنك ويشرفني مرورك .

رد: عبد الله حميّد السالمي
 

عطر القصيد يشرفني مرورك وبيض الله وجهك .

رد: عبد الله حميّد السالمي
 

صح لسانك قصيدة جميلة