المعركه التي دارت بين المطارفه ومطير
 

السلام عليكم ورحمة الله وبركاته


أعود من جديد وقد اشتقت إلى رؤية وجيهكم الطيبه وإطلالتكم النيره

وهذا الموضوع هو تكمله لما بدأه الأخ آفاق النسيم وهي المعركه

التي دارت بين المطارفه من هذيل وبني عبدالله من مطير

وأحببت أن أذكر القصه وهي كالتالي

قديما ذهبوا المطارفه وقد جمعوا عيالهم الرضع وحريمهم وذهبوا بهم

لتطهيرهم وكان عدد الأطفال تقريبا 70طفلا فتركوا أولادهم وحريمهم

وذهبوا لجلب الماء وبقي فقط الأطفال والنساء فدخل عليهم مطير

وقتلوا عدد من الأطفال والنساء طبعا كانوا في الشاميه وبالتحديد

كانوا في بري فهربت إحدى النساء لتعلم الرياجيل وكانوا المطران

لايزالون في بري فالتفوا المطارفه وأتوهم من خلفهم إلى بري

وبدأت المعركه فذبحوا جميع مطير إلا واحد وأحرقوهم أمامه

وقالوا له رد العلم يم مطير فذهب المطيري ألى ربعه وأقبلوا يسألونه

وين أخوياك فجلس ثلاثة أيام لايرد عليهم من الخوف اللذي دخل قلبه

ثم قال لهم ويقصد بها المطارفه

عساكم بحرابة الشظا واللظا وكرب(ن) من كروب المطارفه

وهذه هي القصيده اللتي أنزلها الأخ آفاق النسيم على مقطع فيديو

وقد جلبته لكم كتابيه وكامله

[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
يقول العطاش المطرفي يوم هجرس=بقاف(ن) عجيب(ن) مثل در بكار

حنا على الباثات عد(ن) مورد=ولالك بداري يالمطيري دار

ديارنا وديار أبونا وجدنا=وديارنا من يوم حي عرار

أنته حديد(ن) لي شمال الديره=حديد لدياري وليه جار

نسمع ترازم ذودكم ونجوركم=لجلاجها مثل ذياب الغار

وتسمع ترازم ذودنا ونجورنا=قنب السباع اللي تبا المغيار

وإن جات من يمك علانا غاره=نصدها ونجيلكم غيار

هذي عوايدنا نصد الغازي=لاقرب البارود عند النار

جونا بني عبدالله براي الصمله=بجموع وخيول(ن) عليها إشعار

جونا على نمرا(ن) تكافخ مشيها=خلت صفاصيف الحصى طيار

وردوا على الباثه وساقوا وردهم=وذبحوا لنا جمعة عيال طهار

سطعش ذبحوهم وسته فوقهم=في غيبة(ن) منا جنوب الدار

وجاتنا عذرى تشق جيوبها=وتنخى لكل معرب(ن) له كار

وقلنا علامك يوم جيتي فازعه=قالت تصبحكم جموع كثار

جوكم يبون البل والمال والدير=ثم ذبحوا منكم عيال صغار

قلنا عرفتي وصفهم ووسومهم=وردت علينا فيه غير مطير

ثم اعتزينا عزوة(ن) مطرفية=وكل يبا من حين رد الثار

معنا الفهود اللي لهذي غديت=صبيان شجعان(ن) قروم أحرار

ثم انجرز حس الملح بايماننا=مثل الرعود اللي لهن اهدار

وزرق الرماح اللي عطيب(ن) ضربها=مضرابها خلا العظام إشذار

سقنا بساقتهم وربي ساقهم=والجمع شاف الجمع فالمظهار

ثم التقى الجمعين عقب الرده=حتى غدا مظهارهم محدار

وبعده تعاقبنا الرماح بمثلها=وصلنا وصالهم مابها معذار

تطاحن الجمعين فالكون كنها=طحنة رحاة(ن) عركها مندار

وزرق الرماح ليا تغارت فاللحم=ما كنها ألا فالوصوف جحار

برماحنا نشقر لصف جموعهم=وبرماحهم لجموعنا شقار

وتقنطرت عقب المصاول ورجحت=وسيل مع الوادي دمي غزار

أزل مقاتلنا جدعنا نصهم=والنص الآخر طاح عقب نهار

ومنياكم منعثر من خير=ماعاد له باكي ولادوار

وتالي مهاليمهم مطيري واحد=خله يرد العلم يم مطير

ظلت تقز لدرب رجله عينه=خلوه عقب العيون عوار

ذيب السهل صوت لذيب الحره=عان العشا شرق الحزوم يسار

ماذمهم والله عليهم شاهد=أهل النضا والفعل وأهل الكار

مطير حمران النواظر بسمهم=أفعالهم تشهد بها الأقطار

وحنا هذيل الحربه المسنونه=دون الضعن والدار وأهل الدار

وأهل الكرم والكيف وأهل النخوه=وأهل القضا والعرف والأذكار[/poem]

وشكراً

رد: المعركه التي دارت بين المطارفه ومطير
 

الحمد لله أنا نعيش في أمن و أمان

و ونعم بالمطارفة حاضر و ماضي و مستقبل

و ونعم بمطير كذلك

[poem=font="Andalus,5,#800080,bold,normal" bkcolor="" bkimage="" border="none,1," type=0 line=0 align=center use=ex num="0,"]
وحــنــا هــذيــل الـحـربــه الـمـسـنـونـه=دون الـضـعـن والـــدار وأهـــل الــــدار

وأهـل الـكـرم والكـيـف وأهــل النـخـوه=وأهـــل الـقـضـا والـعــرف والأذكـــار [/poem]

رد: المعركه التي دارت بين المطارفه ومطير
 

كفو والله بالاد مطرف

ولا تهون مطير قبيلة عزيزه على قلوبنا وعزوه لنا


مشكور يالمطرفي

رد: المعركه التي دارت بين المطارفه ومطير
 

ماعليك زود أخوي وأسعدتني بمرورك يالمحارب

وشكرا

رد: المعركه التي دارت بين المطارفه ومطير
 

وماعليك زود ياولد عمي ولاهنت على مرورك اللي أثلج قلبي

وشكرا

رد: المعركه التي دارت بين المطارفه ومطير
 

اقتباس:

وحــنــا هــذيــل الـحـربــه الـمـسـنـونـه دون الـضـعـن والـــدار وأهـــل الــــدار

[font=Simplified Arabic]

حنا هذيل الحربة المسمومة ضد الحريب ومحتمين الدار

هذا البيت موجود في نفس المقطع هكذا
[line]
القصيدة هذي فيها من الوصف وفيها من الفخر وفيها احترام الخصم مالله به عليم

سلمت يالمطرفي
قصيدة جميلة جداً [/font]

رد: المعركه التي دارت بين المطارفه ومطير
 

هلا مرحبا أخوي سيف هذيل أسعدتني بمرورك

والبيت مو خطأ ومافيه شئ وأنا ناقل القصيده من كتاب اسمه روائع من التراث

الشعبي ومؤلفه هو الأستاذ حمود بن فرج المطرفي الهذلي

وشكرا

رد: المعركه التي دارت بين المطارفه ومطير
 

رد: المعركه التي دارت بين المطارفه ومطير
 

ماعليك زود أخوي راعيها والله يوفقك وشكرا على مرورك

رد: المعركه التي دارت بين المطارفه ومطير
 

عسى الله يرحم السابقين الأولين مما مضوا ويغفر لهم


ونحمد الله على نعمة التآلف و الوحده

( وألف بين قلوبهم لو أنفقت ما في الأرض جميعا ما ألفت بين قلوبهم ولكن الله ألف بينهم )

رد: المعركه التي دارت بين المطارفه ومطير
 

مرحبا يابو ثامر ومشكور على مرورك العطر والله يسمع منك رحمة الله على

جميع المسلمين الأحياء والأموات

رد: المعركه التي دارت بين المطارفه ومطير
 

الله ونعم بالمطارفة والله يبيض وجيههم هل العلم الغانم

رد: المعركه التي دارت بين المطارفه ومطير
 

عام كم هذة الاحداث واريد تاريخ القصيدة ايضا ؟؟؟
وشكرا لك يابو مطرف

رد: المعركه التي دارت بين المطارفه ومطير
 

كل الشكر لك أخي : أبو مطرف

على هذه القصة الموثقة بالقصيدة

وما هي بغريبة على هذيل , عزوتي , وتاج راسي

وتقبل تحياتي

رد: المعركه التي دارت بين المطارفه ومطير
 

بيض الله وجهك ياولد العم...


ونعم بمطير....وهذيل وكل القبائل..