سلام ياللى على ابطت مراسيله
 

[poem=font="Arial,5,#000000,normal,normal" bkcolor="#ffffff" bkimage="" border="none,1," type=2 line=0 align=center use=ex num="0,"]
اخوانى الاعزاءالسلام عليكم ورحمة الله وبركاته
يطيب لى مشاركتكم بهذه القصيده عسى ان تحوز على رضاكم


سلام ياللى على ابطت مراسيله =مدر السبب منه والا صايرن منى
من اولن يمنا يجرى نحى سيله = واليوم صدن مجار السيل وقفنى
اماسمع كلمتن وخطى بتحليله = او فى سمانا طيور النحس حامنى
ليته كتب لى وبين فى تماثيله = وبدى لى اسباب مبدى صدته عنى
حتى اليقين اقطع به الشك وزيله = واظهر له الحق وقطع دابر الظنى
اتا الذى كنت ناشى مزنك اخيله = اقعد يحروة حراهن لو تعدنى
منك الرجى ماقطعه لو شفت لى عيله = ياللى قدايمك لزلات يرفنى
لولا معزتك شعرى مابدى قيله = ولا القوافى نظمت بعقدهن فنى
احدن ليا صد سبع بليس نرمي له = والثامنه فى طريقه عل مايثنى
اللى على ادنى الجماعه مسرجن خيله = والاجنبى عنه غاراته يصدنى
قربه كما قرب دابن ملتون ذيله = ملامسه ملس والانياب يدمنى
اوصيك عن رفقة الانذال لو ليله= ترى الطبايع كما الامراض يعدنى
ماكل رجلن بضيق الحال تشكيله=ولا كل من شاف ضيق الحال بك حنى
كتبت لك موجز النشره وتفصيله = وعلى انتظار الجواب اللى يطمنى

شعر ابو سامى العازمى[/poem]

رد: سلام ياللى على ابطت مراسيله
 

ياسلام

شاعر يستحق الإحتفاء ،، وشعر يستحق القراءه

تحياتي اخي

رد: سلام ياللى على ابطت مراسيله
 

اللى على ادنى الجماعه مسرجن خيله===والاجـنـبـى عـنــه غـاراتــه يـصـدنـى


قربـه كمـا قــرب دابــن ملـتـون ذيـلـه===مـلامـسـه مـلــس والانـيــاب يـدمـنـى


الله الله


هذا الكلام يابو ساامي


صح لساانك على هذه الحكم العظيمه

قصيدة وافية كما عودتنا طال عمرك


تحيااتي

رد: سلام ياللى على ابطت مراسيله
 

صح لسانك وعلا شانك

رد: سلام ياللى على ابطت مراسيله
 

لاهنت أخي ابو ساامي العــازمي

حضرت وحضر معــك الــشعر قصيدة ممتازة وجميلة وقوافي متناغمة موسيقيا....

نعتب على مثلك غالي ....لاعاد تتوخر علينا .....بجديدك

تقبل مروري


تحياتي لك

رد: سلام ياللى على ابطت مراسيله
 

وعليكم السلام ورحمة الله وبركاته

حياك الله أخونا الشاعر العازمي ..
لاهنت على هالجزلة ...وانت راعيها ..


بيض الله وجهك .

رد: سلام ياللى على ابطت مراسيله