محاورة محمد السناني وملفي المورقي
 

محمد السناني

المورقي في الناس صعبة صفاته

لا قولها غيبة ولاهي شماتة

مافيه أحد مثله مسوي سواته

ياليل ياليل السعد طبت ياليل



في ضمير المورقي للعرب علم ٍ جديد

والعلم خفاق والنار من شبابها



حصلت لي شكوى مع الناس ضدك

الظاهر انك هالسنة زدت حدك

لابد مايطلع مكلف يصدك

ياليل ياليل السعد طبت ياليل



ناوي ٍ لك علم والله يدبر مايريد

والله الخلاق والنار من شبابها


ملفي المورقي

المورقي تعرف وقوفه بجانبك

قدام تذري يالسناني هبايبك

واقف معك من قبل تطلع شواربك

ياليل ياليل السعد طبت ياليل



أنت يقلون العشية على باب البريد

تأخذ الأوراق والنار من شبابها



ترى الشكاوي يامحمد كثيرة

من كل ناس وكل فج ٍ وديرة

لكن عندي ماتساوي شعيرة

ياليل ياليل السعد طبت ياليل


مانعذرب في القريّب على شان البعيد

والله الرزاق والنار من شبابها


محمد السناني


أنا لقيتك ياعميلي لحالك

حتى يمينك ماتساعد شمالك

عامين وأنت جوها ماصفالك

ياليل ياليل السعد طبت ياليل


شفت لك مكتوب مدري شقي والا سعيد

مير كف الساق والنار من شبابها



احذر عدوك ساع واحذر صديقك

اللي وقف لك عثرة ً في طريقك

أنت ليا هالحين ماجف ريقك

ياليل ياليل السعد طبت ياليل


أدري أنك حامي الباس والراس العنيد

ماعليك أخلاق والنار من شبابها



ملفي المورقي

أوعدتني دون الشهر بالغنيمة

انك لتدعيني لهاك الوليمة

لكن اثر مامنك غير الحريمة

ياليل ياليل السعد طبت ياليل


الغنايم عندنا ماورا الرجال فيد

ينقض الميثاق والنار من شبابها



أنا أدري انك يالسناني تلزق

وتزيّن الموضوع حتى ترزق

الله يطول عمر عمك مرزق

ياليل ياليل السعد طبت ياليل


ماندوّر تمرة ٍ من ورا روس الجريد

ما اكفت اللحاق والنار من شبابها



محمد السناني


اللي وقف لك ياعميلي نصيبك

عيّت صواديف الليالي تجيبك

علتك مايعرف لها الا طبيبك

ياليل ياليل السعد طبت ياليل


الغنايم عندكم والمطوّع في المسيد

روح بالطقاق والنار من شبابها



يازين تالي كلمتك في لسانك

لكنك ابلعها وخلك مكانك

أنت مع العربان حاكم زمانك

ياليل ياليل السعد طبت ياليل


اجتمعتم كل أبوكم على قدر العصيد

جاكم الحلاق والنار من شبابها


.................................................. ..

م ن ق و ل قديمة ونادرة

أخوكم واحد من الناس

رد: محاورة محمد السناني وملفي المورقي
 

السلام عليكم ورحمة الله وبركاته

الله يعطيك الصحة ويكرمك أخوي الغالي واحد من الناس .
محاورة نادرة فعلا وقوية ..
لعلمين من أعلام الشعر الحالي .

تسلم لاهنت.

رد: محاورة محمد السناني وملفي المورقي
 

اول مرة اشوف السناني يغلط

هههههههههههههههههه


مشكور اخوي واحد من الناس

نقل موفق

رد: محاورة محمد السناني وملفي المورقي
 

يازين تالي كلمتك في لسانك


رد عنيف

والله السناني داهية

رد: محاورة محمد السناني وملفي المورقي
 

مشعل الهذلي تواجدك غير مستغرب بارك الله فيك .

فواز الهذلي السناني قال أنت مع العربان حاكم زمانك

بارك الله فيك وبيض الله وجهك .

أبو المثلم بارك الله فيك .

رد: محاورة محمد السناني وملفي المورقي
 

محاوره قويه جداا

وابداااااااااااع من ابن متروك

رد: محاورة محمد السناني وملفي المورقي
 

ابن متروك شاعر كبير ومن هامات شعر المحاورة

رد: محاورة محمد السناني وملفي المورقي
 

السلام عليكم ورحمة الله وبركاته
المحوره جيده وبن متروك خنذفي
بيض الله وجهك

رد: محاورة محمد السناني وملفي المورقي
 

المورقي
أنت يقلون العشية على باب البريد ** تأخذ الأوراق والنار من شبابها
السناني

شفت لك مكتوب مدري شقي والا سعيد ** مير كف الساق والنار من شبابها

الله الله .. هنا الإبدااع يكمن ..

شعار كبار ووافين ومن عمالقة شعر المحاورة ..

مشكووور أخوي على الموضوع وحسن الاختيار ..!!