|
محاره بيني وبين ماجد المسعودي
--------------------------------------------------------------------------------
محمد وصل الله المطرفي ياماجد ياولد عمي هلا يامرحبا واهليـن تراحيب لها في خاطري مبداء ومنزالـي الك وزعه ولي وزعه وقسمه بيننا الاثنين نبيع ونشتري فالسوق حيث اندور الغالي ماجد المسعودي لعل إلك البقا ياللي ترحـب بالكـلام الزيـن حلال أهل الوفى واللي على بالك على بالـي تقوله في نهار السبت وألا في ضحى الأثنين أنا وقت الشرى والبيع ما أعرف عمي وخالي محمد وصل الله المطرفي يابن مسعود ودك مير منته مثل ابن حثلين هذاك اللي ليامنه حضر له منزلاً عالـي اشب النار من تحت القدر واحرف السكين واقربها النطوح اللي يشوف الموت هلاَلي ماجد المسعودي تدور إبك الرحى وتدور وين أنته وحنا وين يحد الوقت غيري يا محمد فأشهـب لالـي طلبت الله خير وقلت يالله يا معيـن تعيـن ودمع العين أشوفه في عيون القوم همالـي محمد وصل الله المطرفي تدار وتسدير ومالقينا مـن يسـد الديـن عساك تحلها ياصاحبي لو تملك اريالـي ولاكن البلاء فالشجره اللي عرقها فالطين تموت ولا لقينا من ثمرها طيب وحالـي ماجد المسعودي على مهلك لا يهلك الغبن والغبن والله شين معك شيطان ساقك في طريق الموت طوالي أبا أوريك وين الصح لن كنا مـن الحييـن أنا ما ودي أجهل لو لقيت النـاس جهالـي محمد وصل الله المطرفي تقوله مير ليتك تعدل المضمون بالتمكيـن بعيراً فالخلاء معطى مع البيداء خلاء خالي والايالله ياللي ترزق الانسان عقل وعيـن يشوف بعين مير ان العقل صابه تخلاَلـي |
رد: محاره بيني وبين ماجد المسعودي
صح لسانكم
ممتعة |
رد: محاره بيني وبين ماجد المسعودي
اقتباس:
بيض الله وجيهكم محاورة جميله جدا وبيوت مليانه |
رد: محاره بيني وبين ماجد المسعودي
صح لسانك يامحمد ولسان ماجد
ولعلي اتفق معك في معناك وان شاء الله يجي من يسد |
رد: محاره بيني وبين ماجد المسعودي
الشاعر/ محمد المطرفي و الشاعر/ ماجد المسعودي
صحت السنتكم جميعاً محاوره جزله وشعرائها جزلين وقويه من بدايتها واعجبني هذه البيتين من محمد واعتبرها من ( الفتل ) واعجبني نقضها من قبل ماجد المسعودي ... دون نقصان في المحاوره محمد وصل الله المطرفي يابن مسعود ودك مير منته مثل ابن حثلين هذاك اللي ليامنه حضر له منزلاً عالـي .,,. اشب النار من تحت القدر واحرف السكين واقربها النطوح اللي يشوف الموت هلاَلي ماجد المسعودي تدور إبك الرحى وتدور وين أنته وحنا وين يحد الوقت غيري يا محمد فأشهـب لالـي .,,. طلبت الله خير وقلت يالله يا معيـن تعيـن ودمع العين أشوفه في عيون القوم همالـي تقبل مروري ودمت على خير وموده ,,,,,, ,,,,, ,,,, ,,, ,, , |
رد: محاره بيني وبين ماجد المسعودي
صحت السنتكم يا هذيل
وياليت تشرفوننا هنا بمحاوره من هذا الطراز سنكون سعداء بدون شك |
رد: محاره بيني وبين ماجد المسعودي
الشاعر الكبير محمد بن وصل الله المطرفي
والشاعر الكبير ماجد المسعودي بارك الله فيكم محاورة رائعة وصورة جيّدة للمحاورات القوية . |
رد: محاره بيني وبين ماجد المسعودي
الشاعر الكبير محمد بن وصل الله المطرفي
والشاعر الكبير ماجد المسعودي صحت السنتكم |
رد: محاره بيني وبين ماجد المسعودي
محمد وصل الله
صح لساانك مليون على المحاوره الطيبه لكن عندي سؤال الصوره الي في التوقيع صورة عبدالله المسعودي ؟؟ اذا عبدالله المسعودي شكلها ماخوذه من التلفزيون او من فديو ماهي صوره شخصيه .. اذا عندك معلومات لاهنت عطنا معلومات عنها |
رد: محاره بيني وبين ماجد المسعودي
صح الله بدنك اخوي فهد ومشكور على المرور
اما بالنسبه للصوره موجده في كتاب شاعر هذيل من تأليف رشيد العميري وانا صورتها بالكيمرا الشخصية اللي معي (( الديجتال )) وشكراًً |
رد: محاره بيني وبين ماجد المسعودي
محاورة جميلة ويعطيك العافية
|
رد: محاره بيني وبين ماجد المسعودي
اتمني التوفيق لشعار هذيل الشباب
|
رد: محاره بيني وبين ماجد المسعودي
محاوره قمه وشعارها جزلين لاهنتووووووووووو صح الله لسانكم,,,,,,,,,,تقبلو مروري
|
رد: محاره بيني وبين ماجد المسعودي
صح لسانك وصح لسان خويك شعراء ولكم مستقبل ان شاء الله محاوره تستحق المتابعه واسمع هذا البيت مني
شعرك جزيل وما بدعت الا جزيل....... واشبك عن الساحه بعيد ومختفي الشعر له ميدان وانتم من هذيل....... يا ماجد المسعودي وابن المطرفي تحياتي لكم |
| الساعة الآن 04:11 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل