محاوره جميلة بين المسعودي والجبرتي
 

هذي محاوره جميلة بين المسعودي والجبرتي


-------------------------------------------------------------------



الجبرتي:

الليله المعنى يابن مســـــتــــور يلعب دورتـــين

واظن بعض الناس ماله غير دوره واحــــــــده

هذي خلافه والخلافـــــــــــــه من ينيرها منيــن؟

العام جتني واقفه واليوم جـــــــــتني قاعده


المسعودي:

يابو نوار النار مــــــــاتاكل رضي الوالـــــــــــدين

واللي قــــــليل ايمان خل النار تاكل من يده

الحق ينطق بالوفا والعلم يمشي باليـــــــمين

ونكان جين من الجموم الناس جوك من الهده

الجبرتي:

حنا نباك تزين المــوضــوع وانته ماانت زيـــــن

وعيال تاجرنا تسوي عيـــــدها وتعـــــــــايده

الحق ياللي تعرفون الحق يمشي عدلتـــين

واللي بغير الحق تلقى مشيته متحــــــايده

المسعودي:

عيال تاجرنا على المعروف من طول السنين

واللي يعمل الخير يشكر لو عظامه بايـــــده

وانكان خص الما لابد الزود في كيل الطحين

روح انشد الخباز وين اللقمه اللي زايـــــــده؟

الجبرتي:

كيف انشد الخباز والخباز ماله غير عــــــين

ان لد يمي شافني وان صد ماشي فايـــده؟

هذى سوالف ماشيه بين العرب يابو بطين

لوالولد يشـــــهــــد مع الوالد تضيق الواـــــده

المسعودي:

ياعود انا خـــابرك تاكل بالشمال وباليمين

والأكل بالثنتين فجر الحلق فقر المــــــــايـــده

بعض الشهود ثنين عن واحد وواحد عن ثنين

وابن الحلال ان مالقي شاهد لقي له شاهده