|
في كـــفــهـــا خـــاتـــــم ... روعه
... في كفها خاتم ....
في كفها خاتم وفي خدها خال .. .. وفي عينها غيم وعمارات وبيوت الخال شفته واضحٍ من ورى الشال .. .. والخاتم الماس مرصع بياقوت والعمر في العشرين كني مانيب زال .. .. والجسم كنه من جبل ثلج منحوت جبل ولكن لا طرقه الهوى مال .. .. وخطواتها ماهي بالأمتار بالفوت ماهي تشوف الشمس من ظل الاظلال .. .. ومصيافها ما بين لندن وبيروت الشمس لو تشرق على جسمها سال .. .. كنها مجسم محلبيه وبسكوت ومن صغر مبسمها شقى حالها الحال .. .. ما تاكل الا اللوز والخوخ والتوت ماهي تشوف الناس تمشي وتختال .. .. ومرٍ على جاكور ومرٍ على حوت وخدامتين وهي بلا زوج وعيال .. .. وسمعتها تدعي الدريول يياقوت وثلاث جوالات ماهو جوال .. .. ومن يوم خلقت كل شيٍ بريموت لكن قلبي مالها فيه مثقال .. .. وش قرب البشت الحساوي من الكوت ياجعلها للي خذت قلبي نعال .. .. اللي غلاها عندي الشرب والقوت حوريةٍ من فوقها الليل شلال .. .. كنها صبحٍ فوقها الليل مكتوت قلبي لها من كثرة الشوق مشخال .. .. وللسر عن كل المخاليق تابوت تنحت لي من الحب في القلب تمثال .. .. وحبي لها ينحت على الساحه بيوت في عينها ماكل رجال رجال .. .. وأقصى حدود الوصل في سلمها الصوت زودٍ على القلب وعلى الحسن من آل .. .. روسٍ لهم روسٍ على متونها بشووت الى رضت موتوا يا أهل روس الأموال .. .. وإلى زعلت جربت وش سكرة الموت من دونها رجلي وراكب وخيال .. .. والسيف والأمواج والبحر والحوت ..... للشاعر // محمد بن حمد بن فطيس المري |
رد: في كـــفــهـــا خـــاتـــــم ... روعه
لاهنت يالزايدي على مانقلت جميلة
صح لسان شاعرها وأسمح لي بنقلها..لقســم المنقولات تحياتي |
رد: في كـــفــهـــا خـــاتـــــم ... روعه
السلام عليكم ورحمة الله وبركاته
تسلم أخوي الغالي الزايدي إختيار رائع من شخص رائع لشاعر رائع .. لاشك أن الشاعر بن فطيس شاعر كبير ومعروف .. ولكن بأمانة لا يطربني لها سوى قصيدة .. ياهيه انتبه لي واسمع دعاي لك ياهيه حتى يقول : اروح لمكان خابره خابره ياتيه اسوق القدم صوبه وهي مالها حاجة مكان نزيه واخر مواجهه لي فيه وانا خابر مارجل مثله بدواجه يحب الجريح أول دروب اللقاء ويجيه وتحب القدم جيت مكان اول مواجه .. سلمت أخوي الكريم الزايدي الله يوفقك . |
رد: في كـــفــهـــا خـــاتـــــم ... روعه
قصديه رائعه يسلم قائلها
ولا هنت اخوي ((( الزايدي العتيبي الله يحفظك |
| الساعة الآن 02:28 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل