تنهيد ناي
 

السلام عليكم ورجمة الله وبركاته

تنهيد ناي / محمد السهلي


[poem=font="Arial,5,#0000ff,bold,normal" bkcolor="" bkimage="" border="none,1," type=2 line=0 align=center use=ex num="0,"]

جمّـع اللـي ودك تقولـه وبعثرنـي عتـب=الملامه شي عـادي دامهـا منـك وجـاي
أنت تامر وأنا ألبي مـا تبـي بليّـا سبـب=بس كان لجيّتي خاطـر تلبـي لـي رجـاي
رجوتي لا تلحق اعيونـك مشاريـه الهـدب=لا تضايقـه بدموعـك والتفاتتـك وخطـاي
كل شي الا دموعك واعرف انك من شطـب=صفحة الطيش بحياتي وابتدا صفحة شقـاي
سق فديتك كل ما تملك من جنون وغضـب=وابشر بصدرٍ يضمك حيل دام انـك هـواي
ولا رويت عتاب ناظرني وقل طاح الحطـب=واسأل شرايك وابنسج لك من الأعماق راي
باتناثر لك رضا واحساس صادق مـا كـذب=وأنت رتّبني على كيفك وشكلنـي برضـاي
وان تلعثم حضورك ثم نطّقنـي لـك تعـب=حاول انك تسمع أشواقي وسط تنهيـد نـاي
اسمع دموعه وقرّب لـي وقـرّب وأقتـرب=واسألأ عيوني عن طيوفك وقصتهـا معـاي
كيف كانت في غيابك فجأه تطري واغتـرب=اركض لمنفى خيالي وارمـي الواقـع وراي
اوجدك ما بيني وبيني واسولف لك واشـب=ليلة حضورك قصايد تشتكي لك من عنـاي
آآآه لا منه بزغ فجـر الحقيقـه وانسحـب=طيفك اللي ساكن عيوني وضاقت بي سماي
وقتها ليتك تحس شعور من حظـه ضـرب=اخر آماله بعـرض الهـم والوحـده مـداي
اكتشف وشلون يموت الصوت برماح الطرب=لحظةٍ جيـت أتغنـا بـك وعاندنـي غنـاي
واكتشف كيف السهل فجأه يتحول لي صعب=لا نويت ابكيك ثـم أزريـت القابـي بكـاي
أقسم بربي وربك فينـي احسـاسٍ غصـب=كل كلي في غيابـك ينجـذب لـك ياهنـاي
ما نسيتك لو نسى التاريـخ أمجـاد العـرب=وما تركتك الا بين ضلوع صدري وبحشـاي
لأنك أكبر من غلا الشاعر لآخر مـا كتـب=ولأنك أقرب لي من سكوتي اذا عانق شفاي
ولأنك أول من تمكن بـي وعلمنـي أحـب=ولأنك الشخص الوحيد اللي يجي في مستواي
صاحبي جمع كلامـك ثـم بعثرنـي عتـب=والله أن كل شي عادي لا غدى منك وجـاي [/poem]

رد: تنهيد ناي
 

وعليكم السلام ورحمة الله وبركاته

آآآه لا مـنـه بــزغ فـجـر الحقيـقـه وانسـحـب
طيفك اللي ساكن عيوني وضاقت بـي سمـاي

هذا التصوير ممتع ..
وكل القصيدة مميزة .

ذائقة جميلة أختنا مسك ..وشكرانا موصول للشاعر السهلي ..

ننتظر الجديد ..

رد: تنهيد ناي
 

تشكر عالمرور يااستاذ
تقديري وتحياتي

رد: تنهيد ناي
 

ياهلا بمســكـ

نقل مميز وشاعر مميز مثل الســهلي امتعيني بالقراءة

الله يوفقك يامســكـ

تحياتي

رد: تنهيد ناي
 

ويوفقك يارب شكراً لك

رد: تنهيد ناي
 

ينطيك العافيه مسكـ

تقبل مروري

رد: تنهيد ناي
 

يعافيك ربي وياهلا