السعيدي والعبيدي
 

جرت هذه المحاورة على المسنجر...........


اليكم المحاورة:



فواز السعيدي


ياعماد الصبح قرب والهواجيس استعدت==== شد حيلك يالعبيدي وش تشيل ووش تخلّي


صاحبك عاف الديار وسرعة الخيّال هدت ==== لاتحاول لا تحاول خني ارجع في محلي




عماد العبيدي

قوم يافواز شـبّ إلين أشوف النــار شبــت====علنا نرضيك بالميسور قبل إنا نصــليّ



منت فالطرقـة مخير ..ويش جابت ويش ودت====قبلك أزرق وأنته أخضر..لا تحيد ولاتزلي



فواز السعيدي

اكثر وجيه النشاما ياولد معتوق صدّت ===== قمت احسّب خاطري قلت الصواب انا نولي



واعذاب عيال جدّي عقب نص القوم شدّت ====== عقب ماتشرب حليب اللقح تشرب بامجلّي




عمااد العبيدي


ليه تحسبها وتقسمها وهي راحت وعدت====النشاما فالمواقف فعلها دايم يسلي



أنت عينـك وش بلاها يوم للمقفين لدت====لاتعيب الناس وأنته قبل تتعشى تحلي



فواز السعيدي



والطراقي من بعدها كل ما مرّت تغدّت ==== خلها يامرحبابك والمهلي مايولي



و انت لاتزعل لياشفت العمانيه تردت ==== جنّب المنقود خللك مثل ضلع(ن) مستقلي



عماد العبيدي


لا تطالع في هروج الناس لن كثرت وقلت====البقى ياللي على روس المنيفات أمتعلي



مازعلنا والصدور وساع هلت وأسفهلت====لو يقول العلم جاني بالخطا ..وفلان قلي



فواز السعيدي


طوّرو في سوق لندن والقوانين استجدّت ==== والعرب ماعبّروها كلن يعمّر محلي




اكثر العربان لوهي من نصايحك استمدّت ==== جاتك الشرهات منهم مثل مزن(ن) مستهلّي




عماد العبيدي


أنت لك فالسوق سهـم ويدك فالماعون ضلت====عفت سمن أهلك وعينك يم لحم المرتدلي




كيف نرضي الناس واحنا خابرين اللي تردت====جهدنا وإللي يصير يصير والدنيا تبّــلي


فواز السعيدي


ويش ابي بالطايرات اللي على الصدقان هدّت ==== ابرك ابرك ياشعيل ولا تتل الحبل تلي


بارك الله فالرجال اللي على المذهب تقدت ==== لا تلف ولا تدور ولاتكل ولا تملي



عمااد العبيدي

والله إنا من رجالن فالمواقف ماتخلت====وش تبي بالحملة إللي حبلها جاك متدلي



لو تصيح حرف أذاني الصم ماسمعت وردت====عان بن قاسي مشمر لايهاب ولايذلي



((ارجو ان تنال اعجابكم))

رد: السعيدي والعبيدي
 

صح لسان الشاعرين

وبيض الله وجيهكم


ويعطيك العافيه علي النقل الجميل

رد: السعيدي والعبيدي
 

بيض الله وجيهكم شاعرين متمكنين



معنى جمييييييييييييييييييييل من الشاعرفواز


واستلام ولا اروع للمعنى من الشاعر عماد<<لجنة شاعر المعنى :biggrin:

رد: السعيدي والعبيدي
 

رد: السعيدي والعبيدي
 

صحت ألسنتكم

بس لا تعودونها في المسن

خلوها عندنا في المنتدى

تراها بلاش فتح الصفحة ههههههههه

رد: السعيدي والعبيدي
 

يا ليل من انت ليله؟

ههههههههه

كفيتو ووفيتو وصحيتو

لا هنت يافواز ولا هنت ياعماد

والجايه هنا في قسم المحاوره

رد: السعيدي والعبيدي
 

ياسلام عليكم يافواز انت وعماد
صح لسان الشاعرين

وبيض الله وجيهكم

رد: السعيدي والعبيدي
 

شاعرين متميزين ومحاورة رائعة

بارك الله فيكم

رد: السعيدي والعبيدي
 

الله لايهينكم جميعا صحت ابداانكم

رد: السعيدي والعبيدي
 

حتى انا كنت فالمحاورة لازم ارد


صحت ابدانكم يالربع


الله لايهينكم كلن باسمه يالنشاما