الأجـــــراس
 

[poem=font="Arial,4,#8b0000,bold,normal" bkcolor="" bkimage="" border="none,1," type=2 line=1 align=center use=sp num="0,"]
يا صاحب لا غدى شرواي شجرة والليالي فاس = وش الحيله وحد الفاس يحطب مُثمر أغصاني!!
سئمت أقرع في بيبان الأمل وأدقدق الاجراس = واذا خاب الرجا في الباب الأول رحت للثاني
محابر اه كم هي من محابر ما انجبت قرطاس = ولابه خط يجمع ما في قلبي ثم يقراني
عوافي يا زمن مادمت عايش بك صليب الراس .. = بجمع ما بقى لي من حروف تصوغ قيفاني
أبكتب والملامه ما تجي في صفحة الكراس = تجي وشلون وحروفي بدت من غيض وجداني!؟
أنا وأعوذ من كلمة (أنا) ماني خوي الافلاس = سئمت إني أسير لطاعتي وأعلنت عصياني
أحد سالي مغمض جفن ما قد صارع الهوجاس = وانا مركاي كوعي والهجوس تنبش أحزاني
أحس بخافقي صرخة أمير وجلجلة حراس = وحرب دايره تطحن وريدي فوق شرياني
نفوس الناس لماعه ذهب صافي وذاك نحاس = تعيش تشوف في الدنيا نفوس أشكال والواني!!
ترابك يا وطن غالي اذا ما دنسوه انجاس = تعبت اشيل وزرك وانت قيدي وانت سجاني
بحور الظلم : صح إن البحور تكذب الغطاس = يعوم البحر من شال الرخيصه بين الأمتاني
تعبنا يا النفوس العاليه ندفع أجور أنفاس = ونخبز من لحمنا خبز للقاصي وللداني
عيون الناس تاكلني ومن يشبع عيون الناس ؟ = عيون ما ترى ياكود جيب فلان وفلاني
انا اللي ما شربت من المراره غير ربع الكاس =يكفيني عرفت الناس صدقاني وعدواني
بتم أبحث عن ابواب الأمل وأكسر الأجراس= عساي القى وطن يجمع شتاتي .. بين الأوطاني [/poem]

رد: الأجـــــراس
 

يا صاحب لا غدى شرواي شجرة والليالي فاس
وش الحيله وحد الفاس يحطب مُثمر أغصاني!!
سئمت أقرع في بيبان الأمل وأدقدق الاجراس
واذا خاب الرجا في الباب الأول رحت للثاني
محابر اه كم هي من محابر ما انجبت قرطاس
ولابه خط يجمع ما في قلبي ثم يقراني


اللله الله ابداع اخي عبد الله لا تحرمنا

صح لسانك وصح كلك رائعه من روائع الشعر التي اعجبتني شخصيا ً



دمت بود

رد: الأجـــــراس
 

صح لسانك يابن العم ,اطلاله اولى لك(على ما اعتقد)شدهت الابصار:



انا اللي ما شربت من المراره غير ربع الكاس......يكفيني عرفت الناس صدقاني وعدواني


احترامي لهكذا شعر وهكذا شاعر


لك احترامي

رد: الأجـــــراس
 

ياسلااااااااااااااااااااا اااااام

هنا هطلت سحابة شعرية غزيرة


هنا ارتوينا شعرا وجزالة..

اخوي عبد الله الهذلي


صح لسانك وعلا شانك

مدد بلا عدد


ولو كانت اول مشاركة من هذا الطراز اجل ما حنا معذرينك ابد


ننتظر الجديد باسرع وقت ممكن..


تحياتي

رد: الأجـــــراس
 

من اجمل ما قرأت هذا الشهر في جميع منابر الشعر


هكذا الشعر والا فلا

صح لسانك اخوي عبدالله

قصيده تستحق التثبيت والقراءه والتمعن في جمال الشعر الحقيقي

لا تبطي علينا يالغالي فأنت شاعر تستحق المتابعه

رد: الأجـــــراس
 

السلام عليكم ورحمة الله وبركاته

فالبداية حياك الله ياعبدلله ياولد عمي.....أنا سعيد بأنظمامك لنا ....وأنا قراءت بعض قصائدك في منتدى أخر جمعني بك ....فحياك اللك بين ربعك وعيال عمك.



القصيدة غاية فالروعة للأمانه تصوير احساس تناغم لفظي جميل ..حبكة شعرية مذهلة ياعبدالله لله درك.




تم تثبيـــــــــــــــــــت القصـــــــــــــــــــــ يدة

رد: الأجـــــراس
 

السلام عليكم ورحمة الله وبركاته

قرأت منذ زمن وفي هذا المجلس قصائد للأخ عبد الله ..إن لم تخني ذاكرتي .
وأعرف جيدا مقدرته الشعرية ...وفخور جدا بحضوره من جديد بين أبناء عمومته .
سعادتنا كبيرة حينما يواصل الطريق معنا ...

القصيدة معبرة وقوية ومليئة بالمعنى وقوة التركيب ..

ترابك يا وطن غالي اذا ما دنسوه انجاس
تعبت اشيل وزرك وانت قيدي وانت سجاني......

إبداع .
تعبنا يا النفوس العاليه ندفع أجور أنفاس
ونخبز من لحمنا خبز للقاصي وللداني
عيون الناس تاكلني ومن يشبع عيون الناس ؟
عيون ما ترى ياكود جيب فلان وفلاني


لاهنت وبيض الله وجهك ..
ننتظر الجديد أخوي عبد الله .

رد: الأجـــــراس
 

رد: الأجـــــراس
 

الله الله

قمة الإبداع

صح لسانك وعلا شانك

رد: الأجـــــراس
 

الله الله على الابداع

قصيده جزله تستحق الثتبيت

صح الله لسانك يا عبدالله

رد: الأجـــــراس
 

رد: الأجـــــراس