ذيب ويحب
 

السلام عليكم ورحمة الله وبركاته



ارجوا ان تسامحوني على بعض الملاحظات وبعض الاخطاء الإملائية:

[poem=font="Arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]


ياللي نويت تغيب ياشين فرقـاك =قلب العنا من طاري البعـد ملـي

وشلون ابصبر ياحبيبي بليـاك؟ =ياكيف اهدّي جامح الشوق قلـي؟

ياكيف اسلي نفسي اللي تمنـاك؟ =ياكيف افارق شمس كوني وظلـي؟

واليا فقدت اطعون رمحك وشلفاك =من وين لي طعنات رمشٍ مظلـي؟

واليا هجرتني بسمةٍ من شفايـاك =وش عاد باقي في حياتي يسلـي؟

ليه التغلي ينحسب من مزايـاك؟ =والناس قالت شعـر ضـد التغلـي

تسـأولاتٍ قالهـا قلـب يهـواك =والله مااسأل فيك لو منـت خلـي

ماقلت لك ياصاحبي عمري افداك =كلـه ولا الهجـران خلـه يولـي

إما تغيب ... وتاخذ القلب ويـاك =وإلا تعال ... وخذني افـداك كلـي[/poem]





ღღ وســــلامــــــتـــــكـــ ــــم

رد: ذيب ويحب
 

لاهنت صح لســانك يالذيب


قصيدة جزلة ممتازة وشاعر جميل أعجبتني القصيدة جدا من نواحي كثيرة

ننتظر جديدك بشــووق

تحياتي لك

رد: ذيب ويحب
 

صح لسانك يالذيب

قصيدة جميلة وترابط جميل بين الابيات


ننتظر جديدك

رد: ذيب ويحب
 

إما تغيـب ... وتاخـذ القلـب ويـاك
وإلا تعـال ... وخذنـي افـداك كلـي



قفله رااااااااائعه

صح لسانك يالذيب على هذه القصيده المميزه

ونتمنى الا تبطئ علينا

فأنت شاعر تذكرني بشاعر

اهلا بك

رد: ذيب ويحب
 

صح لسانك وعلا شانك يالذيب

الله يرجع لك ماتمنى بالذيب ...واصل يابن العم

رد: ذيب ويحب
 

اشكر كل من مر ولاشك يشرفني مرورك وبعد يرفع معنويات الشاعر
اشكركم.

رد: ذيب ويحب
 

وعليكم السلام ورحمة الله وبركاته

مسموح يالاذيب وما منك ومن شرواك قصور .

وعن أخوك لو مالقى منك غير هالبيت ...يكفيه ويوعدك يتابع كل مشاركات الذيب:


واليا هجرتني بسمةٍ مـن شفايـاك
وش عاد باقي في حياتـي يسلـي؟..

الله يبيض وجهك..

رد: ذيب ويحب
 

ماقلت لك ياصاحبي عمري افـداك
كـلـه ولا الهـجـران خـلــه يـولــي

إما تغيـب ... وتاخـذ القلـب ويـاك
وإلا تعـال ... وخذنـي افـداك كلـي

بيض الله وجهك وعزالله اسم على مسمى

تقبل مرور المندفع

رد: ذيب ويحب
 

إما تغيـب ... وتاخـذ القلـب ويـاك
وإلا تعـال ... وخذنـي افـداك كلـي


لو ما نزلت الا هذا البيت لكان يكفي عن قصيده


لا تحرمنا الذيب من جديدكـ