صور من الواقع
 

السلام عليكم ورحمة الله وبركاته

/
/
ملامح غطتها المساحيق أجساد شبه عاريه أصوات وضحكات عاليه
نساء وفتيات سافرات ومسافرات على متن الخطوط السعوديه
ماأن حلقت الطائره بالجوو حتى نزعن رداء الحياء
واستبدلنه برداء لا يمت للحياء بصله
تشابهت الملامح والأجساد والأصوات والضحكات
الا واحده اختلفت عنهن وتميزت
وحافظت على حيائها وحشمتهاولم تبالي بتغير المكان
في المقعد المجاور لهاجلست إحدى السافرات
أخذت تنظر اليها بتعجب وكانت تتسائل
(ماادري متى يتطوروا هالمعقدين ويبطلوا تخلف؟!)
/
/
/
مكالمه هاتفيه بين صديقتين استمرت قرابة الثلاث ساعات
أخذت كل واحده منهن تحكي عن معاناتها مع زوجها
/
/

الأولى/ تخيلي قبل شهر نزلت السوق مع زوجي
طبعاً أنا أول مره أنزل معاه بالعاده انزل مع الوالده
المهم بعد مانزلنا من السياره ودخلنا السووق
بدأ يمشي بسرعه مجنونه وانا الاحقه من مكان للثاني
ولو تشوفي المسافه اللي بينا ماتصدقي انه احنا جايين مع بعض
وان اللي قدامي زوجي وياليت على كذا وبس
لاصار يحددلي المحل اللي ادخله من اللي مادخله
وكأنه هو اللي بيشتري مو أنا
المهم بعد ماخرجنا من المحل الاول شاف احد معارفه
شافه من هنا وجهه تغير من هنا
ونزل راسه وتلطم وخرج وتركني
ولحقته وركبنا السياره وطول الطريق يرددفشلتينا فشلتينا
ياابن الناس انا وشسويت وشفيها اذا احد شافني معك
متستره ومتحشمه ومافيني شي يفشل ليش مكبر الموضوع
رد علي بعصبيه وشوي ويضربني
الرجال شافك وتقولين مافيها شي
انا الغلطان اللي نزلت معك
انتي ماتشبعين من السوق انتي وانتي.........
وللان يردد فشلتينا فشلتينا
/
/
الثانيه/ تعرفي انا عكسك تماماً
اذا كنت أبخرج مع زوجي يطلب مني اكشف
وإذا رفضت اكشف يطلب مني أتلثم وأبالغ بالماكياج
عشان شكلي يطلع في نظره مرتب وحلو
وماافشله إذا احد شافني معاه
طبعاً اضطر اني اتبرج عشان اخرج
ولااذا مانفذت اوامره مستحيل اطلع من البيت
ويبيني اكشف على اخوانه وعيال عمه
وياليت على اخوانه وعيال عمه وبس
الا يبيني اكشف على اصحابه
وانا بصراجه ماعندي استعداد اغضب ربي عشان ارضيه
يكفي طاوعته في بعض الامور
خلاص مليت وتعبت
/
/
وانتهت المكالمة بعد أن قررن الانفصال عن أزواجهن
/
/
تقديري وتحياتي لمن قرأ كلماتي

رد: صور من الواقع
 

وعليكم السلام ورحمة الله وبركاته

نعم قرأنا تلك الكلمات وشاهدنا تلك الصور ..
كثيرا ماتزعجنا تلك الصور ....ونتمنى أن نعيش بالتوسط .
وبالحكمة في حياتنا كي تستمر الحياة ..

أصبح الألم صورة حاضرة في أذهان الكثير ...
وخاصة حينما نتحدث عن قضية الإنفصال بين الأزواج لأسباب غير منطقية ..
فالتنازل بين الأزواج أصبح اصعب بكثير من بعض القضايا السياسية المعقدة ..

قبلنا التحية ونردها بتحية أخرى مع خالص التقدير لأختنا مسك .

رد: صور من الواقع
 

تشرفت بتواجدك أستاذي
كل الشكر

رد: صور من الواقع
 

لم اكن لأصدق لو لا اني رأيت هذه الحاله بنفسي امرأه لا ترى منها ضفرا واذا ركبت الطائره اصبحت شبه عاريه..

هذا من اللي يقولون معي الحرمه الله يكرمك لايعرف ان ديننا الاسلامي اكرمها
هكذا يكون الديوث اللي استحق اللعنة من الله

شكرا لك اختنا مسك والله يعطيك العافيه

رد: صور من الواقع
 

شاكره لك مرورك
احترامي لك

رد: صور من الواقع
 

رد: صور من الواقع
 

مرورك وتواجدك الأروع
كل الشكر

رد: صور من الواقع
 

حسبي الله ونعم الوكيل الحمد لله
على نعمة العقل
من جد زمن عجيب
وكل الشكر لك اختي مسك
على هذا الموضوع

رد: صور من الواقع
 

الله يكفينا شر الصور الي زي كذا

وتعبنا من كثر ما نسمع اشياء مثل هذي

يعني وش يعني لو تكشفت وعرضت جسمها على خلق الله

وش استفادت

ووش راح تستفيد

اما الي متفشل من زوجته

هذا مريض وعقليته تعبانه

وما نقول غير حسبنا الله ونعم الوكيل



احسنتي اختي

وبارك الله فيك

تقبلي مروري

رد: صور من الواقع
 

العفوو وياهلا بك

رد: صور من الواقع
 

شاكره لك مرورك
وياهلا فيك

رد: صور من الواقع
 

قصص محزنة
حقا مشكورة مسك

رد: صور من الواقع
 

تشكر عالمرور وياهلا