ياهاجس الشعر..
 

السلام عليكم ورحمة الله وبركاته

تعودت أن أشارك على راس كل ألفية من مشاركاتي أن أشارك بابيات متواضعة ...تقديرا لأهلي وأبناء عمومتي .

واليوم أشارك بأبيات أتمنى أن تنال رضاكم .....ومعذرة في تقصيري..

ياهاجس الشعر عود مالك الا هذيل
اهلك وعزوتك طال الوقت ولا قصر
شرِق وغرِب ولكن منت لاقي بديل
والناس تظلمك لاتكسب ذنوب البشر
يامكثر الي طمع بك وانت عابر سبيل
اعمى بصيره يسفه فيك واعمى بصر
اللي يسوقك على شرواه لو هو بخيل
واللي يغني بيوت كسرها ماجبر
واللي يهينك ويكسب فيك شي قليل
احد بنى لك قصر واحد حفر لك قبر
الله يعينك على قوم تحط وتشيل
الصبر طيب لكن اليوم مابه صبر
عود لعزوتك تلقى لك مبيت ومقيل
ابو ذؤيب اذكره ولا اذكر ابو صخر
اهذيل قوم الشعر ماتعرف المستحيل
وانته بحر والصحيح اهذيل ربعي بحر
الوقت لو مال تلقى عزوتي ماتميل
فيما مضى وان صبرت يجيك منا خبر
مايكسب المعركة كود الحصان الاصيل
ماهمه اهل الغدر ولا حسب للخطر
اقول والله يجملنا مع اهل الجميل
ومن ربعه هذيل والله مايعرف القهر
يالابتي لابتي يوم النهار الثقيل
من يعرف الصدر مايرضى بغير الصدر
يالله يالله يالي فوق خلقك وكيل
تعـــز دينـــك بنا وتــمدنا بالنـــصر

ودي وتقديري للجميع.

رد: ياهاجس الشعر..
 

وعليكم السلام ورحمة الله وبركاته

صح لسانك مدد بلا عدد

وبيض الله وجهك

قصيدة رائعة

تحياتي

رد: ياهاجس الشعر..
 

صح لسانك وبيض الله وجهك
سلمت يااخي الغالي

رد: ياهاجس الشعر..
 

صح لسانك

و الله أبدعت و أجدت و صدقت

و أشكرك جزيل الشكر على هذه القصيدة بما أني هذلي

رد: ياهاجس الشعر..
 

رد: ياهاجس الشعر..
 

رد: ياهاجس الشعر..
 

السلام عليكم ورحمة الله وبركاته

لاهنت استاذنا مشعل

قصيدة جميلة وشاعر اجمل وهذيل اهل الشعر شاء الزمن ا م ابى

الله لايهينك وصح لسااانك لين ترضى


تحياتي

رد: ياهاجس الشعر..
 

واللي يهينك ويكسب فيك شي قليل ::::::::احد بنى لك قصر واحد حفر لك قبر

صدقت والله يامشعل


صح لسانك وافيه من وافي

رد: ياهاجس الشعر..
 

الفيه مباركه

وقصيده رائعه وتواصل اروع من شاعرنا المحبوب مشعل الهذلي

صح لسانك يالغالي ونتمنى ان تكون كل نصف ألفيه قصيده كهذه

فنحن تواقون للشعر الجزل طال عمرك

رد: ياهاجس الشعر..
 

وعليكم السلام ورحمة الله وبركاته

لو أن الأمر بيدي لأضفت لك الــف مشاركة بين كل فترة وأخرى ..لنستمتع بعذب

القصيد وجزله .

صح لسانك يالغالي ولاعدمنا قصيدك .

رد: ياهاجس الشعر..
 

الله اكبر


تسلم يا مشعل الهذلي


صح لسانك وعلا شنك


بيض الله وجهك ياشاعرنا



قصيدة جميلة جداا

رد: ياهاجس الشعر..
 

السلام عليكم ورحمة الله وبركاته

الله لايهينكم هلي وعزوتي هل الواجب ..

كل باسمه :
أخوي أبو الملثم ووجهك أبيض الله يسعدك ..
أخوي مشهور الطلحي الله يسلمك ويكرمك ...
أخوي المحارب تسلم الله يوفقك ...
أخوي سهم هذيل بارك الله فيك ...
أخوي الفارس صدقت فيما تفضلت به ..الله يعزك .
أخوي عماد الله يكرمك ياشيخ ويخليك ...
أخوي إبن قاسي الوفى حضورك طال عمرك لاهنت .
أخوي أبو بسام تسلم ومنكم نتعلم ياغالي ..
أخوي أبو شموخ إبشر بالسعد شعارنا كثير والحمد لله نحاول نقدم ولو شئ بسيط .
أخوي الكريم فواز الحمد الله أن القصيدة طابت لكم لازلت تلميذ في مدرسة هذيل وشعرائها ..

شكرا للجميع ..
وبيض الله وجيهكم ...

رد: ياهاجس الشعر..
 

رد: ياهاجس الشعر..
 

السلام عليكم ورحمة الله وبركاته

ولسانك أخوي الكريم هذلي قديم ..

لاهنت .

رد: ياهاجس الشعر..
 

مشعل لاهنت كلام جميل

ونهاية موفقة فالنصر من عند الله وحده سبحانه وتعالى

بيض الله وجهك وبارك الله فيك .