::{ مجالس قبيلة هذيل }:: موقع يهتم بتراث القبيلة ومفاخرها - قصيده مرسله الى الشاعر الكبير عبدالله عطية الله القارحي

- مجلس الشعر الشعبي (https://hothle.com/vb/forumdisplay.php?f=15)

قصيده مرسله الى الشاعر الكبير عبدالله عطية الله القارحي

يا مرسلي من فوق خفاق جنحان
طير مدرب ما نزل ساحة السوم

راعيه عيا يقبل أشكال الأثمان

حر سليط الصوت لماح زيموم

أليا ابتعد عنهم تقافته الأعيان

واليا رجع في ماقعه الصيد مكموم

محمله بأنواع واطياب الأفنان

الشيع والريحان مع زهر ملموم

فيها سلام لأهل الإسلام عنوان

المسلمين اللي لهم دين واسلوم

تنصاك ياللي للمهمات مزبان

راعي وفاء ماهو من الناس مذموم

في مجلس العراف له رأي مليان

يرد كيد الخصم ماهو بمخصوم

وفي المشورة كلمته شانها شان

راعي حكم وأفكار والرأي محسوم

راعي حميه للمواجيب عجلان

بتال يبتل لابتل في اول القوم

شاعر وله في ساحة الشعر برهان

واكبر دليل انه من الناس معلوم

للشعر هيبة يؤم ينطق بقيفان

والناس تعرف هيبة الشعر به دوم

من طيبة في القلب والعقل رجحان

الكل يشكيله مواضيع واهموم

يا بو سند وانا من الوضع شفقان

والناس ضاعت بين لايم ومليوم

والمنطقة صارت على متن بركان

اليوم بكره تنفجر نار واحموم

وأسبابها يا صاحبي أطماع الإنسان

ترى المطامع مالها حد واقسوم

راعي الطمع معروف للناس غلطان

غلطان لو ينبت على رأسه الدوم

وإحنا عيال العم ياطير حوران أبناء

علا تاريخهم حرب واسهوم

مرت علينا اسنين في خير وإحسان

نرسم ملامح حلمنا يوم مع يوم

وإذا افتكرنا ما مضى ماضي الأزمان

نزعل نقول الله لاعادها علوم

قمنا قسمنا اللي لنا قسمة إخوان

حتى نحل ألمشكله حل مرسوم

زدنا عليها نبغي العلم ينصان

واش عاد يبقى مابقى شئ مفهوم

محمد احمد المحمودي