::{ مجالس قبيلة هذيل }:: موقع يهتم بتراث القبيلة ومفاخرها

...ااه ليتني ولد...
/
/
...عندما يشعرن بالظلم والعجز والتفرقة في المعاملة وعدم مراعاة مشاعرهن وتهميشهن
يعبرن عن حسرتهن والمهن بترديد تلك الجمله ...
/
/
كثيره هي الاسباب التي جعلتهن يرددن تلك الكلمات
وهنا سااذكر بعضاً منها على هيئة مشاااهد وصووور
/
/
ريم ......الله يخلف عليك يانوووف العريس طار...
نوووف....كيف... لاتقولين طلب يشوفني واخواني رفضوا...
ريم......وهذا اللي صار يالله ممكن تكون خيره لك...
نووف...... أي خيره وهذا ثالث واحد يرفضونه عشان طلب يشوفني لمتى بيرفضون العمر مشى وموكل يوم بيجيني خاطب...
ريم...اي والله صادقه اللي بعمرنا تزوجوا وعيالهم بكبرهم...
نوووف ....ماادري متى يبطلوا انانيه ويحسوا فينا هم قبل الخطبه شافوا زوجاتهم يعني حلال عليهم حرام علينا...
ريم ........ يووووه لو بتقارني بينا وبينهم بتتعبي لاتدققين كثير هي وقفت على الشوفه بس؟؟!!..
نووف... وربي قهر وظلم لمتى بنظل على هالحال اااااااااه بس ليتني ولد ...
ريم... ظنك الحين الشباب مرتاحين بحياتهم!!!.
نوووف...لاطبعاً اكيد عندهم مشاكل وهموم بس همومهم اقل من همومنا ويبقون افضل منا بكثير اقلها ماحد يقدر يظلمهم ويهضم حقوقهم
قارني بينا وبيهم اقصد اخواني طبعاً وشوفي من اللي حياته افضل...
ريم ... معاك حق والله يفرجها...
نوف... الله كريم...
/
/
نوووف... تعالي بكره ملكة خلود ولاتاجلت...
ريم...لا بكره من قال انها تأجلت...
نووف...انا توقعت انها اتاجلت ماشفتك تجهزتي واشتريتي أي غرض بتروحين ولا بطلتي...
ريم... لا طبعاً بروج ملكة اعز صديقاتي ومااروح؟؟ بس ماحد راضي ينزلني السوووق وشكلي بلبس فستان قديم مالظاهر احد بيزلني..
نووف... روحي كلمي سعوود فاضي جالس عالنت قوليله يوديك...
ريم...ولو اني عارفه رده من الحين بس ماعليه نحاوول...
/
/
ريم... شخبارك سعود اخيراً شفناك...
سعوود... بعصبيه خير وش بغيتي...
ريم... ليش معصب بسأل عن حالك هذا جزاتي..
سعوود... مشكوره ماابيك تسالين عن حالي خليني بحالي وشتبين الحين...
ريم... ابيك تنزلني السوق كنك فاضي ...
سعوود...لاوالله ماني فاضي وحتى لو كنت فاضي ماني موديك يالله ضفى وجهك ولااشوفك هنا ثاني...
/
/
ابتلعت الالم وعادت من حيث أتت
/
/
نووف... ها وش قالك...
ريم... بعصبيه كالعاده طرده محترمه...
نوووف... طيب ليش معصبه اللي يسمعك يقول اول مره المفروض تتعودي
ويصير احساسك متبلد ماله داعي تضايقين حالك صيري مثلي مااعاد اهتم لاي كلمه تنقالي تعوودت على هالشي...
ريم... امنيتي اسمع كلمه طيبه منهم ليه يعاملونا بها الاسلوب ماكاننا اخواتهم امنيتي اشووفهم يبتسمون اويضحكون دايم معصبين...
عبير...تبين تشوفينهم وهم يبتسمو ن ويضحكون ويسولفون بدون عصبيه روحي الصاله الثانيه تحصلينهم جالسين مع بعض مبسوطين
وتعاملهم مع بعض راقي ماتصدقي انهم اخوانا العصبيه والاخلاق الشينه لنا بس ومع الباقين مافي احلا من تعاملهم...
ريم... اه ياربي حتى في هذي فيها تفرقه اه بس ليتني ولد...
/
/
خالد بعصبيه بنت قومي جيبلي مويه
ريم... كلنا بنات حدد...
خالد...لاوالله اقول قومي جيبي مويه ولايكثر هرجك...
ريم...ان شاء الله حتى اسمائنا مستخسرين تنادونا بيها اه بس...
عبير...خالد سمعت ان التسجيل بدورة السجلات الطبيه بالمستشفى اللي تشتغل فيه بدأ ابي اسجل في الدوره وين اروح...
خالد... لاحبيبتي ماعندنا بنات ياخذوون دورات ويشتغلون بمستشفيات فهمتي...
عبير... ناسي ان زوجتك ممرضه...
خالد... لاموناسي بس مافي مقارنه بينك وبينها هي متزوجه وانتي لا وهنا الفرق...
عبير... اها يعني المتزوجه معصومه عن الخطأ والغير متزوجه ممكن تخطي هذا الفرق الحين...
خالد...عليك نووور هذا الفرق...
عبير... وش هالتفكير المتخلف ليش تجردني من الاخلاق ليش بتعتقد ان كل بنت همها الأول الشباب
اذا اخلاقي وديني ماامنعتني عن الغلط صدقني زواجي مااراح يكون سبب في منعي عن الغلط ...
خالد... على بالك بتقنعيني بها الكلمتين قلتلك مافي يعني مافي...
ريم... اه ياربي التفرقه بين الولدوالبنت وتقبلناها وقلنا ماعليه تطلعلنا الحين المتزوجه والغير متزووجه
...ااه بس ليتني ولد...
/
تقديري وتحياتي لمن قرأ كلماتي