|
محاورة بين الشاعر /عبدالحميد الفهمي والشاعر /ابراهيم الشيخي
[frame="10 80"]
ابراهيم الشيخي : سلام تسليم الوفـى والمعـزه والمواجيـب ^^^ عنـد الرجـال اللـي تقـدر وتكرم مـن نصاهـا ياذيب ياللي قمت تعوي على روس المراقيب ^^^ دونك ذيابـه مايجـاوب عـواك الاعواهـا عبدالحميد الفهمي : يا مرحبا عداد مبدا القمر واثنـي التراحيـب ^^^ في حلة اهل الحلـه اللـي رفيـع مستواهـا يا ذيب يا ذيب الخلا يالذي تعرف عوى الذيب ^^^ خلك خوي الذيب وأمش الديار اللـي مشاهـا ابراهيم الشيخي : عبدالحميد الناس من شهر تشعب شمخ النيب ^^^ والا انت ماشفناك مـن دونهـا والا وراهـا ان كان ماجربت حظك ترى الدنيـا تجاريـب ^^^ والارض تقبل كل شيٍ يجيهـا مـن سماهـا عبدالحميد الفهمي : يا بن العرب بعض العرب ينفقد لو انه يغيب ^^^هذا هو المطلوب والناس من يدرك رضاهـا عسـاك يـوم اغيـب تحـدد وتسد المطالـيـب ^^^ حافظ عليها بعد صاحبـك يالشيخـي بناهـا ابراهيم الشيخي : بعض الغياب يعذب الآدمي ويطلع الشيب ^^^والناس تجفاها المواقيف لاشابت لحاهـا انته وانا في دبرة الله ولا أحدٍ يعلم الغيب ^^^ يمكن نشيد لك قصوراً تذرى في ذراهـا عبدالحميد الفهمي : ترى عريب الساس ما يلحقه شكاً ولا ريب ^^^تدرون كم ميله عدلها وكم ليلـه سراهـا بغيت اعلمك الرمايه ووريـك المضاريـب ^^^الناس ترجى في ولدها وهو خيب رجاهـا ابراهيم الشيخي : خل النسب ينفعك لا أمسيت وانته خالي الجيب ^^^الناس لاجـا وقتهـا فـي نسبهـا ماتباهـا انا بغيت ابرح لك الخط وارسل لـك مكاتيـب ^^^امـا تساعدنـي علـى جيرتـك والا بلاهـا عبدالحميد الفهمي : هذا زمان العولمه ماعلى ابراهيم تثريب ^^^ معاد نعرف وجه دنيا العجايب من قفاهـا انا احمد الله واشكره واحترص وابعد عن العيب ^^^ ماني بسلعة واحداً باعها واحـد شراهـا ابراهيم الشيخي : تراني اغليكم وافاخر بكم عند الاجانيب ^^^ والناس ماتحكم على الحاجه اللي ما تراها [/frame] |
رد: محاورة بين الشاعر /عبدالحميد الفهمي والشاعر /ابراهيم الشيخي
صح لسانهم جميع
محاورة ممتعة و طرق ممتع لا هنت على نقلها لنا ننتظر جديدك هنا شكرا لك |
رد: محاورة بين الشاعر /عبدالحميد الفهمي والشاعر /ابراهيم الشيخي
اقتباس:
تسلم على مرورك يالمحارب يشرفني ويسعدني اطلالتك الرائعة انا شاء الله اطرح كل ماهو جديد ومفيد وان شاء الله انقل لكم هنا كل جديد يتحفنا به شاعرنا الشاعر/عبدالحميد الفهمي مع غيره من فطاحلة الشعر تحياتي |
رد: محاورة بين الشاعر /عبدالحميد الفهمي والشاعر /ابراهيم الشيخي
شكرا اخي على النقل الجميل
محاورة شيقة لشاعرين متمكنين شكرا |
رد: محاورة بين الشاعر /عبدالحميد الفهمي والشاعر /ابراهيم الشيخي
اقتباس:
فواز الهذلي تحياتي لك يالغالي كم سرني واسعدني مرورك العذب دمت بود |
| الساعة الآن 02:57 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل