::{ مجالس قبيلة هذيل }:: موقع يهتم بتراث القبيلة ومفاخرها - يدك يطلع لها ميسمك من جيبها ،، محمد المسعودي مع حبيب

السلام عليكم ورحمة الله وبركاته
هذه محاورة رائعة ومميزة جرت بين عملاقين من عمالقة شعر المحاورة في الجزيرة العربية ودهاة من دهاة هذا الفن وتنشر لأول مرة على الشبكة العنكبوتية
وهي بين الشاعرين محمد المسعودي وحبيب العازمي:

محمد:

مرحبا في محل الطيب والإحترام
أدعـي القـوم وأوفيهـا مواجيبهـا
العتيبي يخيل الشرق ويلـد شـام
من علو الجبال اللي عوى ذيبها

حبيب:

والبقا يارفيعيـن البخـت والمقـام
كـل قـومٍ تبـى تقضـي مطاليبـهـا
والعتيبي ماشال البندق بلا حزام
وإن رمى بندقه يعرف مضاريبها

محمد:

إنتـعـلّـم وتآتـيـنـا كـثـيـر الــعــلام
تطـلـع الطيبـيـن وينـذكـر طيبـهـا
مابقي مع نصايب جدّك الاّ العظام
مـار لاتنقـل البنـدق وترمـي بـهـا

حبيب:

هبت النود فوق الناس والطير حام
يوم بعض الطيور اخطت مخاليبها
جدكم يا هذيـل أهـل الجبـل للرحـام
مابقـى الاّ ضيـوفٍ مــع معازيبـهـا

محمد:

مايحرّك جناح الصقر صوت الحمام
مــــا نـيـتــك لاتـخـلــف هنـاديـبـهـا
جدنـا حافـظٍ عهـده وصـان النـظـام
وأنت وين الصلاه اللي تصلـي بهـا

حبيب:

هيضتنـي لحونـك يـا حمـام السـلام
تزعج الصوت والجنحان تومي بها
مايجيـه الـمـلام ولا يجيـنـا الـمـلام
وأكثر الناس تدري محد يـدري بهـا

محمد:

عشت مااحسن كلامك يا حَسِين الكلام
يـدك يطلـع لهـا ميسمـك مــن جيبـهـا
والله إنـه سـرى فـي لـيـل كـلـه ظــلام
لــو هواجيـسـك العـذبـه تـغـنـي بـهــا

حبيب:

وقّعت فالكتوف و وقّعـت فالسنـام
وأنت عينك تحيمرها وتغضي بها
فيه نص حـلال وفيـه نـص حـرام
وأصبح الشـك دايـر ودهـا جيبهـا

محمد:

ملْحَمه فيك وموثّـق علاهـا اللحـام
روس شابت وروسٍ ماطلع شيبها
أدري إنك على جور الدهـر ماتنـام
مابـقـي مــن سنـتـك إلاّ عراقيبـهـا

حبيب:

لو تخوض المعارك ما عطوك الوسام
لحـيـتـك مـاتـعــدّى روس اشانـيـبـهـا
يوم نبني القصـور أنتـه تبنـي الخيـام
العلـوم الثقيـلـه مـاانـت ضــاري بـهـا

محمد:

مااشري الباعه اللي حايره ماتسام
كـل تاجـر يبيـع ابهـا ويشـري بهـا
يوم تبني قصورك يا عريب العمام
البـيـوت المشـيّـد ويــن اطانيـبـهـا

ملاحظة :
عند نقل المحاورة نتمنى ذكر المصدر : منتديات عذب القصيد الأدبية

منقول نصاً

نلتقي