(قصيدة) معقول .. باقي من الشهر .. 10 أيام
 

[align=center]يقول الشاعر المبدع / نواف فهاد[/align]

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
معقول .. باقي من الشهر .. 10 أيام=معقول .. راحت منه .... 20 .... ليلة

شفتوا أجل ..؟؟ .. مرت بنا مثل .. الأحلام=مامن جديد .. وكلّـن .. يعيش ... جيله

اللي معانا العام .. هـ العام ... ما صـــام=منهو .. ضمن مستقبله ... وش يجيله

في جيلنا .. مادامت لـ جيش صدّام=وفي جيلهم .. وين أبرهة .. وين فيله

كذا الحياة .. تمرّ عام ٍ ورى عام=كم فرّقت ... بين ... الخليل ... وخليله

شف الليالي .. كم تقضـّـت بـ الأعوام=وحنـّـا نقول ... أن ... الليالي ... طويله

ياهوه .. صحصح عندنا لك .. خبر هام=نصّ الأماني .. في الحقيقة .. قتيــــله

دنياك هذي .. حزن وجروح .. وأوهام=ومالك على دنياك .. مكر ٍ .. وحيــــله

كم واحد ٍ .. ودّع حبيبه وسط خام=وعلى حبيبه .. حدّر الدمع ... سيـــله

بكى فراقه .. !! .. مرّت أيام مانام=بكى .. وروحه ... من فراقه .... عليـــله

لكن .. نسى .. إنه كذا .. بعد أيام=نفس الأيادي .. يمّ قبره ... تشيـــــله

يارب عفوك .. قبل تلتف الأقــــدام=يوم الخليل .. يخون .. عشرة .. خليله

ويارب ثبـّـتنا .. على دين الإســـلام=واللي خذاه الطيش ... تهدي سبيـــــله

أقولها .. والعمر .. لو طال مادام=وإعرف .. سنين العمر .. ياخي .. قليله

والحين .. باقي من الشهر .. 10 أيام=طالبك .. عوّض فيه .... 20 .... ليله[/poem]





[align=center]منقول[/align]

رد: (قصيدة) معقول .. باقي من الشهر .. 10 أيام
 

السلام عليكم ورحمة الله وبركاته

كـذا الحيـاة .. تمـرّ عـام ٍ ورى عـام
كم فرّقت ... بين ... الخليـل ... وخليلـه

شف الليالي .. كـم تقضّـت بـالأعـوام
وحنّا نقول ... أن ... الليالـي ... طويلـه


تسلم على النقل ..شهرك مبارك ..

قصيدة معبرة ..

رد: (قصيدة) معقول .. باقي من الشهر .. 10 أيام
 

السلام عليكم ورحمة الله وبركاته

لاهنت اخي مخلفي حربي على النقل

قصيدة جميلة وموعظة هادفه اسمحلي انقلها لقسم المنقولات

تحياتي

رد: (قصيدة) معقول .. باقي من الشهر .. 10 أيام
 

رد: (قصيدة) معقول .. باقي من الشهر .. 10 أيام
 

وعليكم السلام ورحمة الله وبركاته

الله يسلمك من كل شر
شاكرلك مرور يا مشعل