حقايق ماجبتها من عندي
 

هديتي من أرض الغربة لصالح بن دخيل الله (فارس الصحراء)

كانت صعيبه ماكره محتاله

متكبره متبختره مختاله

ماتتبع النشمي ولاترغب له

ولاتتبع الا اللي كثيرٍ ماله

راع الرصيد الوافر المتنامي

يغرها ويجرها برياله

والسيده تسعى على مرضاته

والشيخ عرفها على جهاله

جهال والجهال من يلزمها

في وقت لاشركه ولامحباله

وقامت على العالم تبا تقنعها

وأطيب سوالفهم (علف ونخاله)

والله لو لي سلطةٍ لقرعها

واحوزها عن طرقة الجمّاله

واحكم عليها اعدام واقعد راسي

بمهيله تشفي عليل الحاله

صبابها صالح وعلمه صالح

الفارس اللي يفهق الخياله

اللي لياسيرت تلقى عنده

دق الكلام المعتبر وجلاله

فارس ولد فارس وجده فارس

شاعر وله فالشعر درب لحاله

سكه مشاها مامشاها غيره

رسم هدفها قبل عقد القاله

وفي فارس الصحراء شد حزامه

ونافس على البيرق وجا مشتاله

خلا العرب تلفت نظرها يمه

وتشّر بصابعها وتتبع جاله

وقالو من ايات العرب ياصالح؟

وجاوب هذيل ولاعليكم طاله

هذيل يوم الناس خذها عطها

نصيبها بيدينها تكتاله

عوق الحريب الياعسم باروده

زبن الدخيل اليا عدا قتاله

واهل الكرم يوم الكريم بحاجه

يكرم ضيوفه لو يذكي عياله

واهل الفصاحه والبلاغه وايضا

الشعر له فتّالةٍ نقّاضه

وابا اختصر فالموجز المتواضع

واللي يبا الاسهاب يكرم فاله

حقايقٍ ماجبتها من عندي

تاريخنا يفخر بذكر ابطاله

وكل القبايل ماعليها قاصر

كلا يجر الدلو بالمحّاله

وسلامتكم

Have a great time my tribe

رد: حقايق ماجبتها من عندي
 

صح لسانك يا ساعد

من اجمل ما قرأت من القصائد منذ مده ليست بالقصيره

والشعر يفسح المجال للابداع عندما يكون الغرض رجل بمقام ابو دخيل الله

عساك سالم يابن العم ولا غرابه هذا التواصل الرائع

وعسى ان نراك قريبا في ارض الوطن

وكل عام وانت بخير

رد: حقايق ماجبتها من عندي
 

رد: حقايق ماجبتها من عندي
 

صح لسانك و علا شانك

وافية يالوافي

عسى الله يردك للوطن سالم غانم

و كل عام و أنت بخير

و إن كان تقدر تعدل

" و الشعر له نقاضة فتالة "

لأنك كاتبها

و الشعر له فتالة نقاضة

يعني على ما قالوا غلط مصبعي

و عاد إبن عمك عماد ما يقصر

شكرا لكتابة هذه الفاخرة

و صح لسانك

رد: حقايق ماجبتها من عندي
 

هدية شعرية جزلة،

وافية من راس وافي،

ونعم بالمادح والممدوح،

وكل عام وأنتم بخير ،،،

رد: حقايق ماجبتها من عندي
 

صح لسانك

وافية من راس وافي

ونعم بالمادح والممدوح

رد: حقايق ماجبتها من عندي
 

صح لسانك وبيض الله وجهك يالغالي

رد: حقايق ماجبتها من عندي
 

السلام عليكم ورحمة الله وبركاته

صح لسااانك يابو حــامد ماتحتاج قصائدك تعليق أبداع .

وكل عام وأنت بخير والله يردك سالم غانم

تحياتي

رد: حقايق ماجبتها من عندي
 

شكراً على مشاعركم وتصفحكم

وكل عام وأنتم بخير

رد: حقايق ماجبتها من عندي
 

رد: حقايق ماجبتها من عندي
 

السلام عليكم ورحمة الله وبركاتة
صح لسانك يابو حامد
وكل عام وانت بخير
قصيدة جزلة من شاعر جزل
الله يردك سالم غانم

رد: حقايق ماجبتها من عندي
 

واااااااافيه من وافي ,لاهنت والله على هذا الابداع

رد: حقايق ماجبتها من عندي
 

رد: حقايق ماجبتها من عندي
 

قصيدة جيدة صح لسانك

رد: حقايق ماجبتها من عندي
 

شامخ كعادتك بابو حامد وبيض الله وجهك قصيدة رائعة كروعة شاعرها وصالح ** فارس الصحراء فارس هذيل فارس الكلمة فارس الشعر ** ابدع وليس بغريب على فارس كمثل صالح تقبل تحياتي وانشاء الله نشوف ساعد يرفع بيرق الدكتوراه في اسرع وقت ممكن