محمد المسعودي والمقالب التي يمررها على رشيد الزلامي " محاورة نارية نارية "
 

الــســلام عـلـيــكــــم ورحــــمــــه الـلــه وبــركــاتـــه

الابـــداع مـــــــــوجـــــــــود ولانـــدري سـبب الغـمـوض يا مـحـمــد

من اقوي محاورات محمد المسعودي مع رشيد الزلامي وشوفو محمد وش سوى في الزلامي من مقلب

محمد المسعودي
مرحبا باللي حضر (منا ) تراحيبٍ كثيره
================= من سمعها من رياجيل الوفا ماضاق باله
الليالي دايره مثل الرحاه المســـــــــتديره
================== والزلامي مع مرور الوقت مدري كيف حاله
من اسرار المحاوره وخطورتها محاولة كل شاعر تمرير بيت على الشاعر الذي امامه لذلك نلاحظ الترحيب لهذيل ليس للزلامي (منا )

رد رشيد الزلامي
(البقا) ياشاعرٍ عبر لسانه عن ضميره
===================== قالها شاعر هذيل اللي طراله ما طراله
وقع الزلامي بعد نطقه (البقا) لان الترحيب ليس له
ياهذيل انتم طلبتونا عسى فالامر خيره
===================== (العتيبي ينطح الهذلان لو واحد لحــــــاله )

يتضح ان الزلامي شك بالبيت ولكنه استعجل وحاول تغيير الاتجاه وتحويل المعنى على شعراء هذيل الموجودين في الحفل (العتيبي ينطح الهذلان لو واحد لحــــــاله )
محمد المسعودي
الحقيقه قلتها ماني (مخفيك السريره)
===================عيني تشوف (السحاب) اللي على راسك خياله
المسعودي يؤكد للزلامي حقيقة ماتم تمريره من سر في البيت (السحاب ) المكافأه
كان ماعندك خشير ولا شويرٍ تستشيره
==================== المراجل ماوصلها كل من نصب عقاله
المسعودي يضع محاوله ليغير الاتجاه الذي ينوي عليه الزلامي ليصبح المغزى شعراء عتيبه وليس شعراء هذيل
رشيد الزلامي
يامحمد ماخلقنا الله على شبه الجزيره
==================== (غير نبذل كلمة المعروف ونفر المحاله )
( كلمة المعروف) تلبية الدعوات والحضور ( نفر المحاله ) الفايده وهي المكافأه ولا تمنع الترحيب عن الشعراء
والله اني ما التفت في واحدٍ يشعب بعيره
====================== مير هو (شيخ العرب ولا وكيلٍ بالوكاله )
يبدوا ان المسعودي نجح عندما تجاوب الزلامي معه واصبح المغزى شعراء قبيلة الزلامي الذين يتظجر منهم و ينافسهم (شيخ العرب ولا وكيلٍ بالوكاله ) و لعل هذا التنافس جعل الزلامي يسير برغبة المسعودي
محمد المسعودي
المشاكل ماتحل الا بتحكيم البصيره
=====================ماكسبها واحدٍ تصفق يمينه في شماله
تركيز المسعودي على البيت الاخير واستغلاله تنافس الزلامي مع شعراء قبيلته وينصح الزلامي بالتفاهم مع قبيلته وعزوته حتى لا يكون لوحده
لو بغيت( تقصر الخطوه )ترى ماهي قصيره
=================== مايدن النجر (شيخ )الا بعد حميت دلاله

( تقصر الخطوه ) تختصر المسافه حتى تحصل على اسم شاعر عتيبه او تصل الى ماوصلو اليه (شيخ ) شاعر من شعراء عتيبه حدى الاثنين مستور العصيمي او حبيب العازمي
رشيد الزلامي
( لا تضايق) وانت عندك مشكله ماهي كبيره
===================== مات عنك (ابليس) مير الخوف كله من عياله
(لاتضايق ) صعب موقف الزلامي بعد تحول المعنى ضده وهو يحاول ان يمثل عتيبه كيف اصبح يكشف هذا الامر بسهوله لم يبقى مع الزلامي سوى ان يثير شعراء هذيل على المسعودي للمنافسه على اسم شاعر هذيل بذلك اصبح الزلامي متناقض فالبدايه يعترف بانه شاعر هذيل والان يحرض شعراء هذيل
(ابليس) عبدالله المسعودي رحمه الله (الخوف من عيال) من شعراء هذيل الموجودين على الساحه

اترك الدرب الطويل وروحلك مع درب غيره
===================== (وان شوتك الشمس ) ( بيت الله ) يضللكم ضلاله
تشبيه مكانة المسعودي عند هذيل بمكانته عند عتيبه

(وان شوتك الشمس ) اذا قامو ضدك شعراء هذيل وحاربوك انتم في غنى لديكم كلام عبدالله المسعودي رحمه الله يكفيكم عند ماقال بيت الله يضللكم ضلاله

تـحــيـاتي

منقول من أحد المواضيع القديمة .

رد: محمد المسعودي والمقالب التي يمررها على رشيد الزلامي " محاورة نارية نارية "
 

تحليل عميق أخوي مطرفي الدلم

بارك الله فيك

بالنسبة للترحيب أعتقد إن الزلامي أخذ حذره نوعا ما فهو لم يوجه رده للمسعودي صراحة، يعني شك في الترحيبة

وأنا أشوف إن الترحيب لازم يكون صافي، ممكن يصحبه فخر أو تحدي ولكن نفي للترحيب !

ولكني أتوقف كثيرا عند الشطر الثاني

قالها شاعر هذيل اللي طراله ما طراله

هناك طريقة واحدة فقط للربط بين شطري البيت !

رد: محمد المسعودي والمقالب التي يمررها على رشيد الزلامي " محاورة نارية نارية "
 

أولاً : أشكرك على تفاعلك مع الموضوع

ثانياً : من الواضح أن البيت مرر على رشيد الزلامي والدليل أن قال كلمة ( البقا ) وهذا دليل كافي على تمرير البيت عليه ومن المستحيل أن الزلامي كان يعرف المعنى ويترك البيت يمشي في طريقة لكنه من الواضح أنه شك بالبيت وقال ( قالها شاعر هذيل اللي طراله ماطراله ) ومن المستحيل أنه لو كان يعرف البيت لن يقول ( البقا ) .

تحياتي .

رد: محمد المسعودي والمقالب التي يمررها على رشيد الزلامي " محاورة نارية نارية "
 

أعتقد طالما أن المسعودي قال مرحبا لازم يسمع البقا

لكن كيف يتم توظيفها؟ هنا المهارة التي أتركها لأهلها فما أنا سوى متذوق

ومنكم نستفيد وأنا أخوك

تحياتي الصادقة

رد: محمد المسعودي والمقالب التي يمررها على رشيد الزلامي " محاورة نارية نارية "
 

ولو ان الموضوع قديم وموجود مسبقا

الا انني ارى انها لم تفت على الزلامي

الترحيب المحدد من المسعودي قابله بيت جميل للزلامي

البقا يا شاعرن عبر لسانه عن ضميره ( هنا مربط الفرس حسب ما أراه )

تم توجيه العتاب الى المسعودي مباشرة ولا يضر الزلامي ان قال ( البقا )


هذا ما أراه شخصيا وتبقى وجهة نظر


شكرا اخوي

رد: محمد المسعودي والمقالب التي يمررها على رشيد الزلامي " محاورة نارية نارية "
 

مشكووووووور يامطرفي الدلم

والله بكل الحالات محمد المسعودي مبدع

الله يوفقه ويعينه وكل شعراء هذيل

رد: محمد المسعودي والمقالب التي يمررها على رشيد الزلامي " محاورة نارية نارية "
 

طبعا نقاشي فقط حول هذا البيت و لا شك أن محمد المسعودي شاعر كبير ومبدع ومن شعراء هذيل المعدودين ومحاوراته قوية جدا

رد: محمد المسعودي والمقالب التي يمررها على رشيد الزلامي " محاورة نارية نارية "
 

أنا حتى الآن لم أقتنع والدليل أنه يكفي الشطر الأول

البقا ياشاعر عبر لسانه عن ضميره ** قالها شاعر هذيل اللي طراله ماطراله

أعتقد أن الشطر الأول يكفي ويثبت لمحمد أن الزلامي لم يمرر البيت ولا يوجد داعي للشطر الثاني قالها شاعر هذيل اللي طراله ماطراله فكلمت ياشاعر عبر لسانه عن ضميره تكفي لكن من وجهة نظري والله أعلم والشعراء أنفسهم أن البيت مرر على الزلامي .

تحياتي .

رد: محمد المسعودي والمقالب التي يمررها على رشيد الزلامي " محاورة نارية نارية "
 

محمد المسعودي شاعر كبير ومبدع ومحاوراته قوية جدا

والزلامي داهية شعر والبيت ما مر عليه

دليلها :البقا ياشاعر عبر لسانه عن ضميره ** قالها شاعر هذيل اللي طراله ماطراله


حنا اهل الشعر ونعرف البيت الصاحي من المجنون


والله يعطيك العافية اخوي مطرفي الدلم

رد: محمد المسعودي والمقالب التي يمررها على رشيد الزلامي " محاورة نارية نارية "
 

اوفقك الراي اخوي مطرفي الدلم البيت مر على الزلامي ولاكن انتبه بالتالي السوال الذي يطرح نفسه اين الشاعر محمد المسعودي عن الاعلام مطرفي الدلم الف شكر لك

رد: محمد المسعودي والمقالب التي يمررها على رشيد الزلامي " محاورة نارية نارية "
 

وجهة نظرك ونحترمها وترى الجميع من أهل الشعر يعرف البيت الصاحي من المجنون وكل واحد منهم له وجهة نظر ماهي محصورة علي اللي في راسك طال عمرك .

تحياتي .

رد: محمد المسعودي والمقالب التي يمررها على رشيد الزلامي " محاورة نارية نارية "
 

الزلامي شاعر كبير ولا يمكن أن يأتي ببيت ركيك لكن هذه المره من وجهة نظري لم يفلح في البيت حيث أن الشطر الأول يكفي ويثبت لمحمد أن الزلامي فهم المعنى ولايوجد داعي للشطر الثاني ( قالها شاعر هذيل اللي طراله ماطراله ) حيث اللي طرى لشاعر هذيل هو اللي عبر به من لسانه عن ضميره .

تحياتي .

رد: محمد المسعودي والمقالب التي يمررها على رشيد الزلامي " محاورة نارية نارية "
 

أنا أقول البيت ما مر على الزلامي ولا فيه شي

لكن يمكن لك أهداف بتمجيد شاعر على حساب شاعر

ترا الناس عندها درايه بتفسيرات الشعر وربما يكون هناك معاني مخفيه

لا يعرفها إلا المتواجدين من شعراء المحاوره

ياهذيل انتم طلبتونا عسى فالامر خيره
\(العتيبي ينطح الهذلان لو واحد لحــــــاله )

كان ماعندك خشير ولا شويرٍ تستشيره
\المراجل ماوصلها كل من نصب عقاله

رد لا يمت للجزاله ولا قوة المجراه ولا يقوله شاعر

يستطيع مجارة شاعر كبير

وأتمنى تأخذها بصدر رحب ولا تدخل القبيليه في ميولك الشعري

رد: محمد المسعودي والمقالب التي يمررها على رشيد الزلامي " محاورة نارية نارية "
 

أولاً حياك الله يانايف

ثانياُ أنا متقبلها بصدر رحب وهذي وجهة نظرك وأحترمها ووجهة نظرك أن البيت لم يمر على الزلامي وأحترمها لكن تقول أنك تمجد شاعر على حساب شاعر فنظريتك هذي خطأ ومحمد المسعودي شاعر هذيل ومن أشرس الشعراء ولاهو بحاجة تمجيد أو شهادة من شاعر فأبياته تثبت لك ذلك وللجميع .

ثالثاً استشهادك ببيت للزلامي وهذا يدل مع احترامي لك أنك لاتفهم بالشعر أو أنك أخذت البيت على عجالة من التحمس الزايد لاحظ البيت
فيه تناقض واضح جداً وهذا بيت ركيك من شاعر كبير!!!! يقول

" ياهذيل أنتم طلبتونا ...
ويقول العتيبي ينطح الهذلان

فهذا بيت متناقض ورد محمد كان ردا قوي جداً وأربك الزلامي من أول بيت من محمد في الترحيب

رابعاً قولك أن رد محمد على البيت لم يكن بقوة الجزالة ولامجال للنظر في مجاراته للزلامي ففي مجمل حديثك تقول أن المعاني لايفهمها إلا القلة واحتمال الشاعرين فقط وهذا ينطبق على كلامك أحتمال أن تفسيرك لبيت محمد خطاً لأنه يعتمد على المعنى ليس على تركيبة البيت !!؟؟ .

أتمنى أن تتقبلها بصدر رحب .

تحياتي .

رد: محمد المسعودي والمقالب التي يمررها على رشيد الزلامي " محاورة نارية نارية "
 

اولا محمد المسعودي ما يحكم على شاعريته انت يا نايف

ومحمد ماهو محتاج لمجد رشيد الزلامي ولاغيره


الرد وافي وشامل بس المشكله ما انت فاهم المعنى

ومحمد المسعودي يبقى شاعر عملاق يحسب له رشيد وغيره الف حساب