ملفــات الســواد
 

[poem=font="Simplified Arabic,4,#000000,bold,normal" bkcolor="" bkimage="" border="none,1," type=1 line=1 align=center use=sp num="0,"]


المحبره بندق وحرفي نار والحبر الزناد = والفكره المهره وانا يا سامعي خيالها
ماني بمترجل عن الصهوه ليا اشدت الطراد = مدام لي راس ليا راد السمينه نالها
البارحه الهاجوس سدره وأسود الواقع جراد = أسوق وجمال القوافي ماعصت جمالها
اهدم من افكاري بلد وابني من افكاري بلاد = ميزت في الدنيا وعفت دقاقها واجلالها
ما صادفت عيني بياض إلا ملفات السواد = والناس في غابه وتسعى خلف سو أعمالها
خاطبت روحي ليه أشيل السيف والعالم رقاد = مليت اجاهد ما انتصرت وحالتي يرثى لها
النار تاكلني وناري نار ما تصبح رماد = تكتب نهاياتي وضحكة شفتي تغتالها
و الكلمه اللي قالها الصداق وأعلنها جهاد = سوات شلفا الغدر ترجع في نحر من قالها
يا كاتب التاريخ سجل غلطتي كبوة جواد = اني تتبعت الذنوب خفافها وثقالها
وشوله أحيا في ليال الياس وثياب الحداد = بدخل متاهات الغزل , ويحلها حلالها
يا ام العيون الناعسات اللي عليها الحس جاد = من حسنها يفتنك لا منها نصتك ظلالها
فيها من السوده شبه هتان يتلاه البراد = تسمو وهيبتها فهيبة غيمها وجبالها
تفتن عجوز كهل شاب الوقت في عينه وباد = لا شافها قام يتغزل في ذهب سلسالها
أهدتني العلقم ويامحلاه في كوب السهاد = طعم العسل مدام تسكن في الضلوع لحالها
ماهو مهم اشهر حروفي فوق هامات السواد = بس المهم إني كسبت فهالحياه وصالها[/poem]

رد: ملفــات الســواد
 

صح لسانك الي رضاك
قصيده من ذهب


البارحه الهاجوس سدره وأسود الواقع جراد
أسوق وجمال القوافي ماعصت جمالها

رد: ملفــات الســواد
 

السلام عليكم ورحمة الله وبركاته

شاعرنا الغالي عبدالله

كم هو جميل هذا التواصل

وكم هو اجمل هذا التميز

كما عهدناك سابقا فأنت شاعر تستحق المتابعه

وما هذه القصيده الا دليل على شاعريتك الراقيه

صح لسانك مليون ولا تحرمنا هذا التواصل الرائع

رد: ملفــات الســواد
 

صح السانك وعلا شآآآآآآآآآآآنكـ ولا هنت يبن العم

رد: ملفــات الســواد
 

رد: ملفــات الســواد
 

السلام عليكم ورحمة الله وبركاته

الصدق أخوي الشاعر عبد الله شهادتي في شعره وتميزه مجروحة ومتابع جدا لما يكتب في مجالس هذيل وإن كان مقل وهنا عتب .
صح لسانك مليون ولاهنت أخوي عبد الله ..

بس عندي نقطتين تقبلها من أخوك :
الأول اعتقد خطأ إملائي فقط في قولك :
ماني بمترجل عن الصهوة لياشدت الطراد ..
والواضح أن تعني ليا اشتد ..

والنقطة الأخرى في توظيف المعنى ..
في قولك :
سوات شلفا الغدر ترجع في نحر من (قالها) .

وأنت شاعر كبير ونتعلم منك طال عمرك ..مجرد متذوق .
ولا القصيدة جزلة ومن راس جزل ....بيض الله وجهك .

صح لسان ..
وننتظر جديدك .

رد: ملفــات الســواد
 

إبداع ورشاقة حرف

صح فكرك يا عبدالله


رغم أنك تحاول أن تهرب من الهم النبيل

وشوله أحيا في ليال الياس وثياب الحداد = بدخل متاهات الغزل , ويحلها حلالها

إلا أني أقرأه حتى في تغزلك

قصيدة تقرأ أكثر من قراءة

لله درك

رد: ملفــات الســواد
 

دائما قصائد راااااااااااااااائعة

صح لسانك

رد: ملفــات الســواد
 

وافيه من راس وافي وبيض الله وجهك

رد: ملفــات الســواد
 

عبدالله عوض الهذلي

راااااائع


مبدع

اتمنى ان نراك قريباً وننهل من معين ابداعك

رد: ملفــات الســواد
 

قصيده رائعه

صح لسانك

ياعبد الله

رد: ملفــات الســواد