جيل طفشان
 

ارجو من الجميع نقدها بكل صراحه لأنها لأنسان عزيز ويبغى يشوف وش لها وش عليها



جيل طفشان


[poem=font="Arial,5,#ffffff,bold,normal" bkcolor="" bkimage="backgrounds/22.gif" border="double,1,#ffffff" type=1 line=0 align=center use=ex num="0,"]
سرابي هاجسي المنصاب وجرحه غار في الوجدان=يكابد في مصير ابهـم مـن الأحـوال يتوجـع
يدور للأمل نقطه في قيـضٍ اسقـم الضميـان=على معكازه يتعكـز وعينـه عافـت المهجـع
نظرني بنظره ما ترحم وقلـي احفـظ القيفـان=امانـه لا تشحبهـا وخلـي نورهـا يسـطـع
مصيبـه لا بـلاك الله بجيـل دايمـا طفشـان=ورى الموضه ورى التقليد في الأسواق يتسكع
يلاطم في عجاج الزيف تايـه ماحجبـه اعنـان=يبا سعده في كل الوقت وهمـه بس يتمتـع
على كيفه يحسبها ولا همـه مـن الخسـران=ولو ضاعت مبادينا عليها العين مـا تدمـع
اذا ناديت ما يسمـع ولامنه سمع تعبـان=واذا ارسلته ما يرجـع واذا اكلتـه مـا يشبـع
تعلـم فيـه متبلـم كمـا بنـدق بـلا نيشـان=مراميها تجـي هفـوه نتيجـة جيـل متسـرع
مهو لسيف ولا للضيف ولاهو ضد للأزمان=في تالي القوم كالمجذوم لا يضرب ولا يفرع
واذا تنصحه ينظرلك بنظـره كلهـا حقـران=يقلك انت ويش ادراك يومـك جـاي تتلكـع
تريح مانبا نصحك ولا نحتاج للنصحان=نعرف اللي لنا واللي علينا وانته اتـودع
حسافه ياشباب الغـد وش بقـيتوا للنسـوان=خذيتوا الطوق والبكلـه ولبـس كلـه مشغلـع
وهرج كله اميوعه ولايتثمن بأثمـان=بقوة عيـن يصرفهـا وشيطانـه لـه يشجـع
وبعتوا هيبة الرجـال وسرنـا طعـم للعـدوان=نسايرهـم علـى كيفـم بحجـة إنا نتطـلـع
اشوف الوضع متأزم غدا صلبـه كمـا الكثـان=وشلي ما جرى يجري وشلـي باقـي يتفـرع
متى تصحوا من الغفله متى نمشى على العنوان=متى تبقا لنا هيبه متى شمـس الصبـر تطلـع
وحن من خيار الناس ثورتنـا كمـا البركـان=ليـا هبت لهايبهـا صقيل اسيوفنا يلـمـع
اناشد كل حرٍ وأسئله بالواحد الرحمـان=عن الغفله وحب الـذات وثـوب كلـه مرقـع
نبا نطرد غثا الماضي ونلقى عـلاج للوجعـان=ولا تغدي لحانا بالردى والذل تتجدع[/poem]

رد: جيل طفشان
 

السلام عليكم ورحمة الله وبركاته


قصيدة ذات موضوع اجتماعي حساس ومهم اهنيك على فكرتها وصح لسانك



اما بالنسبة للنقد فليس هناك الا قليل من الملاحظات اتمنى ان تتلقاها بصدر رحب من اخ لك:



بالنسبة للعنان هل هو يحجب ام يقود؟



ماوجه التشبيه؟

!!



المتبلم هو الذي لايتكلم


البندق اللي لا نيشان: لا اعتقد انها تتبلم فلاعلاقة للنيشان بان البندق تتبلم ولا تثور.


اكتفي واترك المجال للاخوان


واتمنى المعذرة اخي


تحياتي

رد: جيل طفشان
 

على عيني وراسي وكما اسلفت بأن القصيده لعزيز على قلبي وليست لي
اما بالنسبة للملاحظات فهي في عين الأعتبار

شاكر مروروك واطرائك الجميل

رد: جيل طفشان
 

صح السانك ولا هنت لا انت ولا قايلها يا حجاج
---------------------------------
اما المتبلم ما يتعلم = البندق اللي بدون نيشان تلاطم ماتصيب النوز
-------
تدله الدرب ولا يسلكه والمقصود به انه عيه ما يستفاد منه حتى لو وجهته

التشبيه في نظري حسب المعنى صحيح .

===========================================

العنان عنان الخيل وهو الرسن واللذي توجه به الخيل وهو الليذي يحجبها

(والحجب المقصود به المنع )

عن ان تضل الطريق او ان تدخل بستان او ترعى وخيالها ممتطيها

انا اشوفها حسب المعنى صحيحه والله اعلم

( هذا رأيي وليس معاكسة لرأي أخي فواز الهذلي )

ولو تساوت العقول لبارت السلع

وتقبل إحترامي وتقديري

رد: جيل طفشان
 

سبقتني اخي ابو جنوب لأني كنت في نهاية الموضوع ابعلق على اخي الفاضل على ما ابدا من راي حيال الملاحظه

لكن جيت انته على المطلوب وكان ودي الأخوه الأخرين يعلقون لأن الواحد ماهو كامل لا بد من وجود اشياء اخرى

لك خالص الود والأحترام

رد: جيل طفشان
 

السلام عليكم ورحمة الله وبركاته

القصيدة في مجملها فها بعض الكسور في الابيات فلو تلاحظ ان بعض الابيات لابد من التوقف اكثر من مره ليسنى للقارئ قراة البيت.

شاعرها لو قالها لن تلاحظ هذه الكسور لاانه يدغم الكلام في بعض فلاتلاحظ ولكن تتجلى فالكتابه .

بالنبة لكلام فواز ..عن الحجب فااللجام..من وجهة نظري صحيح...اللجام لا يحجب ولو أولت الكلمة ...ولكنه أسم للقياده والتوجيه.

المعذره أنا أول مرة أطلع على القصيدة اخي الحجاج وبما أنها منقوله اسمحلي أنقلها قســم المنقولات وصح لســان شاعرها ولاهنت على النقل

وتحية طيبة

رد: جيل طفشان
 

اخي عماد

السلام عليكم ورحمة الله وبركاته

لابد ان توضح الكسور لأنها اعطيت للنقد ليس للعرض بل اريد ان اعرف كي ابلغ صاحبها بما هو لها وما هو عليها
فنحن هنا لكي نتعلم من بعضنا قد ترى اخي مالا نراه نحن

ختاماً ارجو منك التوضيح مفصل

لك خالص الأحترام

اخوك

الحجاج

رد: جيل طفشان
 

السلام عليكم ورحمة الله وبركاته

ولايهمك اخي الحجاج ....وبسم الله مرة أخرى:

يقول الشاعر..سرابي هاجسي المنصاب وجرحه غار في الوجدان وهنا كلمة المنصاب وجرحه..كسر فالبيت .. وأذا تريد التأكد حاول أن تقرأ البيت بدون توقف عند كلمة المنصــاب

ويقول الشـاعر...يبـا سـعـده فــي كــل الـوقـت وهـمـه بــس يتمـتـع وهنا الواو زائــده.

ومثل هالواو كثير زائده في النص لو تلاحظ وهي ليست كسور بالمعنى ولكنها ثقل فالبيت وتحسب على الشاعر ....

وأنا أعتذر عن قولي كســور ولكنها عيوب بسيطه وكلنا نخطي وأنا أول المخطئين.

تحية طيبة