::{ مجالس قبيلة هذيل }:: موقع يهتم بتراث القبيلة ومفاخرها

البارحة شفته في الحلم يختال.... .. لكن حقيقة ما تحققت طيفه
جلس يسولف ويسأل عن الحال.............. وبدا يخاطبني بلهجة عنيفة
سال:سعودي؟ قلت يا نعم الإقبال... ......جهم وحلاها بضحكة خفيفة
قال انتم الأقوال من دون الأفعال........ مثل الجبان اللي محليه سيـفـه
كنتم بدو ما بين حل وترحال................. واليوم تمنون كلِ وزيفه
أحلامكم ما بين بيجر جوال................. وفيلا وسارة بليا كليــفــه
هم السعودية مثل هم بسكال............ دايم تفكر كيف تبقى نحيفة
تتابع الموظة على كل الأشكال............ وان جد فيها شي لازم تضيفه
وهم السعودي بشت وشماغ وعقال........... والصيف مايحلا بليا جنيفه
صبغة شعر قصة وبالحلق سلسال............ في ذمتــك ماهي حياة سخيفة
وقلت حلم منك يا طيب الفال............... ترى كلام العقل ينقص نصيفه
انا سعودي لكن الحق بنقال....................كانت ولا زالت جيوبي نظيفة
ماهمني منصب ولا همني مال.......... همي ألاقي بين همي وظيفة
دار الزمان وغير الحال بأحوال00 ........... ولا ربيع الوقت واقبل خريفه
خريج قسم الكيمياء صار فوال.......... ومستقبل التعليم حاجة مخيــفــة
ميه بها تشري الذي كان بريال.......... وشلون نبغى الناس تبقى عفيفه
بيت وزوجه لاولو جاله اعيال................ كيف العمل ليته يحصل رغيفه
المسألة ياخوك مستقبل أجيال............. خل الذي ولى يولي بكيفــه
أقفا وانا مقهور من كثر ما قال....... وحسيته أشعلني بغبن الحسيفـــه