|
التوقيت
ياسلام الله بقاف ٍ على بالي خطر
وأعرف الطيّب بطيبه ويُعرف من وفاه قلت أسيّر بعد مامرت أيام الهجر جعل ربي يكتب الخير لاجات الوفاه والهجوس امثمّنة وأمر ربي لا صدر صاير ٍ ماهمه إبليس ضيقه من رضاه الفرح تل ّ الطواريق من عقب الصبر والسحاب أمطر على الوادي وجاوز مداه والعباد الغافلة من بعد خمسة عشر الوجل فجموعها والذكي قسمه ذكاه يوم من شب ّ الفتايل قبل وقت الخطر مازبن ياكود فالقِدْر !! مدري وش بلاه سالفة تُكتب وتُروى ولو طال العمر ... والله إنا مانلومه ولا نطعن قفاه الصفوف فوقتها مالقت عنا مفر ّ والبليد أقفى وفرْده توارى في ثراه ماوقف غير الصناديد وسيوف النصر ربعيَ اللي تنهيَ الخصم وتضد العُصاه لاعدتْ وقت الشدايد كما الموت الحمر ينطق التاريخ وتحاورك كل ّ الرواه مار ياقوم السوالف عليكم بالحذر كل ّ شاعر لو يغني فلا يطرب غناه النشامى ماتقصّر وكل ٍ بالوتر كل ّ نشمي شال قافه وسيّر فإتجاه والعنيد ... يعيد ماضيه ماجاب العذر الطموح يحفّزه والحذر يقطع رجاه شوري َ إنه لايهوجس ليا طال السهر لين يبدي بالجدايد ويدري عن سراه دام حدّه حول شِعْب ٍ يغطّيه الشجر مع علوم ٍ تطربه مع رياجيل ٍ كماه العلوم اللي وصفها وتهديه الدرر مالها عندي مكانة وكل ٍ له هواه جعل ربي يصلح الحال لا تصبر شهر لاتسوّي مثل من ضيّع ادروبه وتاه لاتمد ّ الكف وابعد كما بعد الدهر صاحبك لو جبت تمرة حذف منها النواه لامشى يحرص على الرِجْل من كل ّ الحُفر يقطع الظَلْما وربي عن العثرة حماه مشتري طيب المسافير لاتنسى الخبر والوفي مضمون يسري وبهديه العصاه العصا مرخص ثمنها ولاجاني كدر والشجيع أغلى من المال والغالي فداه كل ّ مخلوق ٍ بفكره وكل ٍ له قدَر والله اللي يعلم الغيب وحده لاسواه والحكي مقدور والشوك في وسط النحر وانشد التوقيت ؟ من مبتداه لمنتهاه الشعر ماهو سواليف والدنيا عبر والعمر فاني ويبقى الشعر طول الحياه .................................................. ... .................................................. .... |
رد: التوقيت
السلام عليكم ورحمة الله وبركاته
حياك الله أخوي حسام .. والعنيد ... يعيد ماضيه ماجاب العذر الطموح يحفّزه والحذر يقطع رجاه شوري َ إنه لايهوجس ليا طال السهر لن يبدي بالجدايد ويدري عن سراه دام حدّه حول شِعْب ٍ يغطّيه الشجر مع علوم ٍ تطربه مع رياجيل ٍ كماه قصيدة قوية المعنى ....لم تخلوا من الحكمة .. الشعر ماهو سواليف والدنيا عبر والعمر فاني ويبقى الشعر طول الحياه صدقت الشعر ماهو بسواليف والحق ان ماهو بكل الشعر اللي يبقى طول الحياة ... شعرك جزل اخوي حسام .. صح لسانك . |
رد: التوقيت
قصيدة جزلة يا حسآم واطلالة قوية
الابيات تحمل اكثر من صورة متقنة لكني اختلف معك قليلا فالشعر أكبر سالفة واكثر الشعراء يقولون ما لا يفعلون نتمنى ان تستمرا معنا في المنتدى ولا تحرمنا هذه الروائع |
رد: التوقيت
بارك الله فيك على هذه الجزلة،
وفقك الله وسدد على طريق الخير خطاك. |
رد: التوقيت
بــــآركـ الله فيــكـ
وصـــح لســــــــــآنـكـ |
رد: التوقيت
نص اكثر من رائع
يعطيك العافيه |
رد: التوقيت
السلام عليكم
يعطيك العافيه ياخوي حسام علي القصيده الرايعة اقتباس:
|
رد: التوقيت
السلام عليكم ورحمة الله وبركاته
حياك الله ياحســام نورتنا بهذه الجــزله صح لســانك عليها وأسم من خلال أول مشاركة أجبرنا ننتظر ما سيقدم من جديد وبالنسبة لتعديل الكلمة وصلت رسالتك والحمد لله ..استاذنا الفارس ماقصر. تحية طيبة وصح لســانك |
رد: التوقيت
مشعل بارك الله فيك و ليس كل الشعر يبقى طول الحياه .
أبو المثلم إن شاء الله دايم معكم وأختلف معك فيما قلته . الفارس وفقك الله وسدد على طريق الخير خطاك . سهم هذيل بارك الله فيك وصح بدنك . بن عادي بارك الله فيك . عماد العبيدي شكرا ً لتجاوبك والقادم أروع إن شاء الله . |
رد: التوقيت
وعليكم السلام ورحمة الله وبركاته
أخي قرناس بارك الله فيك وماتوفيقي إلا بالله العلي العظيم عليه توكلت وإليه أنيب وعلى الله فليتوكل المتوكلون ومالنصر إلا من عند الله العزيز الحكيم والله ولي المؤمنين . |
| الساعة الآن 10:03 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل