الدار خالي.. لـ عواض العصيمي
 

[poem=font="Arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]

جسّ نبض الباب قبل الطرقتين ، وجسّ لوحه = قال : يا كثر اليدين اللي تقول الدار خالي

ما صحى في الباب بعد الطرقتين إلا الملوحة = والغبار اللي على الدرفة حثى وجه الليالي

صاح : يا أهل الدار ، واشعل في الفراغ الشرس بوحه = وانمحى في دمعتين وحسّ شي مـن التعالي

في يدينه كان مفتاح الغياب يشد روحه = للغبار ، وخندق الجدران حول الباب عالي

قال : غاب الدار مدري غاب عني في وضوحه = هو أنا اللي جيت صوب الدار والا الدار جالي

والغبار اللي على المدخل تقضّب فـي جروحه = ما لفيت الا على ريح تذره فـي سؤالي

اسمع ايامٍ تردد مـن ورا الباب السموحة = ما نعرفك ، من تكون ؟ وليش ثاير وانفعالي ؟

كم ذبل في الروح نجم وضاقت النفـس الطموحة = والحياة اللي طوتك هناك صلفة مـا تبالي

وانمحت فيك الدروب وصارت الخطوة شحوحة = وجيت لا حادي ولا خيـّال مظهرك ارتجالي

هز راسه في برود وصمت واوغل في نزوحه = قال يلقى الـدار بعـد الطرقتين احدٍ بدالي

كان وجه الباب راكد مـا عليه الا الملوحة = والغبار اللي على الدرفة يقـول الـدار خالي[/poem]

عواض العصيمي

رد: الدار خالي.. لـ عواض العصيمي
 

رد: الدار خالي.. لـ عواض العصيمي
 

الأروع حضورك البهي يا أستاذ

الله لا يهينك

عواض قامة نقدية وله الكثير من الشعر الجميل

،

وين خالد العصيمي عشان يعرف انا لسنا عنصريين ههههه

رد: الدار خالي.. لـ عواض العصيمي
 

لاشك أن اختياراتك أبا المثلم في منتهى الروعة هذا رأيّ القديم؛ الحديث في ذائقتك الملهمة، وفي هذه المقطوعة الشعرية استمتعت برهافة الإحساس ، والشاعرية الطاغية والعذوبة والجزالة مع لطافة التصاوير والتشبيهات.
جزاك الله خيرا، ولا فض فوه الشاعر.

رد: الدار خالي.. لـ عواض العصيمي
 

كــان وجـــه الـبــاب راكـــد مـــا عـلـيـه الا المـلـوحـة
والغـبـار الـلـي عـلــى الـدرفــة يـقــول الـــدار خـالــي


كــان وجـــه الـبــاب راكـــد مـــا عـلـيـه الا المـلـوحـة
والغـبـار الـلـي عـلــى الـدرفــة يـقــول الـــدار خـالــي


كــان وجـــه الـبــاب راكـــد مـــا عـلـيـه الا المـلـوحـة
والغـبـار الـلـي عـلــى الـدرفــة يـقــول الـــدار خـالــي


سلمت يمين الكاتب والناقل

رد: الدار خالي.. لـ عواض العصيمي
 

ابو الملثم

مواضيعك دايما مميزه

يعيطك العافيه

علي هذا النقل الجميل