::{ مجالس قبيلة هذيل }:: موقع يهتم بتراث القبيلة ومفاخرها

جولة الرياض (الحلقة الاولى )

ضيدان المريخي

http://www.kuwait80.com/videosth/1023.jpg

هي حضرة الشعر بأول غيبة الملهمة
أو إنها شرهة الشاعر على مايصير

ماأدري ولكن هجوس الليلة المظلمة
على رجا شمس مابين الضحى والعصير

إن ضاق صدر الكلام وملت الترجمة
مال السؤال الكبير إلا الجواب الكبير

وين أنت يافكري اللي مايطير سهمه
إلا على صيدة ماحط فيها خشير

حرفك بصدري من البارح وله همهمه
(تسـ)ـنه على جية الهاجس برجوى بشير

تغن دام المشاعر بالغنى مفعمة
وأعرف ترا مايلج السمع غير الصفير

وإن شفت دون المدى دبك يثير كتمه
ميعادك الغيمة اللي تاليتها غدير

*********************

عبدالله الظفيري

http://www.kuwait80.com/videosth/1016.jpg

اللي بقى لي مع الأيام .. وفّيته
والضيق لو ينهمر تشربْه ودياني

ماهي كبيره علي والحزن غنيته
وْلاهي غريبه إذا وقتي تحداني

الخوف -واللي تطوف الخلق في بيته
لاعشت زهرة شبابك وانت وحداني!!

كم جرح خذْته من الأحباب.. ضمّيته
وجروح قلبي زكاة لْحُـبّّ خِلاّني

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته
مقرود؟ خِلقه ،، وإذا حرمان؟ عدّاني

*********************

فيصل بن طواله

http://www.kuwait80.com/videosth/1014.jpg

التناكر بين (( خلق الله )) بدى
صار هذا تقل مايعرف هذاك..!

(( الفتن )) خلت رفاقتنا \ عِدى
(( والوجيه البيض )) تطعن في قفاك..!!

إستمع صوتي \ ولاآبيلك صدى
ذاخرٍ (( ياذيب للمرقب )) اعواك..!

بح (( صوت العقل )) من طول الندى
إلمس المحسوس \ وإستخدم ذكاك..!!

(( فرصة التغيير )) لاتذهب سُدى
قبل تبدى .. خطوتين \ إرجع وراك..

طيبتك مع (( بعض خلق الله )) ردى
لاتواضع (( وأسفل العالم )) رقاك..!!

************************

سلطان عبدالله الشمري

http://www.kuwait80.com/videosth/1021.jpg

تولم يازبون الطايلة نبي نقمع الداكوك
نبي نرقى لقمتنا وقبتنا أبدفنها

وإذا ودك أعلمك الفخر إذا هم نسوك
من عيوني وأنا القمة لجل عينك أعاينها

أنا عبده ، أنا الأسلم ، أنا سنجاره وياخوك
الدولة ترا تفخر إليا قالوا مواطنها

تنزه يا عشير الطايلة عن عاشقين الروك (Rock)
وعارضتك الأصيلة والتليدة دوم لحنها

وإذا غثك خبل قدموا ضيفه يوم جاه الكوك (Coke)
أبي بسفهتك مطحانه هروج الخبل تطحنها

ولا تستغرب دام صوير يفتخر باللوك (Look )
عوير لا طلبك أغنية لهيفاء معه غنها

وذا الخايب رفع خشمه ،خشم جده قبل مفروك
ولا تحزن لأن نيتك صفة كنايس مع مآذنها

*******************

محسن خاشم الروقي

http://www.kuwait80.com/videosth/1020.jpg

سلام يالجنة المليون
تكفون تكفون جيزوني

ولبوظبي كان بتروحون
معكم على الباص شيلوني .. ( لو مع ورقكم على الطبلون )

لمحمد الخير ودوني
أبغى محمد ولا تهونون .. ولا وصلتوه وطوني

( ملاحظة : تم إجازة هذه القصيدة !!! )

********************

سعود الحافي العتيبي

http://www.kuwait80.com/videosth/1019.jpg

وأنا وأنا ماني ناظم وقصاد
شاعر ولي تمحيص الأبيات عادة

أنحت صخر وأشحذ همم وأقدح زناد
وأحرق جمل وأدفن بقايا الرمادة

حق النحاس النار والجمر وقاد
والجوهرة للفلترة والاعادة

أخاف من شرهة عوارف ونقاد
لا جت بصيغة عقد وإلا قلادة

هذي ثلاث سنين سرداد مرداد
ومركز حياتي ماعطاني شهادة

**********************

محمد عمر الشهري

http://www.kuwait80.com/videosth/1018.jpg

فمان الجرح لا والله فمان أحزاني الكبرى
فمان أغلى ثلاث سنين مت إبها عشان أعيش

فمان الحب وأحلام القلوب البيض والخضراء
فمان الآه من كثر الزعل والشوق والتطنيش

فمان عيونك اللي مالها بين العيون أخرى
فمان غروري اللي علم الطاؤوس نفش الريش

فمان عطورك اللي تسكن أنفاسي وبالأحرى
فمان أنفاسك اللي تسكن عطوري وماأدري ليش

فمان الليل وأحضان الدفى ومصافح القمراء
فمان الباب والشباب يوم أواعدك ونطيش

*********************

سلطان حسين الدوسري

http://www.kuwait80.com/videosth/1017.jpg

مابين تطبيق السلام وبين تحديد المصير
نشعب ركايبنا و ونحداها على رد البرى

يسوقها ضرب العصا ويهجها حص الصفير
وتدبك بنا واللي على الركب يهرول مادرى

تمشي بنا والقيض يشويها مع طول المسير
وتبرك بنا في وسط سوق بين بيع ومشترى

وإليا إلتفتنا للجمل حن ورغا بعد الهدير
وحتى الصميل اللي على جنت المطيات انفرى

وحنا نحسب إنا بلغنا القصد والخير الوفير
ماندري إن الوقت وقفنا على باب الزرى

صحيح نملك مال بس احساسنا حس الفقير
واللي يواسينا صلاح الدين لا منه طرى

وصلاح مات وجاتنا الدنيا عبوس قمطرير
وحد(ن) رقد منا و الآخر مات ماذاق الكرى

نبغى الحضارة لين مركزنا طلع بعد الأخير
ولا عاد به غيره سواة اللي على الذلة ضرى

وإن كاننا مليار مسلم ما بنا صحوة ضمير
بـ أكتب نهاية أمة تعيش تحت الثرى

*********************

محمد الهجره

http://www.kuwait80.com/videosth/1013.jpg

البارحة في الحلم قابلت زيدون
زيدون ماغيره طلع في منامي

مدير مسرح شاعر الحلم مليون
اللي على المسرح يجيب الاسامي

اللي إليا أقبل تشخص لشوفه عيون
وفي إيديه ظرف شد كل الأنامي

يا مفسرين الحلم لي وش تقولون
تفسيركم نور يزيح الظلامي

وفي العلم يازيدون وأكون ممنون
وصل لأبو خالد محمد سلامي

**********************

خالد عطيه العنزي

http://www.kuwait80.com/videosth/1012.jpg

يامستوى علم عزيز كان تحت المستوى
بإن الرسول (صلى الله عليه وسلم) أمسى ثلاث أيام وبطنه خاوية

وياحامل أعلام الجنود اللي يرتبهم لواء
لا تعامل أحلام الجنود بعينك المتماويه

أبسألك يوم السيوف بـ بدر حفارة ثوى
أبسألك يا صاحي وش كان فعل معاوية

فلو أولي الضعف استحالوا أن يصبحوا أولي قوى
ما كانت بيوت الشعر من شعرها متقاوية

النفس نفس النفس ولكن فرقها بـ المحتوى
ياليت نفسي نفس مانفسي تمنى حاوية

************************

ماجد العتيبي

http://www.kuwait80.com/videosth/1011.jpg

الهم نار ماعطت للفرح دور
وأكبر ضررها فـ أوسط الصدر ويسار

كانت ولا باقي لها أية حضور
اليوم في صدري من أحداث الأقدار

كن الضلوع أغصان وهمومي طيور
ولا من هنا اللي ملله وقته وطار

ودام الزمن ماهو معي وافي شبور
ابستميت وكن ماصاير(ن) صار

مانيب من يشكي لناصر ومنصور
باعيش وآمالي بمعبودي كبار

*******************

فالح الشيباني

http://www.kuwait80.com/videosth/1010.jpg

قالي الشيباني وأبداها .. نصيحها للي يبغاها
ذكر الله فاول مبداها .. رب من طينه كونا

والقصيدة يوم أبديها .. أبغى العالم تسمع فيها
على كيفي ومسويها .. والقصيدة ماتشحنا

وأتطرق فـ القصيدة .. عن سلبيات عديدة
عسى السامع فيها تفيده .. وإن سمع القصيدة غنا

نبغى نذكر شيء(ن) سايد .. شيء(ن) سلبي وأمره (تس)ـايد
وأشوفه في العالم زايد .. والله من شره يآمنا

الزوجة غالـ(ن) مشراها .. ياويلك ياللي تبغاها
والله إن تبطي ماتلقاها .. وتاخذلك دين وتتعنى

والمشكلة من والدها .. لا جو له ناس يطرها
عيا عنهم ثم عقدها .. يحلم له بقصور تبنا

*********************

قرعان عبدالله اليامي

http://www.kuwait80.com/videosth/1009.jpg

أول كلامي ذكر رب المقادير
الله رب الكون عالم بالاسرار

أقولها ماهو كلام وتصاوير
الشعر نقد جنيه فضه ودينار

ماأقول أنا أحسن شاعر غيري كثير
وماأقول أنا الفايز على كل الأوار

لكن قصيدي عارف صفوة البير
والله شاهد والبشر وأهل الأنظار

وماني شاعر مبتدي توه صغير
وماني شاعر مبدع يضرب الطار

**********************

عبدالرحمن المهتلي

http://www.kuwait80.com/videosth/1008.jpg

لا ودع إلا لنفس ودعتها ودعت نفسي معي لكن خذتها
نفسي اللي ودعت نفسي وراحت روحت هذي وهذيك لحقتها
ودعت واستودعت سر بعيني ذايعـ(ن) من سرها مااستودعتها
جادلن حطت على خدي مياسم من دموع وكل خلق الله قرتها
لو لمحها جاهلـ(ن) مافك خطه بيتهجاء حرفه اللي كاتبتها
اسمها يصعب على لساني يجيبه والحروف من العذوبة عذبتها
وكل بنت فاتنة حسن ونعومة لا مشت معها تحس بمرجلتها
وأعجب الأشياء حياتي في ممتاي لـ كتبتني في الحياة بممستحها

*********************

حجرف العصيمي

http://www.kuwait80.com/videosth/1007.jpg

زعل مشاريه وملامه وتهديد
وشلون أبتحمل قيودك من أولك

تقسى وتهجرني من العيد للعيد
وأطفي مع غيبتك وتعود وأشعلك

وأقطفك قطف اليانع من العناقيد
وتضمى وترجع لي وأروي بلايلك

المسألة سهلة بدون أي تعقيد
خذني على كيفك وأنا يالحبيب إلك

لا صار مالك في المحبة مواعيد
سلمني إحساسك من آخرك لأولك