::{ مجالس قبيلة هذيل }:: موقع يهتم بتراث القبيلة ومفاخرها

بسم الله الرحمن الرحيم

عماد معتوق العبيدي

http://up.stop55.com/upfiles/G1X08070.jpg

العين من زود مآشافت غـدت ماتشـوف
ترخي النظر يآجميـل إليـا تصـدر جميـل
وش حيلتي فيك قلي غير صفـق الكفـوف
وأنآ أشوفـك محـآل وتمـر نخلـي قليـل
يبقى الغزل في جنابك حسب طيش الظروف
وآحساس مثلي معقّل وش يسوي العقّيـل
وصفك تعدآ الخيال ولاتفيـه الحـرووف
ودفاتري لو اصف مثلك....تفيض وتسيـل
اسأل عن الحآل وأسمع يآبديـع الوصـوف
وأرأف بحآلـي ليآجآوبت..حآلـي علـيـل
ولاتتقي سخط مثلي خـل قلبـك رؤؤف
ومدني كـان تقـدر بالمـدد يـأ أصيـل
ولـدّ فينـي ونآدينـي ومـش الحسـوف
وخذني ودور معي فيني ...جريـح وقتيـل
أنآ تحديـت فينـي مرهفـات السيـووف
جاهل تحـدا زمانـه لجـل ظـلٍ ظليـل
في وسط صدري تبارت مذريات الحتـوف
وأنآ تربيـت أبقـى رغـم أنفـي نبيـل
تعبت من زحمتـي ومهاتـرات الصـروف
وأيقنت أني بديل لشخـص مالـه بديـل
فيني غدا النحس..قوة..والأمآنـي ضعـوف
صرآع شكل من النظـرة جليـلٌ ذليـل
تعال لاتستحي طـوف المعآليـق طـووف
وشآهد بنفسك وقلي وش مـلاذ الدخيـل
انا استحي كل ما نـادو علـيّ الضيـوف
مقدر على على ضيفة الطرقي ولالي حصيل
اتعبني الدهر مدري شآب فينـي الوقـوف
ماني بضايع !! لكنـي مآعرفـت السبيـل
نبت على صدري الاجرد من الضيق خوف
يوم إن عيني هدر من دمعها صـوت سيـل
وهذا هو السر يوم ارخي النظر ياعطـوف
معاد يبقـى فصدري..غيـر حفنـة نخيـل
عاشت فبيدآء شآعر لافه الدهـر لـووف
يشـوف فعيونـه إن الليـل يتبعـه ليـل

********************

عبد الله الهذلي

http://up.stop55.com/upfiles/FIJ08057.jpg

ياوَقْـتْ... لـو طَـال العَـنـا فـيـك- مـاطَـال
مِــنْ هِمَّـتـي شَـعْــرة...ولا ارْخَـــى مُـتُـونـي
مَــــرّتْ عَــلَـــي ايَـامَــك..الــوان واشْــكَـــال
تِـقْــبِــل مـجَـاهـيـمْـي.. وتِـقْــفِــي ظُـعُــونــي
ضــاع العُـمُـر فـــي جَـرهَــد الـبِـيْـد رحَّـــال
واتْــلَــى نْــجُــوم الـلــيــل مــلَّـــتْ عـيُــونــي
تـكـتُـب خُــطَــاي رمال..تمـحِـيـنْـي رمــــال
والـرِّيْــح تـكـشِـف هـامـتـي عـــن شُـجـونــي
أمِّــد شُـوفــي .. يـرتَـجِـفْ بـاشـهَـبْ الـــلال
يـــرتَـــدّ شـــوفـــي.. واتَــلَــمَّــس جُــفُــونــي
اغـــوصْ بَاعـمـاقـي مـــن الــجَــال لـلـجَــال
يفـيـض جَـمِّــي.. وارتَـشِــفْ مـــن مُـزونــي
يـاغَـيـمَــة الأحَـــــلام.. والــجَـــدْبْ قـــتَّـــال
لجْـلِـك يَـبَـسْ عُــودي.. وذَبْـلَــت غُـصُـونـي
تـصــدَّعَــت ريـــضَـــان شُـــوقـــي ولا زال
الــعُــمْــر يـسْـتَـمــطِــر بــقــايـــا ظُــنُــونـــي
كِّـلـي عَـطَـشْ مِـلـح الـشِّـقـا بـاكْـثَـري ســـال
تـغَـيّـر احـسِـاســي.. وصــبْــري.. ولــونــي
يَـاوَيـنْ ابـلـقَـى يـــا ثَـــرى الـصَـبـر مِـنْــزال
وانَــــــوِّخْ رْكَـــابِــــي...وادَاوي طُــعُــونـــي
بــــارضٍ نــمــت عِشْب..وينـابِـيْـع..وظِـلا ل
اطــلِــقْ بِــهْــا صُـوتـي..واشــرِّعْ سـجُـونــي
تصْـدَح عصَافـيـر الفَـضَـا فــي سَـمَـا الـبَـال
وتـنـبِــت تـبـاشـيـر الـحَـيَــا وسْــــط نــونـــي
وان بــلَّــلْ اطْــرَافـــي.. تـبَــاريْــح هَــمَّـــال
فَــاحَــتْ نــواويــر الــزَهَــرْ فــــي ردُونــــي
هـنَـاك..لــك يـاقــلــب مــرقَـــبْ ومِــدْهَـــال
وهنـاك.... أشَـيّـدْ مــن فنُـونـي ...حصُـونِـي
امّــا تسَـامـى الـصُـوتْ ....بالطِّـيـبْ يخـتَـال
يــرْقَــى وحِــيــد ويــتْــرُك الــــدُّون دُونــــي
والا رجَـعْـت وصَـــارت احْـلامِــي اطْـــلال
صُوت(ن) بِدون احسَاسْ.... ظِل(ن) بِدُوني

***********************

جميل المطرفي

http://up.stop55.com/upfiles/Y9Z08072.jpg

http://www.qsedtube.com/play.php?vid=993

ماعندي القصيده كتابيه ياليت اللي يعرفها ينزلها في الموضوع

************************

عبد العزيز المالكي

http://up.stop55.com/upfiles/Stu08057.jpg

خيّل لِيْ هذا الوقـت يـا صاحبـي شـي
إن السُحب /. عصفور /. واصابعي ريـش
حتّى نبَت في دفتـري . . هالشعـر حـي
واسرفت تأويله ولا شفت بـه ./ عَيـش
جيتك تعب / . في هيئـة انسـان للفَـي
وارتاح جُهدي بيـن حائـط /. وتهميـش
سِرحان /. دخّن وأنفث الليـل يـا خَـي
جدة في حالة سُكْر /. تحكيك /. عن وَيش ؟
سِرحان /. تكفى قلت لك شف لنـا شَـي
ينفض صغار الجوع عن ضيـق هالخَيـش
طفران / . لين الهم لَـنْ مـا معـي لِـي
مخنوق كثر المعمعة /. لا تقل /. ليـش . ؟!
مَلّيت / . امُـرّ البـال فـي ذاكـرة مَـي
والقى العطش في حاوية ( فَمّ ) / درويـش
شِف هالرصيف النـيّ فـي شـارع الحـي
والعابرين اطلال /. واحيـان /. تشويـش
خلّك / . من الإحساس يـا صاحبـي بِـي
ودّي ..! أحس انّي بلا قلب / . وآطيـش
أملا فراغ الكون / . ثم / . اشعـل ايـدَيّ
عند الكتابة لا امتلَيـت / . اب/خرابيـش
يمكن أكِنّ الضيق وازفـر / . كـذا أيّ .!
ريحٍ حزينه تعـوي ابصـدر ه/. العيـش
محتـاج أقـول: إن البحـر مغتـرب زي
حلمٍ دعيته /. طفل / . واتعبنـي تطنيـش

****************************

محمد الوسمي المطيري

http://up.stop55.com/upfiles/Md008057.jpg

اليوم هذا حزن , وشعور فرقـا , وكبـت
دورت للشعـر شــي يـردنـي مالقـيـت
كثر الفرح بالشعـر زمـان لامـن كتبـت
كثر الحـزن للشعـر هلحيـن لامـن قريـت
عرفت معنى حضوري بس من يوم غبـت
ماعـاد همـي غـلاف وصـوره ومانشيـت
خسرت ياما ولاعمـري وقفـت وحسبـت
لو بحسب اللي خسرته فالحيـاه .. اغتنيـت
صدقت هذا .. على هذا شرهـت وعتبـت
زعلت .. ماشفت احد همه رضاي .. ورضيت
في عز ماكنت محتـاج لعطـا .. ماطلبـت
وفي عز ماكنت محتاج اني آخـذ .. عطيـت
ياغربة العمـر طالـت رحلتـي ماقربـت
تعبت خُطا الذاكره مـن كثـر مانـي مشيـت
خليت حزني , وذكراي القديمه .. وجبـت
حلـمٍ نسيتـه ورى ظهـر الليالـي وجيـت
جيتك بعد ماتعبت مـن الغيـاب وهربـت
في داخلي حكـي , خايـف نبتعـد ماحكيـت
الصمت طوّل .. وانا من طول صمتي تعبت
ماعدت انا المشتعل , طار الفـراش وطفيـت
واليوم بعد التعب والحزن والصبـر تبـت
وخليت لك جرحك .. وخوفي عليك وسريـت
يمكنّي أنساك لو طال الزمـن واغتربـت
ويمكـن بتبقيـن فينـي عايشـه ماحيـيـت
أحيان : صدقك صعب تخفيه لامن كذبـت
لاقلت ناسي .. وصاح الجـرح : لا مانسيـت

**************************

عبد الله سعيد الحارثي

http://up.stop55.com/upfiles/MGk08057.jpg

بـلادي .. يابـلادي .. يابـلادي والطريـق منيـن
...................... عجـزت القـى مكـان يلـم خطواتـي ويقـرانـي
لمين ابكـي بعـد رب البريـة واشتكيـك لميـن ؟
....................... بكيت وجيه نـاس ولا بكـى واحـد علـى شانـي
بـلادي .. والطريـق اللـي حدانـي للسفـر تنيـن
...................... يبـث النـار مـن فـم المسافـة ليـن تصـلانـي
كذا ترضين ؟ اصير انسان يبكي .. ينكسـر ويليـن
.................... ليـا شفـت السنيـن تـمـر واللحـظـة تعـدانـي
منافي في منافـي والفـرج فـي صومعـة بعديـن
...................... يفـر المسبحـة ويقـبّـل المـحـراب وحـدانـي
بلادي .. ماعرفتيني ؟ وانا اللي جلت صـدرك ليـن
.................... مليت الخبت مـن دمـع الرحيـل وغيمـة احزانـي
هنا في ربعـك الخالـي مكبّـل مـن ثـلاث سنيـن
................... هنـا ..والبـرد يجلـد عبرتـي ويشـل وجـدانـي
من ايام " ايدمة " لـ" الخن " لاول جرح في " يبرين "
................... وانا اهـذي بالطـروق المبكيـات وسـرب قيفانـي
بلادي كيف اخاف من الدما ؟ واخشى من السكيـن ؟
.................... مـدام المشكلـة بينـي وبيـن تــراب وديـانـي
ورب المصحف اني رحت اقسـم خافقـي نصفيـن
.................... عشان احيـا بنصـف وللحبايـب نصفـي الثانـي
عشان اخرج من افواه الظلال وكلمـة " المسكيـن "
.................... واطمـن خاطـر امـي واستقيـم بنظـرة اخوانـي
بلادي .. يا بلادي .. يا بلادي .. والبقيـة ويـن ؟
..................... عسـاي القـى مكـان يشتـت احزانـي ويقرانـي

**************************

عبدالله العتيبي

http://up.stop55.com/upfiles/k2708072.jpg

يانشّادة فوادي ويش أخايل والمسا مخطور
................. مداي الذكريات اللي حنايا صدري ابهجته
خلص سبر الخيال ومسرجات البال فالحنجور
................. وانا لازرفل المظهور خارجتك وخارجته
شهد لك سامع السامع وشوش دامع المبهور
................. وماتت في مهدها ذمة الحاقد وبهرجته
مثل ماقلبي المسرح ظلوعي قاعة الجمهور
................. مثل ماحرفي المحفل بكور افكاري اودجته
على بحور الخليل احمد وزنت احساسي المكسور
................. على خيل الكلام اللي على هاجوسي اسرجته
وانا ماجيب للطواش لوله والبحر مسبور
................. اجيب ابحور لولو ينتقي فيها على امزجته
اقوله هيض فالدراس ماحتجته وانا معذور
................. وابا قوله بعد ماقام نصر الشعر واحتجته
إلي مده على كف الأمل يلحق عليّ الدّور
................. تصافقبي خماسين انتظاري ماتحارجته
ثلاث اسنين ماملك رجى ياحظي المغرور
................. تغازلك الاماني والطموح يحث بارجته
تعب ياسبحتي والبال يقنب والخرز مظهور
................. تعب يابهامي اللي كل مارتاح الخرز سجته
تعب كلك تعب والخيط سجان الخرز مجبور
................. ياهاجوس ٍ لفى فالبارحه والبارحه دجته
وانا البارح ياسيف الله ذكرتك والصدور تفور
................. على مجدٍ بسطوة سيفك البتار دججته
ياسيف الله رجالك وسعوا رقعة بلاد النور
................. واناروا في دهاليز الجهل للعالم اسرجته
ياسيف الله سروا وصدوراهل حمص لجسدك اقبور
................. سرت شم البيارق تكتب التاريخ وبلجته
أبن مقرن فتح قلب اسيا الوسطى بتسع اشهور
................. ومن تستر صدح فتح الفتوح وسالت افرجته
نهر جيحون/ بيكنده / بخارى /لين غرب السور
................. سمرقند وخوارزم وبلاد السند واملجته
ومن مصر انبرى للقيروان البيرق المنصور
................. سرايا في سبيل الله تخطب الموت ودرجته
بنوا فالقيروان وسيروا لأسبانيا بابور
................. على شم الصوارى يمخرون البحر ودلجته
ابن نافع وطارق بن زياد وفعله المشهور
................. جبل طارق و قلب اسبانيا يشهد ب فالجته
صقليه/ مليله/ انقره/ تلولوز/ والبسفور
................. جنوب البندقيه داخلة ( أيجه) وخارجته
عن التاريخ بحرك يالقصيده عاجزٍ محصور
................. على ضرب المثل لا للحصر كل اسمٍ ادرجت

*************************

فهد الشهراني

http://up.stop55.com/upfiles/3IX08295.jpg

تباريحك على جمر الغضى ياقلبي المهموم
ونبضاتك دموعٍ مرسله وتهلها عيني
تعبت وتعبت عيوني معااااك ولا هتنت بالنوم
موااااويل المواجع خلها مابينك وبيني
على مهلك بصدري لا تهزه وأرض بالمقسوم
على جور العيون ألّي تنام ولا تراعيني
من أول يوم أنا وياك أنا وياااك لآخر يوم
على الدرب الطويل ألّي جهلته ياموديني
نصحتك.قلت لا تحلم ترى بعض الحلوم حلوم
نهيتك.قلت ماتسلم كسرت الشوك فيديني
سألتك.قلت ماتعلم بأن النصر للمظلوم
سجنتك.قلت تستسلم شكت منك شراييني
مدحتك.وأنت تتبسم بعيد من العتب واللوم
فهمتك.أنت ماتفهم رضيت أنك تخليني
لمحتك وأنت تترنم تغني للهوى المزعوم
سمعتك وأنت تتكلم هلا ياباقي سنيني
هلا بالطيب وأنفاس الغرام وريحة اليشموم
هلا بلّي على بعد المسافه مانسيتيني
تأثرت بكلامك خفت لا يخذل عزيز القوم
وأعيد الكره ألّي قد مضت يومك تناديني
تذكرت الشوارع والظلام وطيرها المشأوم
على ذيك الغصون اليابسه والهم كاسيني
أخذت شوي وأصبحنا كلانا والأمل معدوم
صبرنا غصب والدنيا دروس وذا يكفيني
رضيت ومامعي حيله هو الحاكم وأنا المحكوم
تشيل الحمل ياقلبي ولاكنّك تعنيني
أحبك يابحر لكن أخاف وماأطيق العوم
تكفيني سواليفك على الشاطي وتغنيني
كذا يرضيك ياقلبي أطيح وماقدرت آقوم
وأنا ماني بحي الله بشر يومك تبكيني
بكاااا حتى القلم من رحمتي مافارق الأبهوم
نزف حرفي على صدر الورق علّه يسليني
سمعت علوم ياقلبي ومنّك ماسمعت علوم
ماغير دموعك ألّي سقتها وتهلها عيني
شكيت وماشكيت إلا عليه الواحد القيوم
وغير الله ضعيف ولو عطاني مابيشفيني
إلاهي طالبك تغفر لعبدٍ ماهو بمعصوم
إلاهي طهّر القلب الضعيف ولا تخليني
___________________

القصيده الثانيه:

يا خاطري مايفيد الضيــق والحسره
والحزن قـتـّال / إلى هبت اعاصيره
لا تحسب اللي جـرالي فالهوى كسره
الغصن عايش ولو طـارت عصافيره
ياصاحبي من سوايا القـلـب لاتشره
القلب باقـــي على ذكرى مساييره
من قسـوة البرد عندي للدفـا جمره
جمره غضى تشتعـل بالهم والحيـره
احيان اشــوف الخفوق يحب مايكره
واجيب لأجله عذر ! واقبــل معاذيره
واحيان اشوف الجفا يطغى على صبره
يهز عرش الظلــوع ومالقـى ديره
يا وين قلبـــي بترحل كمّل السهره
ماراح نلقى مــن الأحزان تأشيـره

****************************

رده السفياني

http://up.stop55.com/upfiles/isc08947.jpg

إن كـان مـا هـذا الغلـط منـي عليـك يردنـي
ماردنـي حبـك ولا لـك ردنــي دمــعٍ ذرف
علقني بصمتـك علـى جفـن الجـروح وشدنـي
واكتبنـي أول مـن بغلطاتـه تباهـى وأعتـرف
عـد الغلـط مفتـاح شبـاك البيـاض وعـدنـي
مفتـاح قلبـك كلمـا قلبـك تهـيـا وانـجـرف
اشرع صباح الغـي فيـك وفيـك للغـي اهدنـي
تقدر وهذا بـرق وسمـي لـك تيمـم وانصـرف
صمتي يسـدك وانكسـار البـوح فيـك يسدنـي
يعني جمعت اقصى طرف لاوجاعنا باقصى طرف
من غيرك اجمل ؟! وانت وحدك في الشتات تودنـي
من غيرك اكمل ؟! وانت جرح وكثرة جروحي ترف
هذا الغلط ! يعنـي كثيـر مـن الظـروف تحدنـي
ليلة وصلتـك مستقيـم وداخلـي طفـل انحـرف
وان كان شح الصبـر فيـك ولا قـدرت تردنـي
قول : إنك أول من عرفني وانك اخر مـن عـرف

****************************

عايض الظفيري

http://up.stop55.com/upfiles/OIJ08320.jpg

كان الصديق وكان مضرب للامثال
يهذي كأن الله خلقه فـ قصيــده
يطرب - اذا سمّعته الشعر - بهبال
يرد قاف العجـــز وارجع واعيده
يحفــظ سِيَر عشّاق وابطال أبطال
وفكل قمرا لــه ملامح جديــدة
طاهـر وأكثر حيل من طهر الأطفال
تشعر معــــه إن الأماني سعيدة
طيّب كريــم وتسبق اقواله افعال
بالمختصر يعنـي .. " وليده وليده "
يحلم وأحلامه عريضــات وطوال
أصغرهـن انه يلمس الشمس بيده
يعني كذا ! تقدر تقــول انه ارتال
من أمنيات وصبـــر حاول يبيده
عيبه فقط ! لو أن امانيــه بريال
يسكـت لأنه عايـشٍ عـ الحديدة
كنّا نفضفض للشوارع عــن الحال
ونشعــر معاً إن الليالــي بليدة
نهيـم ونغني للاحـــزان موال
ونهدي عصافير الصباح لنشيــده
مرّه تضايق ! قلت له : كيف الاحوال
حشــرج وكسّر دمعته في وريده
يقول تدري : هالوطن صعـب ينقال
اكتبه ياخي مثـــل ماحنا نريده
انا انسرقتوما خطر لي على البـال
إن الأمانـــي في بلادي زهيدة
ضيّعت عمري ابني احلام وآمـال
وما كنت احسب اشيا بسيطة بعيدة
ما كنت احسب الشمس تحجب بغربال
ولا كنت احسب الصدق يصبح مكيدة
لوكنت راعي (...) وانسان حيـال
يمدي رصيــدي ممتلي من رصيده
شفني غديت من الوهم كلـي اسمال
أحزن ليا حــان احتفالي فـ عيده
واقف على رصيف الاحــلام بطّال
وبكره عيالـــي يارثون الحديده !

***************************

مستور الذويبي

http://up.stop55.com/upfiles/aac08648.jpg

جاذبت عذب الكـلام وقلـت مالـم يٌقـل
بعد اكشفت لي هنوف الشعر عن ساقهـا
وعن زيف الاحساس وأوهامه نهيت العقل
مادام صـارت جيـوب العالـم أخلاقهـا
وقمت انتقي من مجانيهـا وهـي تنتقـل
بيـن المحبيـن عاشقهـا ..ومشتاقهـا
من غيرها يستحق البوح بـدع ..ونقـل
في وصف يرضي غرورالناس وأذواقهـا
للّـي بخفّـة تمايلهـا شـويـة ثـقـل
من ثقل ميل الغصـون لخفّـة أوراقهـا
ماكنّهـا ألاّرهيـف السيـف بعدالصقـل
منها عيـون الحسودتضيـق باحداقهـا
لامرت بعيـن قلبـي والخطـاوي وقـل
تقـول كـن الغيـوم تحـاول عناقـهـا
أضمّهاداخـل أعمـاق وأشوفـه أقــل
مايمكن أقدمـه لاجـل أسكـن أعماقهـا
كلي فـدا لابتسامتهـا ..وسـود المقـل
أمـوت ..وتمـوت مافكـرت بفراقـهـا
قلبي على حبّها الطاهرزرعتـه حقـل ..
..ألغام دونه عـذارى تنشـف أرياقهـا
وخفّاقها لاجـل حبـي سوتـه معتقـل
واللي مكذّب يـروح يشـوف خفّاقهـا !
عن غيرها ناظري فوق الغيـوم استقـل
ماكـل غيمـه تمـر يخـيـل برّاقـهـا
من بدّل المـنّ والسلـوى بفـوم وبقـل
ياااعنـك مايعـرف الـلّـذه ولاذاقـهـا

*************************

علي الحارثي

http://up.stop55.com/upfiles/UGz08648.jpg

http://www.qsedtube.com/play.php?vid=1006

***********************

مستوره الاحمدي

في مان الله يا أرض القصيد وياسمـا الشعّـار
في مان الله يا نجمٍ حبسني الدمع عـن شوفـه
في مان الله يا حلـم بقصيـدة تلفـت الأنظـار
تمايل فوق صفحـة نـور بالتصفيـق مزفوفـه
قصيدة صدرهـا فتنة,قصيـدة عجزهـا إبهـار
قصيدة تطلق إحساسك وهي بالـوزن مكتوفـه
قصيدة يوم يعزفها الألـم وعروقـك الأوتـار
تظن أنك على مسرح ونبضك صـار معزوفـه
تدق فقلب من ناظـر خطاهـا والمفاتـن طـار
ترقص كل أطرافـه برعشـة نفـس ملهوفـه
قصيدة عقدهـا معلـن بعـز وغيرهـا مسيـار
قرينة سعـد للإبـداع عليـه بـواو معطوفـه
خطبها والمهر وده, كشف لعيونهـا الأسـرار
وسلّمها زمام الشعـر يحكـم وزنهـا حروفـه
يفز لحرفها الجالـس مـن التقديـر والإكبـار
قذاة فعين حاسدها ,وكحـل عيـون مطروفـه
في مان الله يـا ليلـة قمرهـا ألهـم السُمّـا ر
وأنا عن شرفة أحلامي بسلطة عيـب موقوفـه
في مان الله يا فرصة فقدها الراغـب المحتـار
يجامـل والثمـن حريتـه ,ويقـول مخلـوفـه
يغرد فوق غصني الشعر وان مرّ الهوى به طار
يهاب الشوك في غصـن تدلـى يتبـع قطوفـه
يمد الكف ليدين الضيا من خلف ظهـر جـدار
ويطلب فزعته فـي درب بالاخطـار محفوفـه
يمرجح في القصيدة قلب وحبال الخيال قصـار
ينادى العاشق اللي له دروب الوصل مرصوفه
نصبت العمر له خيمة في برده والمشاعر نـار
وقطع شوقي سواد الليل واقف يفـرك كفوفـه
يردد يا عسى الغايب يجي مشفـوع بالأعـذار
يحيي منتظـر وصلـه بجملـة غيـر مألوفـه

*************************

وحيدة السعوديه

انــا يــا نـاشــد عـنــي بـدويــه
على روس التلاع ارعى حلالي

تحـمـلـت الصـمـيـل بمهمـهـيـه
تقاصـر دونهـا عــزم الرجـالـي

تـنـاديـنـي تـحّـسـبـهـا خــزيّـــه
وانا اشوف البداوه راس مالي

واشــوف العـمـر لـذاتـه بـفـيـه
بهـا تركـى علـى النـار الدلالـي

ولا مــنـــا تـقـابـلـنـا عــشّــيــه
زهم عمي على الفنجـال خالـي

ونـادى فـي طويـل الحـس هيـه
نبـي نسمـع قصايـدك الجـزالـي

وجبت القاف من نفـس رضيـه
علـى بحـر الهجينـي والهـلالـي

امـد ّالـصـوت مـانـي مستحّـيـه
مـبـاح والـخـلا بالـلـيـل خـالــي

ولـي درب يـوم امـشـي خـويـه
عصاي اللي يميني عن شمالي

الامـن لاح لـي الذيـب الرعـيّـه
تناولـتـه بـهــا يـــا هـــم لالـــي

غـديـت بـحـدهـا كـنــي ّسـريــه
تـزهـب كـــل سـاعــه للقـتـالـي

قنـع سرحـان يشبـع مـن يـديّـه
وعــوّد مـقــوي يـــم الـطـوالـي

حـيــاة رغـــم شـدتـهـا رخــيــه
شربـنـا مــرار وصـــار حـالــي

بهـا عشنـا علـى طيـب الطويـه
نـردّ الهـرج فـي وقـت المقالـي

ولا نمسـي وفـي هالنفـس كيّـه
قبل نكوي بهـا راعـي الخمالـي

نـجـود ولا لـنــا بـالـجـود نـيّــه
نسـوق سمانهـا قـبـل الهـزالـي

ولا نـرجــي بـهــا رد الـعـطـيـه
سـوى نعـم كريمـيـن السبـالـي

نبـي رد الثنـا يـا هــل الحمـيـه
يـدوم وغيـره مـن المـال بـالـي

وانا ما اصير لو مـت حضريـه
ولـو حطيتنـي فـي قصـر عالـي

وانـا لــو كــان تنشـدنـي بنـيّـه
بـهـا وشــم الـبـداوه لا يـزالــي

معـي ذكـرى البـداوه دوم حيّـه
تجـددهـا عـلـى القـلـب الليـالـي

وانا لو عشـت بالحضـر بدويـه
على روس التلاع ارعى حلالي

*************************