سيرة ملوك وابطال
 

[poem=font="Traditional Arabic,5,#000000,bold,normal" bkcolor="" bkimage="backgrounds/5.gif" border="solid,5,#2e8b57" type=1 line=0 align=center use=ex num="0,"]

ماهوبعيب امدح هل العز الاحرار=واهل الوفى والمجد واهل الشهامه
نسل الزعيم الي له الطيـب تذكـار=الفارس الي مامشا بـا الملامـه
عبد العزيز محكـم الـراي واشـار=الـي بتخطيطـه وصـل لزعامـه
عبد العزيز الي ماهمه فاالاخطار=داس الخطر والله واكبر كلامه
عن واجبه ماجابله جملـت اعـذار=قدام يرجـع مهتنـا فـي منامـه
وصل الرياض الي مجود با الاسوار=ونـزل وهَدمهـا وثـق احزامـه
ثم اعتـزا شيهـان وسيـف بتـار=- على خصيمه يوم وقف امامه
وقال الرياض العاصمه هى لنـا دار=هي دارنـا دار الوفـى والكرامـه
من هيبتـه عـدوه امامـه انهـار=ولاعاد فوق الراس لبس العمامـه
ونادا بصوتاً فا المخاليـق وجهـار=وكسر اصنام الشرك واهل الضلامه
غير الشريعه صاحب الحق مختـار=اساس حكم العود وهيـه نظامـه
يدعي الى التوحيد اكبـار واصغـار=من نجد يمشي لين حول تهامه
وكبر وهلل طيـب القلـب واغـار =وقال الحرم لابـد ندخـل مقامـه
واطاف با الكعبه وصلـى والحتـار=وفرض على الي حاضرين احترامه
وجوه القبايل كلهـم جمـع وانفـار=يبايعونـه دون شـرط وغرامـه
وحد مناطقها مـن يميـن ويسـار=حتى اصبحت جميعها با استلامـه
ثم استلمها بعـده ارجـال وخيـار=سارو على نهجه وعلمه تمامه
جاها سعودالي على منهجه سار=صحيح من قال الجمل من سنامه
ثم استلمهـا فيصـل بعقلـه القـار=حكيم راي وقـرم وقـت القرامـه
تشهد الفعل الفيصلي كـل الاقطـار=للحرب حـرب وللمسالـم سلامـه
وخالد بعد فيصل على حسن ووقـار=مشى طويل البر والبحـر عامـه
في عهده المعهود جنـات وانهـار=الكل ياخذ ماشتهـا مـن طعامـه
خالد عسى خالـد الجنـات الابـرار=يـا الله يامعبـود ترحـم عظامـه
وفهد بعد خالد على عـز واشعـار=والى الوطن والشعب كل اهتمامـه
اهتم با التعليـم فـي كـل مسيـار=شرق الوطن غربه شمالاً وشامـه
والماء عذب جابه من اعماق الابحار=جابه عوض عن بير تسعين قامه
خلا الصحاري تصبح ازهور واثمار=فيها ازهور الناعمـه والخزامـه
ودار صاينها عن النـاس الاشـرار=اصبح سماء الاشرار فوقه غمامه
واليـوم عبـدالله محنـك ومغـوار=من الرضى وجهه عليه ابتسامـه
يستقبلك دايم على طيب ووقـار=عـز البـلاد وللموطـن ارحامـه
ودون العروبه والعرب يعطي انذار=شامخ سوات الطويق كله فاخامه
دايم يقول ان العرب دمها حار= ومنهو نواهم بشروه بندامه
وسلطان سلطاناً مسلط بـا الافكـار=عقله كما موجـاً قـوي التطامـه
حليـم متواضـع شديـداً اليـاثـار=يلطم خشومـاً داخلتهـا عرامـه
واختامهـا نطلبـك يانافـع اضـار=يبقـون حكامـاً ليـوم القيـامـه [/poem]

رد: سيرة ملوك وابطال
 

صح لسان شاعرنا جميل قصيده جزله من شاعر متمكن

رد: سيرة ملوك وابطال
 

صح لسانك مليون ولا يكفوووووووووووووون ياشاعرنا

الكبير جميل المطرفي الهذلي


قصيده اخذتنا بعيدا الى عالم الابداع مع المفرده الجزله وسلاسة التركيب

سجلني من متابعيك ياولد العم

لك احترامي

رد: سيرة ملوك وابطال
 

السلام عليكم ورحمة الله وبركاته

صح لسانك ياجميل وانت لك من اسمك نصيب ماتأتي إلا بالجميل.

الله يوفقك وننتظر جديدك


تحية طيبة

رد: سيرة ملوك وابطال
 

شاعر متمكن كتب وابدع
صح لسانك
والله يعطيك العافيه

رد: سيرة ملوك وابطال
 

ليس امامنا سوى متابعتك يا جميل

صح لسانك يابن العم

وفالك المليون

رد: سيرة ملوك وابطال
 

رد: سيرة ملوك وابطال
 

رد: سيرة ملوك وابطال
 

السلام عليكم ورحمة الله وبركاته

جميل ياشاعرنا جميل ..

أحسنت وصح لسانك ..
وبيض الله وجهك ..
هل المدح يستاهلون المدح مافيه شك .


لاهنت ..
جديدك ياغالي ..

رد: سيرة ملوك وابطال
 

صح لسانك يا جميل المطرفي

رد: سيرة ملوك وابطال
 

بيض الله وجهك شاعرنا الغالي
قصيده معبره
ومثال يحتذى به في الولاء

رد: سيرة ملوك وابطال
 

رد: سيرة ملوك وابطال
 

قصيدة جميله بمعانيها ومفرداتها..


لك جزيل الشكر..