عقب ماانتصف ليلي
 

[poem=font="Traditional Arabic,5,#000000,bold,normal" bkcolor="" bkimage="backgrounds/5.gif" border="double,2,#556b2f" type=1 line=0 align=center use=ex num="0,"]
عقب ماأنتصف ليلي تملّكني الهاجوس= وسافرت بالأفكار شرقي وغربيه
أفكّـر بهـذا الوقـت وآخـذ عبر ودروس= صحيح الزمن غدار والدرب ممشيه
يجي الصبح في خير ونعمه وطـيب نفوس= والآمـال معقوده والأحـلام ورديه
ويجي الليل عن صبح الهنا مختلف منكوس= تجيك المصـايب مثل رذراذ وسميه
تناقض غـريب يثبت إن الـزمن منحوس= وذي حـالة الدنيا غـروره ووهميه
حقيره ويقطـع حـدّها مثـل حـد الموس= ويـدرك خطرها نـاس أفكارهم حيه
وعـزّي لغافل عـن خبرها تدوسـه دوس= ويصـبح بشمس عقب ماكان بالفيه
وياسـامعي مـن قبل لايحصـل الكابوس= تـزوّد بطـيب الفعل عـزم وجـدّيه
وسـدّد وقـارب وإجتهد وإكسب الناموس= وباقي العلوم إسـند على عالم النيه
ولاتصـحب الجـاهل يورطـك والملحوس= وخلك مـع اللي مثل نجم سطع ضيّه
تحـذّر مـن النمـام والـخـبل والدنفوس= وخلك مثل صـقر على رجـم مبنيّه
وخـل الحسـد وأهله كـأنه حطب مقبوس= عسى الله من جوده يصيب الحسوديه
مـرض يصعب علاجه مثل حب فيه السوس= ومـن لايخـاف الله مـاحسّب السيّه
وضـيفك وجـيرانك لهم واجـب محسوس= ويدري به أهـل العرف اللي سـنافيه
وصـلّ الفروض الخمـس في فيّها وشموس= تـراها دوا للقلب ذلـحـين وشـويّه
وثـابر عليها وأطـلب الحـظ في الفردوس= وخلك خصـيم النفس والنفس مرضيّه
تـرى الجمر مايحرق سوى من عليه يدوس= وماخـاب مـن يصبر له البيض مثنيه
وصـلوا عـدد نبت خضـر راوي ويبـوس= على اللي نزل بالدين شـرعه سماويه[/poem]

رد: عقب ماانتصف ليلي
 

اللهم صل على محمد

صح لسانك يا شاعرنا

قصيده جزله ونصائح ثمينه

من شاعر كبير بحجمك

دمت مبدعا يا شاعرنا الغالي

ودام الابداع بتواجدك

رد: عقب ماانتصف ليلي
 

صح لسانك ...

قصيده جميلة..

رد: عقب ماانتصف ليلي
 

السلام عليكم ورحمة الله وبركاته

صح لسانك ياجمعــان تغيب ولكن تشبع نهم الغياب بما تأتي به.

جزلة من شاعر جزل

صح لسانك

تحية طيبة

رد: عقب ماانتصف ليلي
 

السلام عليكم ورحمةالله وبركاته

بيض الله وجهك،وصح لسانك على رذراذوسمية.

أكرمك الله ياجمعان،على ماجدت به علينامن مفطحات الشعر.

رد: عقب ماانتصف ليلي
 

صح لسانك وعلي شانك اخي جمعان راعيها يابن الرجال جزله من شاعرها

لك خالص الود والإحترام

كنت هناااااا


اخوك

الحجاج

رد: عقب ماانتصف ليلي
 

رد: عقب ماانتصف ليلي
 

رد: عقب ماانتصف ليلي
 

اللهم صل على محمد

صح لسانك والله

شاعرنا جمعان الطلحي لا يختلف غليه اثنان في الجزالة والحكمة والأبيات السلسة

لله درك

ومن العايدين

رد: عقب ماانتصف ليلي
 

صح لسانك وعلى شانك، وبيض الله وجهك على هذه القصيدة الهادفة.

رد: عقب ماانتصف ليلي
 

رد: عقب ماانتصف ليلي
 

صح لسانك .

رد: عقب ماانتصف ليلي
 

مشاء الله تبارك الله
ترابط افكار رائع وصور تشبيهيه جميله

رد: عقب ماانتصف ليلي
 

أخي الغالي هذلي والفخر لي
شرف كبير لي تواجدك هنا تسلم يالطيب
تحياتي

رد: عقب ماانتصف ليلي
 

اخي الطيب المطرفي الهذلي
سعيد بتواجدك زتعليقك الذوق وهذا من لطفك
تحياتي