خجــوله وخـــايفه
 

السلام عليكم ورحمة الله وبركاته


بكل الحب

لعيونكم جميعاً

[poem=font="Traditional Arabic,6,#800080,bold,normal" bkcolor="" bkimage="" border="none,1," type=2 line=0 align=center use=ex num="0,"]
نهار اقبلت كانت خجوله وخايفه=تلد وتصد وكن ماهيب شايفه
من النظره الأولى وانا مولعٍ بها=محبه من الأعماق ماهيب زايفه
وحاولت انسيها خجلها وخوفها=وجاذبتها اطراف الحديث وطرايفه
وسمعتها شيٍ عن الشوق والغلا =وترجمت عن قلبي شقاه وكلايفه
وكانت بداية حبنا وإجتماعنا=وعشنا مع اسرار الغرام ولطايفه
بروضٍ عذيٍّ مامشى فيه غيرنا=ربيعه ونبته مقدر أحصي وصايفه
قضينابه ايامٍ مضت ماحسبتها=ولكنها كانت بلاشك كايفه
ويوم الربيع امست تقافا معالمه=وجاته سمومٍ بأول الصيف لايفه
رجع خوفها اللي خابره في عيونها=مثل نظرة اللي موقنٍ من حتايفه
وقامت تجمّع مابقي من متاعها=وشالت على حرٍ يلاعب سفايفه
وتالي العهد يوم إستدارت وعرضت=بذاك العشي والشمس صفرا مهايفه
على البعد تومي لي بيدها مودعه=وداع الذي ماني براجي نكايفه
ولااخذت منها غير جرحي وعبرتي=وذكرى لها دايم على البال طايفه
لها حن قلبي بين الأضلاع وإنحنى=حنين العسيف اللي مفارق ولايفه
وضاقت بي الدنيا الوسيعه ولابقا=سوى قمةٍ في راس مرقاب نايفه
عسيره على اللي ماتعوّد طلوعها=بها تتعب اقدامه وتيبس شفايفه
أهيّض بعاليها خفايا مشاعري=وافيّض بها دمعٍ تسابق ذرايفه
حسايف على ما كان بيني وبينها=لو إن البنادم ماتفيده حسايفه
وانا عارف إن العمر لابد تنقضي= سنينه ويبقى ماكتب في صحايفه
وياما عذلت النفس واكثرت لومها=ولكن لاتقنع ولاهيب عايفه[/poem]

رد: خجــوله وخـــايفه
 

وعليكم السلام ورحمة الله وبركاته،
لله درك يا شاعرنا العظيم ، نقف أمام جرعة شعرية عالية التركيز ،
مترابطة النسيج ، متدفقة بالمشاعر الجياشة ،
ضمن معزوفة شيقة تتعالى وتيرة أحداثها ،
وتبلغ حبكتها الدرامية بنفثات حرّة ،
وقلب ملتهب ...
أبيات تكتب بماء الذهب.

رد: خجــوله وخـــايفه
 

يا سلاااام


ابو ناصر اطربتنا بهذه الرائعه


مبدع دوما لاهنت

رد: خجــوله وخـــايفه
 

هلا بشاعرنا العلم

عسى عمرك طويل يا ابو ناصر توك شباب

استمتعت بقراءة الدرة اعلاه

كل عام و انت بخير وتحياتي للأخوان الأعزاء

اخوك

عطا الله

رد: خجــوله وخـــايفه
 

السلام عليكم ورحمة الله وبركاته

صح لسانك يابو ناصر مبدع والله قصيدة جميلة سعدت بقراءتها ونحن هنا نتشوق لكل جديد لعبدالله الطلحي.


تحية طيبة

رد: خجــوله وخـــايفه
 

رد: خجــوله وخـــايفه
 

أقسم بالله العظيم إنني وقفت إحتراماً لهذه الرائعة
قرأتها أكثر من مرة وفي كل مرة أزداد طرباً لها
وحفظت القصيدة في سجل أفضل ماسمعت من الشعر

لله درك ياشيخ والله العظيم إنك جزل وشعرك جزل
صح لسانك وعلا شانك

رد: خجــوله وخـــايفه
 

صح لسانك

والله قصيده رائعة بكل ماتعنيه الكلمة من معنى..





تقبل مروري..

رد: خجــوله وخـــايفه
 

رائع يا ابو ناصر

صح لسانك

وتقبل تحياتي

رد: خجــوله وخـــايفه
 

الفارس حزين الطلعه

أشكرك من القلب
على روعة حضورك
مع أنك حزين الطلعة
إلا أنك تدخل البهجة والسرور مع كل حضور

لاهنت يالغالي

.

رد: خجــوله وخـــايفه
 

شكر التقدير لك اخي الكريم

رد: خجــوله وخـــايفه
 

شكراً فواز

لاهنت يالغالي

.

رد: خجــوله وخـــايفه
 

تسلم اخي عبد الله على هذه القصيده الجميله

سعدت بمرور متصفحك يالغالي

تقبل ودي واحترامي

اخوك

الحجاج

رد: خجــوله وخـــايفه
 

الشاعر عبد الله الطلحي هو استاذي الاول . كم وقفت له احتراماً

الله يذكرك بالخير يالحبيب

رد: خجــوله وخـــايفه
 

هلا وغلا ومرحبا
بالأخ الغالي والصديق العزيز
الذي نببه في الله ونشهد الله على ذلك

إشادتك شهادة طال عمرك

شكراً من القلب

.