"حنا عيال ملوك "
 

[poem=font="Arial,5,#00008b,normal,normal" bkcolor="" bkimage="" border="none,1," type=1 line=1 align=center use=ex num="0,"]
يا شعر جتني حاجة ً شخصية= ودي قصيدة تعتبر سحرية
شاعر محنك ما أحب الهزلة = هذيّ لا فالي ولا هي فية
أقضب زمام حروفي آطوعها = يا كيف ما جتني تجي علّية
تعانق أجواءالسماء أحرفها = يعجب قصيدي ذا و هذا و ذية
أنثر شعور ألتم في أحشائي = أسقي الورق في روحتي و الجية
حتى يغدي الدفتر على ما قالوا = حديقة ً و حروفها عطرية
ماهو غرور ٍ مير أنا كالتاجر= اللي يعرف السلعة الربحية
و الحب و الأشواق شي ٍ ثاني = كني على الكوكب و في البرية
رحلة سعيدة مع قصايد حبي = فيها الجنون أعقل معا السكرية
و يرقص العشاق ما سطرته = و إن جت على الصدقان و الصدقية
ما حب ّ لا ما أعشق عشق شيطاني = لو قلتم إن شعري شعر جنية
و أصدق شعر قالوا لنا هو كذبه = اللي عذِب قوله كما جاء ليه
لكن أنا شاعر تخيل نفسه = يحب ثم ٍ عاش رومنسية
و الشعر في صدري كما شي لازم = فعله سواة الحاجة الطبية
الشعر في المنفى وطن يأويني = في داخل أبياته سما الحرية
أتذكر الماضي وأعيش أجوائي = ماني بناسي الأصل و الجنسية
دفتر ..قلم ..في أحيان هم صدقاني = صدقان أخير من خبيث النية
و إن جت على لحيان برفع راسي = ربعي "عيال ملوك " ظل و فية
تسقي العدا كاس المرارة موتة =تاريخهم و أفعالهم مروية
تسقينا من كاس الفخر تروينا = أهل السيوف الحدب و الجنبية
و أهل البنادق و الرماية.. يعني = قوم الشجاعة كاسبين الهية
ربعي بني لحيان شادوا دولة = من قبل لا تجي السنة الهجرية
لو البعض ينكر شموخ أجدادي = العلم ثابت له ميَة مارية
من ينكر النجم المطل اللامع = إلا العَمَى ولا ّ معه نفسية
منا صحابة للنبي محمد= رووا حديثه في الكتب مقرية
و جاهدوا في الله لنشر الملة = في دار شرقية معا غربية
نبيشة الخير و حمل معا أبو عزة = وبن عمير أسماء تاريخية
و ابن المحبق ذاك ما هو منسي = و الكل أهل جاه ٍو أهل جاهية
و أتباعهم يا كثرهم نعرفهم = أعلام في جوف الكتب مسمية
مكران فاتحها سنان الباسل = ف بلاد فارس نيته دينية
و أهل اللغة و أهل الفصاحة و إقرا = و أهل الشعر و القاف و القافية
أبو قلابة وا بُ(و) ضب و عمرو= و المُتَنَخِّل صاحب الطائية
و أخوات عمرو هم جنوب و عمرة = هم شاعرات القالة المحمية
أشعارهم في أم الكتب مكتوبة = كل العرب تعرف لها أهمية
و اليوم حنا في نَهَجهم سرنا = هذا كلام الصدق مية مية
تاريخنا يا ناس قمة قمة = فيه الفخر كيف ٍ على كمية
يعني يا سامعني ترى اللحياني = من تحته المجموعة الشمسية
و أزيدك من الشعر بيت ٍ ثاني = فيه الفخر حاجة لنا شرعية
حنا من الهذلان قوم العزة = أهل الفخر و أمجادنا فعلية
هذيل ربعي" عسكر البارودي" = هيبة و قوة ما هي بعادية
يا كم طاغي ضيعت طغيانه = القوة اللي ما لها ضدية
و المجد لو با عدده يتعبني = هذا كلام الجد و الجدية
و العذر منكم يا عصابة راسي = يا أهل الدلال الكايفة البرية
يا أهل الصفات الطيبة المحمودة = ياهل مقامات العلا المبنية
قصيدتي تمت ولا هو يوفي=وَ لاَ بوفّي و الحروف شوية[/poem]

رد: "حنا عيال ملوك "
 

السلام عليكم ورحمة الله وبركاته

صح لسانك يالمحارب ونعم فيك وفلحيان.

تقول:الشعـر فــي المنـفـى وطــن يأويـنـي
فــي داخــل أبـيـاتـه سـمــا الـحـريـة

بيت جميل اعجبني.

ننتظر جديدك اخي المحارب

تحية طيبة

رد: "حنا عيال ملوك "
 

صح لسانك ياولد عمي قصيدة جزلة من وافي
والنعم فيك وفي قبيلتك

رد: "حنا عيال ملوك "
 

ماهي غريبه ياالمحااااااااااااااااااا ارب بيض الله وجهك ووجه ربعك وافيه من راس وافي

رد: "حنا عيال ملوك "
 

رد: "حنا عيال ملوك "
 

وعليكم السلام ورحمة الله وبركاته

صح بدنك يا عماد و ما عليكم زود

مرورك شرف

أشكرك

رد: "حنا عيال ملوك "
 

صح بدنك و ما عليك زود

مرورك شرف

أشكرك

رد: "حنا عيال ملوك "
 

وجهك أبيض يبو محالة

بعض ما عندك و الله

مرورك شرف

أشكرك

رد: "حنا عيال ملوك "
 

صـــح لسانك يالمحارب وان أشهد بإن هذه
الصفات من صفاتك يالطيب

رد: "حنا عيال ملوك "
 

ما عليك زود يالعميري

و الله يعافيك

مرورك شرف

أشكرك

رد: "حنا عيال ملوك "
 

حياك يا حكيم المجلس و صح بدنك

ما عليك زود

شهادة أعتز فيها يالطيب

مرورك شرف

أشكرك

رد: "حنا عيال ملوك "
 

صح لسانك وعلي شانك اخي المحارب قصيده تستحق الإشادة والقراءة

لك خالص الود والإحترام

اخوك

الحجاج

رد: "حنا عيال ملوك "
 

صح بدنك يالثقفي

إشادتك أعتز بها

لا هنت يالحجاج

مرورك شرف

أشكرك

رد: "حنا عيال ملوك "
 

دفتر ..قلم ..في أحيان هـم صدقانـي %%%% صـدقـان أخـيـر مــن خبـيـث النـيـة


اي والله اخير ونص


ياسلاام عليك يالمحااارب

قصيدة رائعه بروعة حضورك


ونعم في لحيان مليووون


تحياتي

رد: "حنا عيال ملوك "
 

صح لسانك يالمحااااااااااااااارب


اطلاله تليق بمحارب