عجـــــل التـــــوبه
 

اهديكم هذه المتواضعه علها ان تلقى استحسانكم


[poem=font="Arial,5,#ff0000,bold,normal" bkcolor="" bkimage="" border="none,1," type=1 line=1 align=center use=ex num="0,"]
توكلنا على اللي من لجاله صدق ماينضـام=عزيز الجاه منزل سـورة الانفـال والتوبـه
اليك الملتجـى يامنقـذ الانسـان بالاسـلام=لجالك عبدك اللي في حياته كثـرت ذنوبـه
لجالك مخلص النيه بعد ضل الطريق وهـام=وشمس الحق عن كل البشر ماهي بمحجوبه
الا ياحـي ياقيـوم يارحـمـان يـاعـلام=الا ياجابرن عظم الكسير اللي عنـا صوبـه
تلبـي للمنـادي مطلبـه وتحقـق الاحـلام=الاياكم وكـم عبـدن دعـا لبيـت مطلوبـه
تثبتنا على دينـك وتبعدنـا عـن الاوهـام=وتبعدنا بامرك عن طريق ابليـس ودروبـه
دعاك اللي عن اهروج الضعافه واللقافه شام=تنزه عن سوالف فاضيه ماهـي بمرغوبـه
والا ياسامعي حبر القلم ينزف مـن الاقـلام=على بيض الورق تبقى حروف الشعر مكتوبه
اطوعها واخلدها لكـم فـي صفحـة الايـام=واركبها على مالاق لي طوبه علـى طوبـه
حياة الآدمي رحله قصيـره والوعـد قـدام=تغانمها يابو عقل(ن)لبيب وعجـل التوبـه
وترى الدنيا لها حدن مسمى واحسب الاعوام=دنيه ياوسيـع العـرف والايـام محسوبـه
سوات الجادل اللي من غلاها تعبت الاقـدام=لعوبه من يطاوعهـا يدنـس حبهـا ثوبـه
وروحك لاتسرحها مع اللذات شـرق وشـام=توقع فأي حـزه يرسـل المعبـود مندوبـه
حروف الشعر سطرها القثامي والوعد قـدام=حقيقه من يكذبهـا تشـب النـار فجنوبـه [/poem]

رد: عجـــــل التـــــوبه
 

دعاك اللي عن اهروج الضعافه واللقافه شـام:::تنـزه عـن سوالـف فاضيـه ماهـي بمرغـوبـه


ونعم ونعم يابو ذياب كريم من كرام

حقيقة شاعريه فذه ,اهنيئك عليها ,وسأظل متابع لجديدك الله يحفظك


لك احترامي

رد: عجـــــل التـــــوبه
 

صح لسانك يابو ذياب



وروحـك لاتسرحهـا مـع اللـذات شـرق وشـام0000 تـوقـع فــأي حــزه يـرسـل المعـبـود منـدوبـه

رد: عجـــــل التـــــوبه
 

صح لسانك يابو ذياب

جزالة وحكمة

دعاك اللي عن اهروج الضعافه واللقافه شـام
تنـزه عـن سوالـف فاضيـه ماهـي بمرغـوبـه

دائما ننتظر جديدك الرائع أيها المبدع

تحياتي

رد: عجـــــل التـــــوبه
 

جزله والله

صح لسانك

اتحفنا بجديدك

رد: عجـــــل التـــــوبه
 

السلام عليكم ورحمة الله وبركاته

هدية مقبولة وغالية ..
ونعم يالقثامي ..

لاهنت وبيض الله وجهك ..
قصيدة جزلة وقوية تركيب ولفظ ومعنى ..

دعاك اللي عن اهروج الضعافه واللقافه شـام
تنـزه عـن سوالـف فاضيـه ماهـي بمرغـوبـه
والا ياسامعـي حبـر القلـم ينـزف مـن الاقـلام
على بيض الورق تبقى حروف الشعر مكتوبه

رد: عجـــــل التـــــوبه
 

صح لسانك يابو ذياب

قصيدة جزلة وبيض الله وجهك

رد: عجـــــل التـــــوبه
 

السلام عليكم ورحمة الله وبركاته

صح لسان يابو ذياب ونعم فيكم

قصيدة جزلة.

يثبت المـوضوع


تحية طيبة

رد: عجـــــل التـــــوبه
 

استوقفتني كلماتها ملياً وسرت احدق بها وانا مفعم لما لها من مناجاه رائعه اخي أبو ذياب وليس بغريب ان تخرج لنا هذه السنفونية العذبة الجزله ...

ختاماً أسئل الله عز وجل ان يتقبل منا ومنكم صالح العمل

لك خالص الود

دمت متألق

الحجاج

رد: عجـــــل التـــــوبه
 

ماعليك زود يابن قاسي
ومرورك وتواجدك شرف لي

رد: عجـــــل التـــــوبه
 

صح بدنك يافواز

رد: عجـــــل التـــــوبه
 

صح بدنك يابو المثلم
ومرورك يشرفني

رد: عجـــــل التـــــوبه
 

غريب الغربيه صح بدنك
وتواجدك يسعدني

رد: عجـــــل التـــــوبه
 

وعليكم السلام ورحمة الله وبركاته

ماعليك زود يامشعل
وحضورك يشرفني ويسعدني

رد: عجـــــل التـــــوبه
 

السلام عليكم ورحمة الله

قصيدة رائعه تعكس شخصية كاتبها وجمال روحه ............


تقبل تحياتي .......