بن جدلان ..
 

السلام عليكم ورحمة الله وبركاته

هذه قصيدة من قصائد الشاعر الكبير بن جدلان ..
أتمنى أن تعجبكم مثلما حصل معي :

يا ذا الجلال اللي عروشك فوق واملاكك حدر
ومهماً تسامت به عروشه مستحيل يطولهـا
يا حـي يـا قيّـوم يـا ذا الأنافـة والكبـر
ما نافسك في عظمتك مكر العبـاد وهولهـا
وما نافسك من عمّر بيوته على سطح القمـر
واللّي ترسي فوق اقاليـم الميـاه سطولهـا
ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر
واللي ما يشكر نعمة المنعم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضلات مـا نريـس حلولهـا
تلعب بنا خلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا
أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر
وسلام يا سبع الآفـاق أطلالهـا وسفولهـا
سلام يا صدق النوى سلام يا وسـع الصـدر
سلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشوف سمولهـا
و ياليتنا لاما سرحنا اليوم الأبيض من فجـر
تبطي عبات الليل ما تضفي عليـه سدولهـا
ولاّ ليامنهـا ضفـن سدولهـا يطلـع بـدر
يا صل ضياه اللي على الكوره تطق طبولهـا
المعتبر يآخذ على الدنيا دروس مـن العبـر
والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر
وتشفع لبيضان الصدور احظوظها وفعولهـا
واهل التكلف بالمعرفـة والتصنـع بالبشـر
والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا


دعواتي وأمنياتي ..

رد: بن جدلان ..
 

رد: بن جدلان ..
 

اختيار موفق يامشعل هذيل ,وبن جدلان هامه من هامات الشعر في الخليج

وعلى فكره شاعرنا الكبير عطالله القارحي كانت له مساجله معه

اتمنى ممن تتوفر لديه ان لايتاخر في احضارهل لنا

لك احترامي

رد: بن جدلان ..
 

شاعر مميّز للأمانة ويكتب على فطرته

مشكور يا مشعل والله لا يهينك

رد: بن جدلان ..
 

الله على هذا الشاعر الجميل


أستاذي الغالي مشعل الهذلي بارك الله فيك على النقل المميز

رد: بن جدلان ..
 

شاعر .. وقصيدته هذه توحيد وإخبات ... ودروس وعبر


مشكور أخوي الفاضل مشعل

رد: بن جدلان ..
 

شكرا يا مشعل



بن جدلان داهية

رد: بن جدلان ..
 

صح لسانه والله

درة شعر بن جدلان

مشكور على الانتقاء يا مشعل

رد: بن جدلان ..
 

شكرا على الانتقاء المتميز

وقصيدة جزله....وعلى طاري شاعر فطرة...... يذكرني ابن جدلان بالشاعر الجزل والمهضوم اعلاميا (سابقا) شاعر الفطره حقا

مسلم بن شعيل المطرفي

رد: بن جدلان ..
 

إختيار موفق ورائع يامشعل
قصيدة فيها الكثير من المواعظ والحكم
ألف شكر أخوي على هذا النقل المميز

رد: بن جدلان ..
 

السلام عليكم ورحمة الله وبركاته

أشكر لكم أهلي كل هذا الجمال الذي أتحفتموني به ...لاشك ان بن جدلان حالة خاصة شاعر مميز ..

ومثلما تفضل أخي مطرفي الجوف ....بن جدلان من مدرسة بن شعيل رحمه الله ..

الذي لم يأخذ حقه ...ولكن ماذا نقول .

شكرا للجميع دون إستثناء .