الله اكبـر رحلـةٍ تمشـي ودنيـاً مستديـره
 

السلام عليكم ورحمة الله وبركاته
اسمحولي ايها الاخوه بهذه الابيات وهى أقل مانقدمه لرجل وشاعر واستاذ استفدنا منه الكثييير. الكثيير ..من المعرفه والأدب والعلوم الطيبه,,, الله يرحمه ويرحم جميع اموات المسلمين ,,,




[poem=font="arial,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
يا صباح الخير يالله فال خيـر وفـال خيـره =
=انصدم فكري ولا ادري وش مجيي من مراحي
ما عرفت ان الخبر ولاآدمـي هـذا مصيـره=
=لين من وقتي مضالي ساعة مانـي ابصاحـي
الله اكبـر رحلـةٍ تمشـي ودنيـاً مستديـره =
=والبقا للي رفع غـر السحـاب بـلا جناحـي
راح ابن منصور مع دربٍ لنا هـذا مسيـره=
=والبشر قبله تروح ومن يجيه الموت راحـي
يالله الرحم يالله الطف يالله اغفر له وجيـره=
=دعوة الصادق من الاعماق يسبقها السماحـي
ولله انا نعرفه في خير حـال وخيـر سيـره =
=في مواقيف الرجال وفـي مياديـن الكفاحـي
يوم كلٍ من ذراعـه بالزنـود يشـب نيـره=
=كل شي له مجـال وكـل علـمٍ لـه نواحـي
نعنبو قلبٍ يشيل من الـردى حبـة شعيـره=
=كان لا سمع الخبـر ماقـال للميـت مباحـي
ولله اللي يعلـم الخافـي ولا يحلـف بغيـره=
=لو تفقـدت الرجـال انـك فقيـده يارياحـي
لشعر وهل الشعر والمعرفه فـي كـل ديـره =
=والبقوم اهل الوفاء والطيب صبيان الفلاحـي
[/poem]

رد: الله اكبـر رحلـةٍ تمشـي ودنيـاً مستديـره
 

يالله الرحـم يالله الطـف يالله اغفـر لـه وجيـره
دعوة الصادق من الاعماق يسبقهـا السماحـي


اللهم امين

صح لسانك يا خالد العصيمي

رد: الله اكبـر رحلـةٍ تمشـي ودنيـاً مستديـره
 

السلام عليكم ورحمة الله وبركاته

الله لايهينك يالعصيمي ،مشاعر نبيلة ولاهي غريبة أبد،رحم الله أبا بدر وأسكنة فسيح جناته،وعفا عنه بمنه وفضله ورحمتة.

صح لسانك ...وأعتقد فيه خطأ إملائي في قولك: يالله الرحم...أعتقد أنك تقصد يالله ارحم.

صح لسانك مرة أخرى

تحية طيبة

رد: الله اكبـر رحلـةٍ تمشـي ودنيـاً مستديـره
 

صدقت يا خالد


والله يرحم ابو بدر رحمه واسعه


لاهنت

رد: الله اكبـر رحلـةٍ تمشـي ودنيـاً مستديـره
 

ولله الـلـي يعـلـم الخـافـي ولا يـحـلـف بـغـيـره
لــو تفـقـدت الـرجـال انــك فـقـيـده يـاريـاحـي


والله انك ما زليت يا خالد

نسأل الله ان يرحمه ويسكنه فسيح جناته


وصح لسانك يا راعي الوفا

رد: الله اكبـر رحلـةٍ تمشـي ودنيـاً مستديـره
 

راح ابـن منصـور مـع دربٍ لنـا هـذا مسـيـره =والبشر قبله تروح ومـن يجيـه المـوت راحـي

رحمه الله وأسكنه فسيح جناته 000

ورحم الله عبدالله المسعودي 0

رد: الله اكبـر رحلـةٍ تمشـي ودنيـاً مستديـره
 

نعنبـو قلـبٍ يشيـل مـن الــردى حـبـة شعـيـره
كــان لا سـمـع الخـبـر مـاقـال للمـيـت مبـاحـي


والنعم يالعصيمي

وبيض الله وجهك

وصح لسانك

الله يبيحه

اللهم ارحمه ونقه من الخطايا كما ينقى الثوب الابيض من الدنس
واسكنه فسيح جناتك
اميــــــــــــــــــــــ ــــــــــــن

رد: الله اكبـر رحلـةٍ تمشـي ودنيـاً مستديـره
 

أنا اشهد
لاهنت يالعصيمي مشاعر نبيلة من شخص نبيل
ولاشك أن الرياحي هامة من هامات الشعر قد هوت
نسأل الله أن يتغمده بواسع رحمته

رد: الله اكبـر رحلـةٍ تمشـي ودنيـاً مستديـره
 

تشكر اخي العصيمي على هذه المشاعر النبيله والطاهره

التي تسمت معانها في القصيده

اسئل الله العلي القدير

ان يتغمده برحمته

تقبل مروري وشكري

اخوك

الحجاج

رد: الله اكبـر رحلـةٍ تمشـي ودنيـاً مستديـره
 

رد: الله اكبـر رحلـةٍ تمشـي ودنيـاً مستديـره
 

وعليكم السلام ورحمة الله وبركاته

الله يبارك فيك أخوي خالد العصيمي ..

ولله الـلـي يعـلـم الخـافـي ولا يـحـلـف بـغـيـره
لــو تفـقـدت الـرجـال انــك فـقـيـده يـاريـاحـي

وجزاك الله كل خير ..


ورحم الله أبو بدر ....لانملك له سوى الدعاء بالرحمة والمغفرة ..

رد: الله اكبـر رحلـةٍ تمشـي ودنيـاً مستديـره
 

الأخوه الأعزاء




الشكركم على المرور الطيب واالكلام النبيل



تحياتي

رد: الله اكبـر رحلـةٍ تمشـي ودنيـاً مستديـره
 

الله يبيض وجهك ياخالد وفاء لا يستغرب من اهل الوفاء

ورحم الله فقيدنا جميعا الشاعر فيصل الرياحي


واسكنه فسيح جناته

رد: الله اكبـر رحلـةٍ تمشـي ودنيـاً مستديـره
 

رد: الله اكبـر رحلـةٍ تمشـي ودنيـاً مستديـره
 

رحمه الله رحمة واسعة

و صح لسانك يا خالد و بيض الله وجهك