أما حيات العز بين المناعير"="والا بلاش انعيش بين القبايل
 

هذه قصيدة أعجبتني ونالت علىلا إعجابي الشديد

وهي للشاعر / عائض بن مبارك الهاجري



ياهاجسـي بالـذات مسيـت بالخيـر""وشلون حالك كيـف حـال المثايـل

أنا علـى شانـك بفـض الطوابيـر""أبـدع مـن الأبيـات وأقـول خايـل

عطني علوم أهل الهوى صبح وعصير""وأعطيك عذب الشعـر يـاورد حايـل

ماني من اللي يحسبـون المخاسيـر""اللـي يحبـون الـردى والفشـايـل

في ذمتـي ماشلـت هـم الفواتيـر""أصحى مدام الشعـر والليـل طايـل

أما حمينا الأبـل وسقنـا المضاهيـر""والا لحقنـا فـوق قـب الأصـايـل

نسرح على ماقيـل حشمـه وتقديـر""ونضوي على درب الوفـا والنفايـل

وأعلمـك حبكـه وفكـره وتصويـر""وأحميك مـن درب ٍ يجيـب الرذايـل

وأعطيك ممـا صـار بيـن التعابيـر""وأفتح على شانـك بريـد الرسايـل

وأحب أجيـب اللعـب وأروح وأسيـر""أهـم ماعـنـدي أقــول الـدلايـل

أمـا كـذا والا بـلاش المشـاويـر""البرق من فوقـي وأخيـل المخايـل

والقلب مثل الـروض كلـه نواويـر""وأنـا علـى ماقيـل مانيـب مايـل

شاعر ولي دربي وأنا تـوي أصغيـر""وأفهم من اللـي يفهمـون الوسايـل

واذا عشقـة أختـار بيـن الغناديـر""العيطمـوس اللـي تهـد الجـدايـل

واللي أبيـه يصيـر بيصـر ويصيـر""ماهمنـي لـو شفـت كـل الهوايـل

ياقـوم ياجسـاس وكليـب والزيـر""وأفلان حط الحمـل وأفـلان شايـل

مدام في راسـي علـوم وسعاطيـر""وأكسب جميع أرضـاء كـل القبايـل

كني مكلـت الكـون ياتونـي أبليـر""مانيـب مثلـك مالكـه بالخمـايـل

والهاجـري ..لاقـال بيـن التقاريـر""فاسمع كـلام الحـق لاصـار قايـل

أمـا حيـات العـز بيـن المناعيـر""والا بـلاش تعيـش بيـن القبـايـل


وسلامتكم

مشاركة: أما حيات العز بين المناعير"="والا بلاش انعيش بين القبايل
 

صح لساااااااااانك....
قصيده روعه وكلمات اروع واروع...
لاعدمناك...
لك خالص احترامي..
بنت الحمايل

مشاركة: أما حيات العز بين المناعير"="والا بلاش انعيش بين القبايل
 

والهاجـري ..لاقـال بيـن التقاريـر""فاسمع كـلام الحـق لاصـار قايـل

أمـا حيـات العـز بيـن المناعيـر""والا بـلاش تعيـش بيـن القبـايـل


قصيده جزله ولاااهان قااايلهااا وناااااااااااااااااا قلهااااا

وانا قووول

حنا الهواااجر والهواااااااجر مشااااهير.....ولاشك اذاا جا وصفنا جااك طااااايل

ماهوو مهااايط بس حنااا مخااااايير....وكانه هيااط ابشر بذيك الهواااااااااااايل


ولاا هنت اخوي على النقله الحلوووه

مشاركة: أما حيات العز بين المناعير"="والا بلاش انعيش بين القبايل
 

مشاركة: أما حيات العز بين المناعير"="والا بلاش انعيش بين القبايل
 

رد: أما حيات العز بين المناعير"="والا بلاش انعيش بين القبايل
 

صح لساااااااااانك....
قصيده روعه وكلمات اروع واروع...
لاعدمناك...


ياامير

رد: أما حيات العز بين المناعير"="والا بلاش انعيش بين القبايل
 

صح لسان من قال ومن نقل

الله يعطيك العافيه