زمــــان يا شعــر
 

السلام عليكم ورحمة الله وبركاته


هذي قصيده قديمه جدا.... لشاعر اراه الان من اعذب الشعراء وهي قصيده فكاهيه واتمنى ان تنال اعجابكم واستحسانكم ولي رجاء خاص جدا للشاعر ان لا يزعل علي ولا يزعل مني فالقصد هو المشاركة ليس الا.


[poem=font="arial,5,#00008b,normal,normal" bkcolor="" bkimage="" border="none,1," type=0 line=0 align=center use=ex num="0,"]
تعبت البنت والكذبـه وتعبـت مراقـب الشبـاك=وتعبت الليل والمسرى ونار الشوق واحزاني
وتعبت سهيل والقمره وذلي كل ما اترجـاك=وتعبت اسهر فشباكـي طـوال الليـل وحدانـي
وتعبت اقول انا احبك تعبت اقول انـا اهـواك=تعبت اكتب رسايل عشـق وارميهـا لجيرانـي
وتعبت ادق باب البيت ودي المحك والقاك=وترد امك واقول حسين وين حسين ماجاني
وهذا حسين بزر مايعرف العرفجه من الراك=حشا ماهو بصاحب لي يماشي اصغر اخواني
ولكني ابتليت يمر ابوي يقولي وش جاك=واقول حسين مايفهم دروسه ابوه وصاني
ونجلس جنب باب البيت انا وحسين في طرياك=اباكي تزهمين حسين واسمع صوتك الجاني
يقولي حسين وش تبغى واقله انثبر مبغاك=يقولي طيب ابروح واقوله اجلس على شاني
واروح اشري لحسين الجمبري الي فيه صورت جاك=ولاجبته يقلي حسين جبلي واحد ثاني
وانا ماملك فجيبي غير خمسه ريال للتمباك=وولاعه ليا كثرة همومي اشعلت دخاني
اشوف حسين بالشارع واجي ويقول من ناداك =وانا ادري اني طفشته واقوله مين ناداني
تعبت الله وكيلك بالظهر جالس وانا اتحراك=متى من جامعتك تجين لجل تشوفك اعياني
واسوي محترم واقوم من جنب الدرج وادراك=ابا الوالد يقلك محترم ذا جارنا فلاني
تعبت الله وكيلك من دروب كلبوها اشواك=وتعبت اقول ياليلى وانا المجنون بجناني
ابوكِ لابخوكِ حسين لابو من طرا ذكراك=ابي ارتاح من ذلي وشوق شق ضلعاني
حشى مو حب هذا بلوت ياليتها تبلاك=سريت بداخلي وامسيت في فكري ووجداني[/poem]


وسلامتكم

رد: زمــــان يا شعــر
 

السلام عليكم ورحمة الله وبركاته


لاهنت اخوي المهاجر على النقل ماقصرت ، ولو أخذت راي صاحب القصيدة يمكن أفضل . تعرف الشعار قديمهم يعني فيه الكثير من الأنطلاق والسطحية ، فيؤثرون أن يكون للذكرى ولمن لهم مكانة خاصة.

عموما ماقصرت ،أصلحك الله ووفقك.

تحية طيبة

رد: زمــــان يا شعــر
 

شكرا على مرورك اخي عماد العبيدي

ولا اظن ان الشاعر بيزعل من نقل هذه القصيده خصوصا انها فكاهيه ولا يُعرف صاحبهااا.... إلا اذا اراد البوح بنفسه..... ولا اظن ان احدا غيري يعلم لمن هذه القصيده.....وايضاً هي قصيده جيده ولا تعيب شاعرها...... وكما ذكرت في الموضوع هي في بداياته ....وربما في يوم من الايام انسبها لصاحبها....

عموما اتمنى ان تكون قد نالت اعجابك واستحسانك كما اعلم عنك متذوقا للشعر .


دمت بود ومحبه

رد: زمــــان يا شعــر
 

رد: زمــــان يا شعــر
 

طبعا فعلا حسنا


ايضا

رد: زمــــان يا شعــر
 

اخي المهاجر هذه القصيده سمعتها واعرف شاعرها واني والله احب ان اسمعها منه دائماا

...........تحياااااااااتي لك والف شكرا على النقل المميز

رد: زمــــان يا شعــر
 

شكرا على مرورك رايد

ابشر ابشر دام لقيت المتابعه بواصل وبقوه ههههههههههههههه

انتظر قريبا .......


دمت بود ومحبه

رد: زمــــان يا شعــر
 

شكرا على مرورك خلف

واتمنى ان تزودنا بقديم هذا الشاعر دامك تعرفه ومتواصل معه

فكلي شوق للقياه ومنادمته وسماع جديده .......


دمت بود ومحبه