قصيدة لعبدالله الطلحي بصوتي
 

[align=left][align=right]السلام عليكم ورحمة الله وبركاته
جايب لكم شيلة بصوتي إن شاء الله تعجبكم
القصيدة لشاعر الحكمة عبدالله الطلحي.....
إليكم القصيدة بالنص ... بس لا تنسون تصوتون على الشيلة.......
واحد ممتاز
إثنين جيد
ثلاثة متوسط

هذي السنه شرابة البن غيّاب
املا دلالي واتقهوى لحالي
ساعات كني سامعٍ دقّ في البـاب
وإليا فتحت الباب وإليـاه خالـي
صدّ وجفا وغياب مجهول الأسباب
بالرخص باعوني وانا كنت غالـي
دار الزمن واثـره كما قيـل دولاب
طالع ونازل بيـن ميـل وعدالـي
يبدي القمر بحساب ويغيب بحساب
بيض الليالي بين سـود الليالـي
العام كنّـا فيـه خـلان واحبـاب
نتقاسم اللقمـه ونـص الريالـي
واليوم صرنا نلتقي مثل الأغـراب
ردّ السلام ولا نشـد كيـف حالي
يا قلب لا تبدي لهم لـوم وعتـاب
ماله مع الحـيّ المقفّـي مجالـي
لو قلت له هذا بلا أبوك يا عقـاب
لاحاسبك مكسـب ولا راس مالـي[/align]





تحميل الملف من هنا[/align]

رد: قصيدة لعبدالله الطلحي بصوتي
 

شكرا على القصيدة

ويعطيك العافيه على الشيلة

وياليت تكثرلنا من قصائد شاعر الخكمه الشاعر عبد الله الطلحي

لأني من اشد المعجبين بشعرة وحكمته
ودائم ابحث عن قصائده والقاها في منتديات ثانيه وحنا اولى بشعاعرنا وبقصايدة من غيرنا
اكرر شكري

رد: قصيدة لعبدالله الطلحي بصوتي
 

[align=right]اخوي مطر الجوفــ في
شكراً على المرور وإليك قصيدة لشاعر الحكمة


قال انفعلت وقلت روق وهدي
لاتاخذ الموضوع ماخذ جدي
اعرض عن الجاهل وخلك عاقل
وفوت كثير من الكلام وعدي
انا مجرب خطة مدروسة
إليا بليت بجاهل متحدي
اقول يا ابن الناس ماني قدك
وانا ادري انه صدق ماهو قدي
لكني ابعد عن جدال الجاهل
يغثني ولا يبيح سدي
وإلا بدر مني طوارف هرجة
يسمع بها الجاهل وتحسب ضدي
وانا مع العاقل رصيدي عالي
إللي ليا مديت قدر مدي
ماودي اخسر من رصيدي عندة
لو ان ضد الخصم غاية ودي
لكني اسمع هرجة وازهلها
وانا على دعواه جاهز ردي
خله يعود مقتنع بافكارة
واللي يجيب من الدروب يودي
واليا زهمني قلت ماني فاضي
امر وارد السلام معدي
بعض المجالس ماتناسب مثلي
افضل من اقبالي عليها صدي
والله عن اصحاب الردى مغنيني
اجوع وآكل لقمتي من كدي
الله يرحم شايب وصاني
ويقول هذي من وصايا جدي
من سار في درب الكرامة يكرم
ومن سار في درب الردى متردي
وصية الشايب وانا حافضها
من قبل مايبدي الشعر في خدي
واليوم اخذت من التجارب قسمي
واعرف حدود الناس واعرف حدي[/align]

رد: قصيدة لعبدالله الطلحي بصوتي
 

أخي كبكي قديم يعطيك العافيه
على هذه الشيلة الجميلة بصوتك العذب
وفعلا كل قصيده لشاعرنا عبدالله الطلحي
ديون وكل الشكر لك وصح لسانك ولسان شاعرنا

رد: قصيدة لعبدالله الطلحي بصوتي
 

يا مرحبا والله بنواف الكبكبي

صوت شجي واداء رائع

بيض الله وجهك وصح الله لسان شاعر الحكمة

رد: قصيدة لعبدالله الطلحي بصوتي
 

لاهنت يالكبكبي وبيض الله وجهك

على ما قدمت لنا

رد: قصيدة لعبدالله الطلحي بصوتي
 

بيض الله وجهك قصيدة جزلة من شاعر الحكمه الشاعر الكبير عبدالله الطلحي الهذلي وصوت رائع يانواف .

تحياااتي .

رد: قصيدة لعبدالله الطلحي بصوتي
 

مشكور وبيض الله وجهك يالسنافي صوتك والله منتااااااز

وياخوي مطرفي الجوف حنا انزلنا ديوان كاااااامل لعبدالله الطلحي صووووووووتي

الجديد اللي بعنوان حكمة الصمت

حصررررررررررررررررررري وابحث وتلقاه وانا خوك

رد: قصيدة لعبدالله الطلحي بصوتي
 

مشكورين على المرور والله لا يهينكم

رد: قصيدة لعبدالله الطلحي بصوتي
 

مشكور على الشيلة..

رد: قصيدة لعبدالله الطلحي بصوتي
 

تسلم يانواف ويعطيك العافيه

والله روووووعة

رد: قصيدة لعبدالله الطلحي بصوتي
 

بيض الله وجهك شيلة رائعة ولحن ممتاز
وصح لسن شاعر الحكمة عبدالله الطلحي

رد: قصيدة لعبدالله الطلحي بصوتي
 

شكرا على القصيدة

رد: قصيدة لعبدالله الطلحي بصوتي
 

الله يعطيك العافيه